അടിച്ച് നല്ല ഫോമിലായിരുന്നെങ്കിലും അണ്ണന് എന്നെ കണ്ടപ്പോൾത്തന്നെ മനസ്സിലായിരുന്നു.

ഞാൻ അണ്ണനോട് കാര്യങ്ങളെല്ലാം വിശദമായിത്തന്നെ പറഞ്ഞു. അണ്ണൻ എന്നെ സഹായിക്കാമെന്ന് വാക്കും തന്നു. അണ്ണന്റെ ഒപ്പം കമ്പനിയൊക്കെ കൂടി വെളുപ്പാങ്കാലമായപ്പോളാണ് തിരികെ വീട്ടിലെത്തിയത്.

ഈ സമയമത്രയും ജെസ്‌നയുടെ ഫോണിലേക്കുള്ള നജീബിന്റെ മെസ്സേജിന് ഞാൻ റിപ്ലൈ കൊടുക്കുന്നുണ്ടായിരുന്നു.

കുറച്ച് കമ്പി വർത്തമാനമൊക്കെ ടെക്സ്റ്റ്‌ ചെയ്തു നാളെ ഗ്രൗണ്ടിൽ കൃത്യ സമയത്തെത്താൻ ജെസ്‌ന പറയുംപോലെ ഞാൻ മെസ്സേജ് അയച്ചിരുന്നു.

പിറ്റേന്ന് രാവിലെ തന്നെ ജെസ്‌ന എന്റെ മുറിയിലേക്ക് വന്നിരുന്നു. അവളുടെ മുഖത്തെ ടെൻഷൻ എനിക്ക് കാണുമ്പോഴെ മനസിലായി.

“ഇച്ചായാ? ”

“എന്ത്യേ? ”

“അല്ല… ഇന്ന് അവൻ ഗ്രൗണ്ടിൽ വരില്ലേ? ”

“വരും ”

“അപ്പൊ ഞാനില്ലെങ്കിൽ? ”

“എന്ത്യേ നിനക്ക് അവനെ കാണാൻ പോണോ? ”

“മ്മ്ച്ചും “

അവൾ തോളനക്കി.

“ഇച്ചായാ… ഇച്ചായൻ എന്താ ചെയ്യാൻ പോണത്? ”

“കാര്യം നടന്നാൽ പോരെ.. എല്ലാം നിന്നോട് വിശദീകരിക്കണോ? ”

“അതല്ല ഇച്ചായാ രണ്ട് തല്ലു തല്ലിയാലും അവന്റെ ഫോൺ തട്ടിപ്പറിച്ചു വാങ്ങിയാലും കാര്യമുണ്ടോ?
വീഡിയോ ഒക്കെ അവൻ വേറെ എവിടേലും സേവ് ചെയ്തു വച്ചിട്ടുണ്ടെങ്കിലോ? ”

“ഞാൻ നോക്കിക്കൊള്ളാം എന്ന് പറഞ്ഞാൽ എല്ലാം ഞാൻ നോക്കിക്കൊള്ളാം എന്നാണ് അർത്ഥം… നീ വേറെ ഒന്നും ചിന്തിക്കാൻ നിക്കണ്ട ”