ജീവിതം ഇങ്ങനെയൊക്കെയാണ്
ജീവിതം – അവിടന്ന് ഒരു ചാൻസ് കിട്ടിയപ്പോൾ ഞാൻ അച്ചനെ ഒറ്റക്ക് മാറ്റി നിർത്തി സംസാരിച്ചു..
മോനെ അവള് പാവം ആണ്. നിൻ്റെ ആഗ്രഹം കർത്താവ് നടത്തി തന്നിരിക്കുന്നു.
ഫംഗ്ഷൻ കഴിഞ്ഞ് എല്ലാവരും പിരിഞ്ഞു പോയി..
രജീഷയും റീജ ആൻ്റിയും എല്ലാം വീട്ടിലേക്ക് പോയി…
ആണുങ്ങൾ കുറച്ചു പേരുണ്ട്.
അച്ചൻ , കപ്യാരു, മത്യുസ് അങ്കിൾ അങ്കിളിൻ്റെ രണ്ടു അനിയന്മാർ രണ്ടു അളിയന്മാർ റോജിൻ റോബിൻ അയൽ പക്കത്തെ മൂന്ന് ചേട്ടൻമാർ പിന്നെ ഞാൻ..
ജിജോ നീയും റോബിനും റോജിൻനും കൂടെ ഇപ്പൊൾ തന്നെ ടൗണിൽ പോയി കല്യാണത്തിനും റിസപ്ഷനും മറ്റും വേണ്ടുന്ന ഡ്രസ്സുകൾ എടുക്കണം….
അച്ചോ,, മിന്ന് സ്വർണ്ണ കടയിൽ വിളിച്ചു പറയാം, ഇനി രജി മോൾക്ക് ഡിസൈൻ എന്തെങ്കിലും ഉണ്ടെങ്കിൽ ചോദിച്ചിട്ട് ഇന്ന് തന്നെ പോകണം……
ഫുഡ് ഇവര് തന്നെ ചെയ്യും…
ജിജോ നിൻ്റെ കൂട്ടുകാർ ആരെങ്കിലും ഉണ്ടെങ്കിൽ ഡ്രസ്സ് സെലക്ട് ചെയ്യാൻ വിളിച്ചോ വണ്ടിയിൽ സ്ഥലം കാണുമല്ലോ….
അപ്പൊൾ 7 & 8 ഓഗസ്റ്റ് കല്യാണം….
ഞാൻ ഷമീറിനെ വിളിച്ചു നിതിനെ കൂട്ടി ടൗണിൽ WE MEN'S ലേക്ക് വരാൻ പറഞ്ഞു…
ഞങൾ WE MEN'S ഷോപ്പിൽ കയറി റോജിനും റോബിനും ഷർട്ട് പാൻ്റ് ഷൂ എല്ലാം നോക്കട്ടെ എന്നു പറഞ്ഞു…
WE MENS പാലക്കാട് ജില്ലയിലെ അത്യാവശ്യം വലിയ ഒരു ജൻ്റ്സ് ഷോപ്പ് ആണ് , സ്റ്റിച്ചിംഗ് , റെഡിമെയ്ഡ് , പാദരക്ഷകൾ , കോസ്മെട്ടിക്സ് എല്ലാം ചേർന്ന ഒരു സംഭവം ആണ്…
ഞാൻ ക്യാഷ് കൗണ്ടറിൽ തന്നെ നിന്ന് സ്റ്റാഫിനോടു കല്യാണ കാര്യങ്ങൾ പറഞ്ഞു കല്യാണത്തിനും റിസപ്ഷനും ഉള്ള ബ്ലേസിയേർ കോട്ട് സ്റ്റിച്ച് ചെയ്തു തലേന്ന് വീട്ടിൽ എത്തിക്കാം എന്ന് പറഞ്ഞു….
അവന്മാർ വന്നു ഞാൻ രണ്ടുപേരെയും പുറത്തേക്ക് കൊണ്ട് പോയി നടന്ന കാര്യങ്ങൾ പറഞ്ഞു.
അവന്മാർ വാ പൊളിച്ചു നിന്ന്…
ഡാ മച്ചാൻ മാരെ എൻ്റ അളിയൻ മാര് രണ്ടും അകത്ത് ഡ്രസ് നോക്കുന്നുണ്ട്…
ഇതെല്ലാം സംഭവിച്ചു. ഇനി സമയം ഇല്ല.. അവളുടെ കല്യാണ സാരി ഗോൾഡൺ കളർ ആണ് അതിലേക്ക് എനിക്ക് ക്രീം കളർ കോട്ട്..
റിസെപ്ഷൻ എന്താണ് പെണ്ണിന് ഗൗൺ ആണോ നിതിൻ ചോതിച്ച്..
അല്ലടാ , അതും സാരിയാണ് റെഡ് ഗോൾഡൺ കളർ….
എടാ ജിജോ നമുക്ക് സ്റ്റഫിനോട് ചൊതിക്കാം നീ വാ ഷമീർ പറഞ്ഞു….
ഞങൾ അകത്തു കയറി..
കിരൺ ചേട്ടാ ,
ആ ,, നിതിൻ ബ്രോ ഷമീർ ബ്രോ…
ചേട്ടാ ഇത് ജിജോ ഞങൾടെ ചങ്ക്ക് ആണ്…
കല്യാണം പെട്ടന്ന് തീരുമാനിച്ചതാണ് .. …
സ്പീഡ് അപ്പ് ആക്കി കാര്യം സെറ്റ് ആക്കണം…
ചെയ്യാം നമുക്ക്..
നിങ്ങളുടെ കൂടെ അല്ലേ ആ രണ്ടു പേരും…
അതെ , അളിയൻ മാരാണ്…
അങ്ങിനെ ഷൂ ചെരുപ്പ് ബെൽറ്റ് ഗ്ലാസ് എല്ലാം സെറ്റ് ചെയ്തു…
നിതിനും ഷമീറിനും പിന്നെ അളിയൻ മാർക്ക് ഡ്രസ് ഷൂ എടുത്ത്….
കിരൺ കല്യാണ തലേന്ന് അഞ്ച് മണിക്ക് എല്ലാം കൂടെ എത്തിക്കാം എന്ന് പറഞ്ഞു…
റോബിൻ ചേട്ടൻ പെയ്മെൻ്റ് എത്ര എന്ന് ചോതിച്ച്…
നമുക്ക് അപ്പൊൾ ചെയ്യാം…
ചേട്ടൻ വരുമ്പോൾ ഞങൾ തിരക്കിൽ ആയിരിക്കും….
പൈസ ഇപ്പൊൾ തന്നെ അടക്കാം..
രണ്ടു മിനിറ്റ്…
കിരൺ ബ്രോ ബിൽ പ്രിൻ്റ് ചെയ്തു…
37400 ₹ 37000 തന്നാൽ മതി…
നിതിനും ഷമീറിനും ഓരോ കവറിൽ ഡ്രെസ്സും ഷൂ നൽകി , അത് പോലെ അളിയൻ മാർക്കും …
എല്ലാവരും കൂടെ തിരിച്ചു…
അവന്മാർ വീട്ടിൽ പോയി..
ഞങ്ങൾ വീട്ടിൽ എത്തിയപ്പോൾ സാധാരണ പോലെ അങ്കിളും ആൻ്റിയും രജിഷയും പിന്നെ
ഞങ്ങളും തന്നെ ഒള്ളു…
ഇനി കല്യാണ തലേന്ന് എല്ലാവരും എത്തുക ഒള്ളു…..
റീജ ആൻ്റിക്ക് എന്നോട് ഉള്ള പെരുമാറ്റത്തിൽ ഒരു മാറ്റം വന്നിട്ടുണ്ട് എന്ന് മനസിലായി…
ആൻ്റിയും രജിഷയും ഞങൾക്ക് ഭക്ഷണം വിളംബി…
അവരും കൂടെ ഇരുന്ന് കഴിച്ചു…
ഉത്സവ പറമ്പിൽ കണ്ട പരിചയം പോലും കാണിക്കുന്നില്ല എൻ്റ ഭാര്യ ആകേണ്ടവൾ..
ഞാൻ കഴിച്ചു കഴിഞ്ഞു വീടിന് പുറത്ത് ഇറങ്ങി ചുമ്മാ നടന്നു..
കുറെ നേരം കഴിഞ്ഞപ്പോൾ ആൻ്റി വന്നു പറഞ്ഞു ജിജോ നല്ല മഞ്ഞ് ഉണ്ട് , അകത്തേക്ക് കയറി വാ , വല്ല അസുഖവും വരും. രണ്ടു ദിവസം കഴിഞ്ഞാൽ കല്യാണം ആണ്..
ആൻ്റി പൊക്കോ, ഞാൻ വരാം
ഞാൻ ഉടൻ നടത്തം അവസാനിപ്പിച്ചു , റോജിൻ്റ റൂമിലേക്ക് പോയി…
പിന്നെ സംസാരങ്ങൾ പ്രത്യേകിച്ച് ഒന്നും ഇല്ലാതെ അന്ന് കഴിഞ്ഞുപോയി..
പിറ്റേന്ന്..രാവിലെ ഏഴു മണിക്ക് തന്നെ കുളിച്ചു ഒരുങ്ങി പള്ളിയിലേക്ക് എന്ന് പറഞ്ഞു ഞാൻ ഇറങ്ങി..
കാൽ നടയായി തന്നെ ഞാൻ പള്ളിയിലേക്ക് പുറപെട്ടു….
ഞാൻ നടന്നു പള്ളിയിൽ എത്തിയപ്പോൾ പ്രാർത്ഥനക്ക് ഇടവകയിൽ നിന്നും കുറച്ചു ആളുകൾ ഉണ്ട്..
എല്ലാവരും എന്നെ കണ്ടപ്പോൾ അൽഭുതം പോലെ നോക്കുന്നു..
നാട്ടുകാർക്ക് ഇടവകക്കാർക്കും അറിയുന്ന ജിജോയിൽ നിന്നും എൻ്റ മാറ്റം കണ്ടിട്ടാണ്….
അതിൽ ഭൂരിഭാഗം പേരും കഴിഞ്ഞ ദിവസത്തെ ചടങ്ങിന് ഇല്ലാത്തവരാണ് , എന്നാൽ നാട്ടിൽ മുഴുവൻ സെക്കൻഡുകൾ കൊണ്ട് പാട്ടായിരുന്നു….
എന്നാൽ ആ കൂട്ടത്തിൽ നിന്ന് എന്നെ മോനേ ജിജോ എന്ന് ഒരു സ്ത്രീ സ്വരത്തിൽ വിളിച്ചു…
ഞാൻ നോക്കിയപ്പോൾ ബിന്ദു ടീച്ചർ ആണ് മുഴുവൻ പേര് ബിന്ദു ജോസഫ് , എന്നെ ചെറിയ ക്ലാസിൽ പഠിപ്പിച്ച ടീച്ചർ ആണ്…
ഞാൻ കുറുബാന തുടങ്ങും വരെ ടീച്ചറുമായി സംസാരിച്ചു , പെട്ടന്ന് ഉണ്ടായ കാര്യങ്ങൾ..
മോനെ ജിജോ കർത്താവ് അവളെ നിനക്ക് വേണ്ടി സൃഷ്ടിച്ചതാണ് , അത് നിൻ്റെ കൈകളിൽ തന്നെ എത്തിച്ചു കൊടുക്കുക എന്നത് മാത്രം ആയിരുന്നു കടമ്പ, അതിനും ജീസസ് വഴി കാണിച്ചു തന്നില്ലേ.
ഇനി ഒരു ജോലി നോക്കി വീട് വച്ച് അവളോട് ഒത്ത് സന്തോഷത്തോടെ ജീവിച്ച് കാണിച്ചു കൊടുക്കണം…
രണ്ടു പേരും കൂടി ജോലി ചെയ്തു ജീവിക്കണം…
അപ്പോഴേക്കും അച്ഛൻ കുറുബാന തുടങ്ങാൻ പോകുന്നു എന്ന് അറിയിച്ചു….
എല്ലാവരും കുറുബാനയിൽ പങ്കെടുത്തു.
കുറുബാനക്ക് ശേഷം ചിലർ സെമിത്തേരിയിലേക്ക് പോയി ചിലർ വീട്ടിലേക്കും….
ഞാൻ കപ്യാരെ സഹായിച്ചു , നമ്മുടെ പഴയ വറീത് ചേട്ടൻ തന്നെയാണ് ഇപ്പൊഴും കപ്യാര് ആയി ഉള്ളത്….
അതിനു ശേഷം ഞാൻ രണ്ട് മെഴുക് തിരിയുമായി സെമിത്തേരിയിലേക്ക് നടന്നു ….
പപ്പയുടെയും മമ്മിയുടെയും കല്ലറയിലെ ഗ്രാനൈറ്റിൽ വീണിരുന്നു ഇലകളും മറ്റും തുടച്ചു നീക്കി മെഴുക് തിരി കത്തിച്ച് വച്ച് പ്രാർത്ഥിച്ചു…..
പപ്പ മമ്മി നിങ്ങളുടെ ആഗ്രഹം പോലെ രജിഷ എൻ്റ ഭാര്യ ആകാൻ പോകുന്നു, നിങ്ങളുടെ മരുമകൾ ആകുന്നു..
എല്ലാം കർത്താവിൻ്റെ കാരുണ്യം….
കല്യാണം കഴിഞ്ഞ് അവളെയും കൊണ്ട് വരാം ഞാൻ പോകട്ടെ ഇനി…
.
ഞാൻ തിരിച്ചു നടക്കുമ്പോൾ ഫോൺ റിംഗ് ചെയ്തു…
അയ്യോ , മാത്യുസ് അങ്കിൾ ആണ് …
ഹലോ എന്താ അങ്കിളെ…
എടാ , ഇവിടെ പന്തൽ കെട്ടാനും മറ്റും പണിക്കാർ വന്നിട്ടുണ്ട്, പിന്നെ കാരണവർമാര് ഓരോരുത്തരു വരുന്നു , എല്ലാവരും നിന്നെ ചോദിക്കുന്നൂ….
ആ,, ഞാൻ ഇപ്പൊൾ വരാം…
എടാ , അചനോട് കൂടെ വരാൻ പറയൂ, അല്ലെങ്കിൽ നീ ഇങ്ങോട്ട് കൂട്ടികൊണ്ട് വാ…
ആ,, ശരി ഞാൻ പറഞ്ഞു നോക്കാം….
ഞാൻ പള്ളിമേടയിൽ അചൻ്റെ റൂമിൽ ചെന്ന് കുശലം പറഞ്ഞു….
അതിനിടയിൽ
അച്ഛൻ, വറീതേ ജിജോക്ക് കഴിക്കാൻ കൊടുക്ക്….
അപ്പൊൾ അച്ഛൻ കഴിക്കുന്നില്ലെ…
ഞാൻ കഴിച്ചു. നിൻ്റെ പുതിയ ചാച്ചൻ വീട്ടിലോട്ടു വരാൻ പറഞ്ഞിട്ടുണ്ട്….
അച്ചോ, എന്നെ വിളിച്ചിരുന്നു, ഇപ്പൊൾ അകൻ വരണം..
നീ ആദ്യം കഴിച്ചു വാ…
ഞാൻ വറീത് ചേട്ടൻ എടുത്ത് വച്ച പത്തിരി കഴിച്ചു……
പിന്നെ ഞങ്ങൾ അച്ഛൻ്റെ ജീപ്പിൽ വീട്ടിലേക്ക്….
അച്ഛൻ ഒരു റൈഡർ കൂടെ ആയിരുന്നു നല്ല പ്രായത്തിൽ..
വീട്ടിൽ എത്തുമ്പോൾ പന്തൽ കെട്ടാനും മറ്റും പണിക്കാർ ഉണ്ട്…
അച്ഛൻ വണ്ടി ഗേറ്റിനു പുറത്ത് നിർത്തി ഞങ്ങൾ വീട്ടിലേക്ക് നടന്നു…
മാത്യുസ് അങ്കിൾ അച്ഛനെ അകത്തേക്ക് ക്ഷണിച്ചു കൊണ്ട് പോയി…. (തുടരും )
