“മ്മ് “

അവൾ തലയാട്ടി.

“ആഹ് പിന്നെ… എനിക്ക് കുറച്ച് ക്യാഷ് വേണം ”

“അതിപ്പോ ഇച്ചായാ… എൻെറ കൈയ്യിൽ ഇപ്പൊ ഒന്നുമില്ല ”

“കുറെ സ്വർണം വാങ്ങി തന്നിട്ടുണ്ടല്ലോ അപ്പനും മമ്മിയും കൂടി.. വല്ല മോതിരമോ മറ്റോ ഉണ്ടേൽ എടുത്തു തരണം. ഞാൻ പണയം വച്ചോളാം ”

“മ്മ് “

അവൾ അവളുടെ കൈയ്യിലുള്ള മോതിരം ഊരാൻ പോയി.

“ഇത് വേണ്ട ജെസ്‌നെ… എപ്പോളും ഇടാത്ത വല്ല മോതിരം ഉണ്ടേൽ അത് മതി ”

“മ്മ് “

ജെസ്‌ന പെട്ടെന്ന് പോയി ഒരു മോതിരം എനിക്ക് കൊണ്ട് വന്ന് തന്നു.

“നിന്റെ സ്കൂട്ടിയും എനിക്കിന്ന് ആവശ്യമുണ്ട് “

എന്ന് പറഞ്ഞ് ജെസ്‌നയുടെ സ്കൂട്ടിയുമായി ഞാൻ പുറത്തേക്കു പോയി.

ജഹാൻകിർ അണ്ണൻ എന്നോടുള്ള ബന്ധത്തിന്റെ പുറത്ത് ഈ കൊട്ടേഷന് പൈസ വാങ്ങില്ലെങ്കിലും പരിപാടി കഴിയുമ്പോൾ അണ്ണനും സംഘത്തിനും അർമാദിക്കാനുള്ള കള്ളും കഞ്ചാവും മധുരാക്ഷിയും അറേഞ്ച് ചെയ്തു കൊടുക്കുന്നതാണല്ലോ അതിന്റെ ഒരു ഇത്.

എന്റെ കൈയ്യിലുള്ള പൈസ മതിയാവില്ല എന്ന് തോന്നിയതോടെയാണ് ജെസ്‌നയുടെ കൈയ്യിൽനിന്ന് മോതിരം വാങ്ങി പണയം വയ്ക്കാം എന്ന് ഞാൻ ആലോചിച്ചത്.

മോതിരം പണയം വയ്ക്കാൻ സിറ്റിയിലെ ബാങ്കിൽച്ചെന്ന് അവിടത്തെ അസിസ്റ്റന്റ് മാനേജറെ കാണാൻ പുറത്ത് കാത്ത് നിന്നപ്പോളാണ് അസിസ്റ്റന്റ് മാനേജറിന്റെ ക്യാബിനിൽ റിൻസി ചേച്ചിയെ കണ്ടത്.