ഇതൊക്കെ നടക്കുന്ന കാര്യം ആണോ സിനിമ പോലെ . അല്ലേലും ബിജോയുടെ ചേട്ടൻ ഇതിനൊക്കെ സമ്മതിക്കുമോ

നല്ല കാര്യം അങ്ങേരു ഭൂലോക ഉടായിപ്പ് ആണ് അതാ പുള്ളി നാട്ടിൽ നിൽക്കാതെ ആഫ്രിക്കയിൽ പോയത് അവിടെ കുടുംബം വല്ലതും ഉണ്ടോ എന്ന് എനിക്ക് സംശയം ഉണ്ട്.. പിന്നെ ഞാൻ എന്ന് വെച്ചാൽ ജീവൻ ആണ് അതുകൊണ്ട് ഞാൻ പറഞ്ഞാൽ സമ്മതിക്കാതെ ഇരിക്കില്ല – ബിജോയ് ചുമ്മാ തട്ടിവിട്ടു

രേഷ്മയുടെ കാര്യം ആയതുകൊണ്ട് ഞാൻ സമ്മതിക്കാം പക്ഷേ കല്യാണത്തിന് ഞാൻ സമ്മതിച്ചാലും അങ്ങേരുടെ കൂടെ ജീവിക്കാൻ പറ്റില്ല ഞാൻ നൗഫലിന്റെ കൂടെ പോകും

അതൊക്കെ ശരിയാക്കാം ചേച്ചി ഞാനും ചേട്ടനും കൂടി നൗഫലിന്റെ കാര്യം നടത്തിത്തരും ചേച്ചി ആദ്യം ചേട്ടനും ആയുള്ള കല്യാണം സമ്മതിക്കൂ

ഓക്കേ..

അപ്പൊ, ശരി ചേച്ചി ബൈ..

കാര്യങ്ങൾ എല്ലാം ഉദേശിച്ചത്‌ പോലെ നടന്നു വരിക ആയിരുന്നു.

ആദ്യം രേഷ്മയുടെയും ബിജോയുടെയും കല്യാണം തുടർന്ന് ചേട്ടന്റെയും ഗ്രീഷ്മയുടെയും വിവാഹം എന്ന രീതിയിൽ വീടുകളിൽ ഒരുവിധം ഓക്കേ ആക്കി വന്നപ്പോഴാണ് രേഷ്മയുടെ അമ്മയുടെ മൂത്ത ആങ്ങള ഉടക്ക് ഇട്ടത്..

ആദ്യം മൂത്തവരുടെ കല്യാണം പിന്നെ ഇളയവരുടെ കല്യാണം എന്ന രീതി മതി എന്ന് അയാൾ ഉറപ്പിച്ചു പറഞ്ഞു ..

ആരുടേയും മുമ്പിൽ മുട്ടുമടക്കാത്ത രേഷ്മയുടെ അമ്മ പോലും പേടിക്കുന്ന മൂത്ത ആങ്ങള അങ്ങനെ പറഞ്ഞപ്പോ ആർക്കും എതിർപ്പ് പറയാൻ പറ്റിയില്ല. മാത്രമല്ല, പറഞ്ഞതിൽ ലോജിക് ഉണ്ടായിരുന്നു താനും.