ഞാൻ പറയുന്നത് കേട്ടു ജെസ്‌ന ഒന്നും പറയാതെ തല കുനിച്ചു നിന്നതേയുള്ളൂ.

“നീ പൊയ്ക്കോ… ഇനി അവൻ ഫോൺ വിളിച്ചാൽ ഞാൻ നോക്കിക്കോള്ളാം… തൽക്കാലം ഫോൺ എൻെറ കൈയ്യിൽ ഇരിക്കട്ടെ ”

“ശരി ഇച്ചായാ“എന്നും പറഞ്ഞ് ജെസ്‌ന വണ്ടിയുമായി പോയി.

ബൈക്കുമെടുത്തു ഞാൻ നേരെ പോയത് ജഹാൻകിർ അണ്ണനെ തേടിയാണ്. സ്ഥലത്തേ പ്രധാന കൊട്ടേഷൻ സംഘ മേധാവിയാണ് ജഹാൻകിർ അണ്ണൻ.

എഞ്ചിനീയറിംഗ് കോളേജിൽ പോയപ്പോൾ ഉണ്ടായ ഗുണങ്ങളിൽ ഒന്നാണ് ജഹാൻകിർ അണ്ണനുമായുള്ള അടുപ്പം.

ഒരിക്കൽ അണ്ണനും സംഘവും കോളേജിൽ കയറി ചിലവന്മാരെ മേഞ്ഞപ്പോൾ അണ്ണന് അനുകൂലമായി ഞാൻ മൊഴി കൊടുത്തപ്പോൾ മുതലാണ് അണ്ണനുമായുള്ള ബന്ധം തുടങ്ങുന്നത്.

അന്ന് എന്റെ നിർണായക മൊഴികൊണ്ടു മാത്രമാണ് അണ്ണൻ ജയിലിൽ കിടക്കാതെ രക്ഷപ്പെട്ടത്. അതുകൊണ്ട് തന്നെ എനിക്ക് എന്ത് ആവശ്യമുണ്ടേലും അണ്ണനെ ബന്ധപ്പെട്ടോളാൻ അണ്ണൻ അന്ന് മുതലേ അനുവാദം തന്നിരുന്നു. പിന്നെ ഒന്ന് രണ്ട് തല്ലു കേസിനു അണ്ണനെ ബന്ധപ്പെടുകയും അണ്ണൻ അത് ഒതുക്കി ത്തന്നതുമാണ്.

പക്ഷെ പ്രധാന പ്രശ്നം എന്താന്ന് വച്ചാൽ അണ്ണന് ഒരു സ്ഥിര താവളമില്ലാത്തതാണ്. ഒരു സ്ഥലത്തു നിന്ന് മറ്റൊരു സ്ഥലത്തേക്ക് മാറിക്കൊണ്ടേയിരിക്കും. മൊബൈൽ നമ്പറും മാറും..

കുറച്ച് സുഹൃത്തുക്കളൊക്കെ വഴി അണ്ണനെ കണ്ട് പിടിച്ച് വന്നപ്പോളേക്കും സമയം ഏറെ രാത്രിയായിരുന്നു. ഒരു കൊടും കാട്ടിൽ മലമുകളിൽ ഒരു ഒറ്റപ്പെട്ടവീട്ടിൽ അണ്ണനും സംഘവും കള്ളും പെണ്ണുമെല്ലാമായി ആഘോഷത്തിലായിരുന്നു.