പിറ്റേന്ന് രാവിലെ താഴെ അച്ഛന്റെ ശബ്ദം കേട്ടാണ് ഞാൻ ഉണർന്നത്. ഉണർന്നപാടേ ഞാൻ ആദ്യം നോക്കിയത് അമ്മയുടെ വാട്സ്ആപ്പ് ആയിരുന്നു അമലിനും രമേശേട്ടനും സുജേച്ചിക്കും അമ്മ ഗുഡ് മോർണിംഗ് അയച്ചിട്ടുണ്ട്. രാവിലെ അയച്ച മെസ്സേജാണ്. അപ്പോൾ ഇന്നലെ കാൾ കഴിഞ്ഞശേഷം അമ്മ വാട്സാപ്പിൽ കേറിയിട്ടില്ലെന്ന് മനസിലായി.

ഞാൻ പല്ല്തേപ്പും മറ്റും തീർത്ത്‌ താഴേക്ക് ചെന്നതും ആദ്യം കണ്ടത് അച്ഛനെയായിരുന്നു

അച്ഛന്റെ ഇഷ്ട പത്രമായ മലയാളമനോരമ വായിച്ച് സോഫയിൽ ഇരിക്കുന്നു.

“അച്ഛൻ എപ്പോ വന്നു ”

പത്രത്തിൽ മുഴുകിക്കൊണ്ടിരുന്ന അച്ഛനോടായി ഞാൻ ചോദിച്ചു.

ഇന്ന് പുലർച്ചയ്ക്ക് എത്തീട്ടാ…

സ്റ്റോക്കും സാധനങ്ങളുമൊളൊക്കെ കിട്ടിയോ ?

ഓ… എല്ലാം കിട്ടി.

അതും പറഞ്ഞ് അച്ഛൻ വീണ്ടും പത്രത്തിൽ മുഴുകി.

അപ്പോഴാണ് ഞാൻ ശ്രദ്ധിച്ചത് രാവിലത്തെ ബ്രേക്ഫാസ്റ്റും മറ്റും ടേബിളിൽ എടുത്തു വെച്ചിരിക്കുന്നു. സാധരണ രാവിലെ ബ്രേക്ക്‌ഫാസ്റ്റ് കഴിക്കാനായി വരുമ്പോൾ അമ്മ വന്ന് എടുത്ത് തരാറാണ് പതിവ്. പക്ഷെ, ഇന്ന് എല്ലാം ടേബിളിലുണ്ട്. ഈ അമ്മ എവിടെപ്പോയി !!

അച്ഛാ അമ്മ എവിടെ പോയി..

ആ സുജയുടെ വീട്ടിലേക്ക് പോവാണെന്ന പറഞ്ഞത്.

അത് പറയുമ്പോൾ അച്ഛന്റെ മുഖത്തു ഒരു പുച്ഛഭാവം ആയിരുന്നു.
അപ്പോഴാണ് അച്ഛന്റെ ഫോൺ ബെല്ലടിച്ചത്. ടേബിളിൽ വച്ച ഫോണെടുത്ത ശേഷം അച്ഛൻ ഫോണിലേക്ക് നോക്കി ചിരിക്കുന്നത് ഞാൻ കണ്ടു.