രണ്ടു പേർക്കും എവിടെ തുടങ്ങണം എന്ന ചമ്മലിലാണ്.. അവസാനം ബിനു തന്നെ മുൻകൈ എടുക്കാം എന്നുകരുതി.

അടുക്കളയിലേക്കു ചെന്നപ്പോ കിച്ചൻ സ്ലാബിൽ പിടിച്ചു ജനലിലൂടെ പുറത്തേക്കു നോക്കി നിൽക്കുന്ന സ്മിതയെയാണ് കണ്ടത്..

ഷാജിയുടെ വീടിന്റെ അടുത്ത ഗ്രാമത്തിൽ ആയിരുന്നു സ്മിതയുടെ വീട്. ഷാജി പത്തിൽ തോറ്റു.. സ്മിതയുടെ സ്‌കൂളിന് അടുത്തുള്ള ഒരു പാരലൽ കോളേജിൽ പഠിക്കുന്ന സമയത്താണ് ഇവർ പ്രണയത്തിൽ ആകുന്നത്, തന്നെക്കാൾ ആറു വയസ്സ് കുറവുള്ള അവളെ അവൻ ശരിക്കും വളച്ചെടുക്കുകയായിരുന്നു.

ഷാജിയുടെ അച്ഛൻ പോലീസ് ഡ്രൈവർ ആയിരുന്നു. എന്നും സ്റ്റേഷനിലേക്ക് പോകുന്ന വഴി ഷാജിയെ ഡ്രോപ്പ് ചെയ്യുന്നത് കണ്ടു ഏതോ വലിയ ഉദ്യോഗസ്ഥന്റെ മകനാണെന്ന് കരുതിയാണ് സ്മിത അവനെ ശ്രദ്ദിക്കാൻ തുടങ്ങിയത്..

പ്ലസ് ടു കഴിഞ്ഞു കഴിഞ്ഞു ഡിഗ്രി പഠിക്കാൻ പോയപ്പോഴും അവർ തങ്ങളുടെ സ്നേഹബന്ധം തുടർന്നു..

ഷാജി അവരുടെ കോളേജിന് അടുത്തായി ഒരു ബേക്കറി തുടങ്ങുകയും ചെയ്തു

അപ്പോഴേക്കും ഷാജിയുടെ അച്ഛൻ മരിക്കുകയും ചേട്ടന് ആശ്രിത നിയമനത്തിലൂടെ പോലീസിൽ തന്നെ ജോലി ലഭിക്കുകയും ചെയ്തു..

പ്രേമം തലക്കു പിടിച്ച സ്മിത ഡിഗ്രി തോറ്റതോടെ ഇനി പഠിക്കാൻ പോകുന്നില്ല എന്നുപറഞ്ഞപ്പോ ഇവരുടെ പ്രേമം അറിയാവുന്ന വീട്ടുകാർ തങ്ങളേക്കാൾ സാമ്പത്തികനിലയിൽ പിന്നോക്കം ആയിരുന്നു ഷാജിയുടെ കുടുംബ മെങ്കിലും കൂടുതൽ പേരുദോഷം ഉണ്ടാക്കേണ്ട എന്ന തിരിച്ചറിവിൽ കല്യാണത്തിന് സമ്മതിക്കുകയായിരുന്നു.