എന്റെ സ്വപ്നങ്ങളും മോഹവും
സ്വപ്നം – എന്റെ മനസിന്‍റെ ഏതോ കോണില്‍ കുശുമ്പ് തല പൊക്കി. ഒരു ഗെയിം തോപ്പിച്ചപ്പോഴെ ഇഷ്ടം ആണെന്ന് പറഞ്ഞോ അവള്‍. എനിക്ക് കിട്ടണ്ട ഉമ്മ മേടിച്ചിട്ട് നിക്കുന്നു അവന്‍.
ഞാന്‍ അന്ന് തീരുമാനം എടുത്തു അവന്റെ പോലെ എനിക്കും ഒരു മുറപ്പെണ്ണ് വേണം പിറ്റേന്ന് ഞാന്‍ കാര്യം നേരെ അമ്മായിയോട് പറഞ്ഞു
“”എനിക്കും ഒരു മുറപ്പെണ്ണ്‍നെ വേണം””
“”എന്തിനാ ടാ ശ്രീ നിനക്ക് ഇപ്പൊ മുറപ്പെണ്ണ്””
“”ഉമ്മ വെക്കാന””
“”ഉമ്മ വെക്കാനോ””
“”ആ ആര്യേച്ചി വിഷ്ണു വെട്ടനെ ഉമ്മ വെച്ച പോലെ എനിക്കും വെക്കാന “”
ഉണ്ണി മനസ്സില്‍ കള്ളം ഇല്ലല്ലോ, അന്ന് ആര്യേച്ചിക്കു കിട്ടിയ അടിക്ക് കണക്കില്ലാരുന്നു.
അവര്‍ രണ്ടു പേരും എന്നോട് മിണ്ടാതെ ആയി. അന്ന് തിരിച്ചു വീട് വരെ ഞാന്‍ നടന്നു. അല്ല അവന്‍ എന്നെ നടത്തി. വീട്ടില്‍ വന്നപ്പോള്‍ എല്ലാം ഞാന്‍ അച്ഛനോട് പറഞ്ഞു കൊടുത്തു. അച്ഛന്‍ ചിരിച്ചേ ഉള്ളു. പക്ഷേ അമ്മ എന്നെ നടത്തിയതിനുൾപ്പടെ അവനെ വഴക്ക് പറഞ്ഞു.
രണ്ടു ദിവസം കഴിഞ്ഞു അവന്‍ മിണ്ടി തുടങ്ങി. ഞങ്ങള്‍ അത് മറന്നെങ്കിലും അന്ന് മുതല്‍ ആര്യേച്ചി എന്നോട് തീര്‍ത്തും മിണ്ടാതെയായി. ഞാനും മിണ്ടാന്‍ പോയില്ല. ഞാന്‍ പിന്നെ അങ്ങോട്ടുള്ള പോക്കേ കുറച്ചു. പോയാല്‍ തന്നെ അവളുടെ മുന്നില്‍ പെടാതെ ഒഴിഞ്ഞു മാറി നടക്കും. എന്തിനാ വെറുതെ അവടെ വായില്ലും കയ്യിലും ഇരിക്കുന്ന മേടിക്കുന്നത്.
അങ്ങനെ ഇരിക്കെ എന്റെ അമ്മേടെ കുടുംബ ക്ഷേത്രത്തിൽ ഉത്സവത്തിന് കോടിയേറി. 4 ദിവസത്തെ പരിപാടി ആണ്. അമ്മ കോടിയേറ്റിന്റെ അന്ന് അമ്മയുടെ വീട്ടിൽ പോയിനിക്കും. അമ്പലം എന്ന് പറഞ്ഞാൽ അത്ര വലുതൊന്നുമല്ല. എങ്കിലും ആ അമ്പലത്തിലെ ഉത്സവത്തിന്റെ അന്ന് ആദ്യ കറ്റ സമർപ്പിക്കും. അത് കഴിഞ്ഞു പിറ്റേന്ന് തൊട്ട് ഞങ്ങളുടെ നാട്ടിൽ കൊയ്ത്തുതുടങ്ങും. അതുകൊണ്ട് തന്നെ അമ്പലത്തിൽ വരുന്ന ഒരുപാട് പേര് അമ്മേടെ വീട്ടിലും വരും.
അവിടെ അമ്മായിയെ സഹായിക്കാൻ പോകുന്നതാണ്. അന്ന് എന്റെ വീട്ടിൽ ഊണൊന്നും കാണില്ല. ഞാൻ രാവിലെ തന്നെ അച്ഛന്റെ കൂടെ അമ്മേടെ വീട്ടിൽ എത്തി. അച്ചനും അമ്മാവനും തുടങ്ങാന്‍ ഇരിക്കുന്ന കൊയ്ത്തിന്റെ കാര്യത്തിൽ എന്തോ സംസാരമായിരുന്നു. അച്ചന്റെ മില്ലില്‍ നെല്ലെടുക്കില്ലെന്നോ മറ്റോ ആരോ പറഞ്ഞുന്നോ അങ്ങനെ എന്തൊക്കെയോ ആയിരുന്നു.
നമുക്ക് അവിടെ എന്ത് കാര്യം. ഞാൻ പതിയെ അമ്മായിടെ അടുത്തേക്ക് വലിഞ്ഞു.
ഞാന്‍ നേരെ ചെന്നു ആര്യേച്ചിടെ വായില്‍ കേറിക്കൊടുത്തു. കണ്ട പാടെ ഞാന്‍ വലിയാന്‍ നോക്കി.
“നിക്കട അവിടെ” അവള്‍ കണ്ണുരുട്ടി
“ഇല്ല ഞാന്‍ നിക്കില”
എന്റെ സകല ജീവനും കൊണ്ടോടി, ആര്യേച്ചി പിടിച്ചു നിര്‍ത്തി ഉപദ്രവിക്കുമോ എന്ന് പേടി.
“നിക്കട കൊച്ചുണ്ടാപ്രി അവിടെ” ആര്യേച്ചി അലറി പിന്നാലെ വന്നു.
ഞാന്‍ ഓടി ഒരു മുറിയില്‍ കയറി, എന്റെ കഷ്ടകാലത്തിനു അത് ആര്യേച്ചിയുടെ മുറിതന്നെ ആയിരുന്നു.
“അല്ല ഇനി നീ എങ്ങോട്ട് ഓടും” ആര്യേച്ചി വാതില്‍ അടച്ചു. ഞാന്‍ ചാടിയാല്‍ പോലും കുറ്റിവരെ എത്തില്ലായിരുന്നു.
“എന്നെ ഒന്നും ചെയ്യരുത്, ഞാന്‍ അടി അടി…അടികിട്ടും….” ഞാന്‍ പറയാന്‍ വന്നത് പൂര്‍ത്തി ആക്കാതെ കരയാന്‍ തുടങ്ങി.
“നീ ഇപ്പൊ എന്തിനാ നമ്പര്‍ ഇറക്കുന്നെ ഞാന്‍ വല്ലോം പറഞ്ഞോ?”
“അമ്മായി അടിക്കൂന്നു ഞാന്‍ കരുതിയില്ല” ഞാന്‍ പറഞ്ഞു
“പിന്നെ, നീ എന്തോ കരുതി, എന്നെ നിനക്ക് കെട്ടിച്ചു തരൂന്നോ”
ഞാന്‍ ഏങ്ങല്‍ അടിച്ചു അടുത്ത റൗണ്ട് കരച്ചില്‍ സ്റ്റാര്‍ട്ട്‌ ആക്കി.
“പിന്നെ നീ എന്തിനാടാ പോയി കള്ളം പറഞ്ഞെ”എന്റെ കരച്ചില്‍ കണ്ടിട്ടാവാം ചേച്ചി ഒന്ന് മയപ്പെട്ടു.
“കള്ളോ ” ഇടയ്ക്കു കരച്ചില്‍ നിര്‍ത്തി ചോദിച്ചു
“ഹം കള്ളം , നീ കണ്ടോ ഞാന്‍ വിഷ്ണു ഏട്ടന് ഉമ്മ കൊടുക്കുന്നത്.”
“ ഇല്ല.., അവൻ പറഞ്ഞതാ”
“ആ അതിനുള്ളത് ഞാന്‍ അവനു കൊടുത്തോളം, വൈകിട്ട് വരൂല്ലോ”
“ഞന്‍ എനിക്ക് ഒരു മുറപ്പെണ്ണ് വേണോന്നാ പറഞ്ഞെ.. വേറെ ഒന്നും പറഞ്ഞില്ല”
“നീ പറഞ്ഞില്ലേ! അമ്മ പറഞ്ഞല്ലോ” ആര്യേച്ചിക്കു കലി കയറി.
“അമ്മായി എന്ത് പറഞ്ഞു?”
“നിനക്ക് ഉമ്മ വെക്കാന്‍ ആരാണ്ടേ വേണോന്നു പറഞ്ഞില്ലേടാ, കള്ളം പറയുന്നോ”അവള്‍ കലിപ്പില്‍ തന്നെ
“എനിക്ക് കൂട്ടിനു വേണോന്നാ പറഞ്ഞെ”
“നിനക്ക് കൂട്ടിനല്ലേ ഞങ്ങള്‍ ഒക്കെ പിന്നെ എന്താ?”
“അല്ല വിഷ്ണു ഏട്ടന് ലൈന്‍… ചേച്ചിയെപ്പോലെ എനിക്കും”
“ലൈനോ! ഫ കുരുത്തം കേട്ടവനെ എന്ത് തോന്നിവസോം പറയാം എന്നയോ നീ.”
ആര്യേച്ചി ശെരിക്കും ഭദ്രകളിയായി മാറി. മുടിയൊക്കെ പറപ്പിച്ചു മുഖം
ചുവപ്പിച്ചു കണ്ടാലെ പേടി തോന്നും.
ഞാന്‍ എന്റെ അവസാന അടവ് പുറത്തെടുത്തു കരഞ്ഞു കാലില്‍ ചുറ്റി പിടിക്കുക. ചേച്ചി അതില്‍ വീണു.
“ടാ ഇവിടെ നോക്കടാ, നീയും ഏട്ടനും ഒക്കെ എനിക്ക് ഒരുപോലെയാ, എന്റെ ലക്ഷ്മി അമ്മായീടെ മക്കള്‍, അല്ലാതെ… അവന്‍ മുട്ടേന്നു വിരിഞ്ഞില്ല. അതിനു മുന്നേ ലൈന്‍ പോലും.. ടാ എന്റെ കൂടെ പഠിക്കുന്ന അരുണിമ എന്ന കൊച്ചിന് അവനെ ഇഷ്ടമാണെന്നാ ഞാന്‍ പറഞ്ഞെ.. അല്ലാതെ എനിക്ക് ഇഷ്ടമാ ണെന്നല്ല. കേട്ടോടാ കൊച്ചുണ്ടാപ്രി വിടടാ എന്നെ ” അവള്‍ കടുപ്പിച്ചു പറഞ്ഞു.
ഞാന്‍ വിടാനുള്ള ഉദ്ദേശം ഇല്ലാന്ന് അവള്‍ മനസിലാക്കി. എന്നെ വിടിവിക്കണ ഒരു ശ്രെമം നടത്തി. നമ്മളു ണ്ടോ വിടുന്നു. ഞാന്‍ ആ കാലില്‍ കെട്ടിപ്പിടിച്ചിരുന്നു.
“എനിക്ക് നിന്നോട് പിണക്കമില്ല നീ വിട്ടേ”
അല്പം കഴിഞ്ഞു :
“പിണക്കം ഇല്ലെന്നു, മാറാടാ” അതോടെ ഞാന്‍ വിട്ടുമാറി, അവിടെ തലകുനിച്ചിരുന്നു.
കുറച്ച്‌ കഴിഞ്ഞവള്‍ :
“നീ പിണങ്ങിയോ? ടാ പിണങ്ങിയോന്നു”
“ഹ്മ്മ ”ഞാന്‍ മൂളി
“ഒരുമ്മ കിട്ടിയാ എന്നോടുള്ള നിന്‍റെ പിണക്കം തീരുമോ?”അവള്‍ മയത്തില്‍ ചോദിച്ചു
“ഹ്മ്മം ”
“എന്ത് ഹ്മ്മം”
“ഇങ്ങെഴീച്ചു ബാ, എടാ വരന്‍”
അവള്‍ എന്നെ കെട്ടിപ്പിടിച്ചു എന്റെ കവിളില്‍ ഒരുമ്മ തന്നു. അതിനു മുന്‍പ് ഒന്ന് കടിച്ചുവോ ? ഏതായാലും അവളുടെ ചുണ്ടുകള്‍ എന്നെ സ്പര്‍ശിക്കുന്നതിനു മുന്‍പ് എനിക്ക് ചെറുതായ് ഒന്ന് വേദനിച്ചു, അവളുടെ ഉമിനീര്‍ എന്റെ കവിളില്‍ പറ്റി. എന്റെ ആത്മാവിലൂടെ ഒരു മിന്നല്‍ പാഞ്ഞു. പിന്നെ അന്നോളം അനുഭവിച്ചതില്‍ വെച്ചും പറയാന്‍ പറ്റാത്ത ഒരു സുഖം ഞാന്‍ അപ്പോള്‍ തിരിച്ചറിഞ്ഞു.
എന്റെ പെണ്ണ് ആദ്യമായി എനിക്ക് ഒരു ഉമ്മ തന്നപ്പോള്‍ എനിക്ക് പ്രേമമോ കാമമോ എന്താന്നുപോലും അറിയില്ലായിരുന്നു. എങ്കിലും എന്റെ മനസില്‍ അതുവരെ അവളോടുള്ള എല്ലാ പേടിയും, പിണക്കവും, വഴക്കും എല്ലാം ശുദ്ധമായ ഏതോ വികാരത്തിലേക്കു വഴിമാറി.
അത് പ്രേമാമോ സ്നേഹമോ എന്നൊന്നും അറിയില്ല. ഞാന്‍ അവൾക്കായും അവള്‍ എനിക്കായും ആണ് ജനിച്ചത്‌ എന്ന് ഞാന്‍ തിരിച്ചറിഞ്ഞു. അങ്ങനെ അവള്‍ എന്റെ മനസ്സില്‍ എന്റെ പെണ്ണായി. എന്റെ മാത്രം പെണ്ണ്. ലോകത്ത് ഇനി ഒന്നിനും ഞാന്‍ ഇവളെ വിട്ട് കൊടുക്കില്ല എന്ന് ആരോ ഉള്ളില്‍നിന്നു പറയുന്നുണ്ടായിരുന്നു.
അവള്‍ എന്നിട്ടു വാതില്‍ തുറന്നു തന്നു. ഞാനും അവളും അടുക്കളയില്‍ ചെന്നു.
“അമ്മേ…അമ്മേടെ പോന്നുമോന് ഞാന്‍ ഉമ്മ കൊടുത്തിട്ടുണ്ട് പോരെ”
അവള്‍ അമ്മായിയോടെ പറഞ്ഞു.
അമ്മായിടെ കയ്യിന്നു മേടിക്കാതിരിക്കാന്‍ പുറത്തോട്ടു പാഞ്ഞു. ഇനി അമ്മായി റെക്കമെന്റ് ചെയ്തിട്ടാണോ അവള്‍ എനിക്ക് ഉമ്മ തന്നെ ?.
“ടീ… ആണോടാ ശ്രീ” അമ്മായി തിരിഞ്ഞു എന്നോടായി ചോദിച്ചു.
“ഹ്മം” ഞാന്‍ നാണത്തോടെ പറഞ്ഞു.
“നിന്‍റെ വിഷമം മറിയോടാ ?.”
അമ്മായി വാ പൊത്തി ചിരിച്ചു.
“ഹ്മം”
“അമ്മയിക്കിനി വാവ ഉണ്ടാവൂല്ലടാ.. ശ്രീ ഇല്ലേ ഞാന്‍ എന്റെ പൊന്നുമോനായി ഒരു ചുന്തരി കുട്ടിയെത്തന്നെ തന്നേനെ അത്രയ്ക്ക് ഇഷ്ടമാ എനിക്ക് എന്റെ ശ്രീഹരിയെ”
എനിക്ക് കിട്ടിയെന്ന് എന്റെ മനസ് ഒരു നൂറു പ്രാവശം പറഞ്ഞു.
അമ്മായി എന്നെ പിടിച്ചു നെറ്റിയില്‍ ഒരുമ്മ തന്നു, അതൊന്നും ഞാന്‍ അറിഞ്ഞത് പോലുമില്ല. ഞാന്‍ അപ്പോഴേക്കും എന്റെ പെണ്ണിന്റെ ചിന്തയില്‍ ആയിരുന്നിരിക്കണം.
ഉച്ചക്ക് അമ്പലത്തില്‍ പായസം കുടിക്കാന്‍ പോയപ്പോള്‍ ഞാന്‍ അവളുടെ കയ്യും പിടിച്ചാ പോയത്. കല്യാണം കഴിഞ്ഞ വധു വരന്‍റെ കൂടെ ആദ്യമായി അമ്പലത്തില്‍ വരുന്ന ഫീല്‍ ആയിരുന്നെനിക്ക്.
ഞാന്‍ അമ്മയോട് ഓടിപ്പോയി എന്റെ സന്തോഷം പറഞ്ഞു. അമ്മയും ചിരിച്ചു, കൊച്ചു ചെക്കന്റെ പൊട്ടത്തരം എന്ന് കരുതിക്കാണും. അമ്മ എന്റെ മുഖത്ത് കണ്ട അവസാനത്തെ ചിരിയ തായിരുന്നു.
അച്ഛന്‍ തിരിച്ചു പോയപ്പോള്‍ ഞാനും കൂടെപ്പോയി. എനിക്കു ശെരിക്കും ചേച്ചിയുടെ കയ്യിന്നു ഉമ്മ കിട്ടിയ കാര്യം ചേട്ടനോട് പറയാന്‍ ഞാന്‍ അത്രമേല്‍ ആഗ്രഹിച്ചിരുന്നു. എന്നോട് പോകണ്ട, വൈകുന്നേരം അച്ഛനും ചേട്ടനും ഇങ്ങോട്ട് തന്നേ വരുമെന്ന് അമ്മായി പറഞ്ഞുനോക്കി. എവിടെ കേക്കാന്‍ !.
വീട്ടില്‍ വന്നപ്പോള്‍ രാവുണ്ണിയുടെ വണ്ടി ഗേറ്റിനു പുറത്തുണ്ട്. രാവുണ്ണിയും മകനും വീട്ടിൽ നിൽക്കുന്നുണ്ട്. മകള്‍ വണ്ടിയില്‍നിന്നു ഇറങ്ങിയിട്ടില്ല, ഗേറ്റിനു പുറത്തു ബൈക്ക് നിര്‍ത്തി അച്ഛന്‍ അവളോട്‌ എന്തോ കുശലം ചോദിച്ചു.
വന്നപാടെ അച്ഛന്‍ എന്നെ പാല് മേടിക്കാന്‍ പറഞ്ഞുവിട്ടു. രാവുണ്ണിയുടെ ഇളയ മകള്‍ ആണ് അരുണിമ. വിഷ്ണുവേട്ടന്‍ ഗേറ്റിന്റെ അടുത്ത് വന്നു ചുറ്റി തിരിഞ്ഞുനിപ്പുണ്ട്. ഞാന്‍ അവനോടു സംസാരിക്കാന്‍ പലവട്ടം നോക്കി. അവന്‍ അവളുടെ പിറകെ മണപ്പിച്ചു നടക്കുകയായിരുന്നു. അച്ഛന്‍ അവനെയും കൂട്ടി അകത്തേക്ക് പോയി. ഞാന്‍ പാല് വാങ്ങി വന്നപ്പോള്‍ അവിടെ ആരും തന്നെ ഉണ്ടായിരുന്നില്ല.
പെട്ടെന്ന് എന്നെയും അച്ഛന്‍ എടുത്തുകൊണ്ട് പോയി പത്തായപ്പുരയില്‍ ഇട്ടു, പുറത്ത്ന്നു പൂട്ടി. അച്ഛന്‍ നല്ലതുപോലെ പേടിച്ചിട്ടുണ്ട്. അവനും പത്തായപ്പുരയില്‍ ത്തന്നെ ഉണ്ട്.
അവന്‍ എന്നോട് നടന്നതെല്ലാം പറഞ്ഞുതന്നു.
അച്ഛനും രാവുണ്ണിയും കൊയ്ത്തിന്റെ കാര്യം പറഞ്ഞു വഴക്കായെന്നും. രാവുണ്ണി ഈ പ്രാവശ്യം നെല്ലെടുക്കാന്‍ പറ്റില്ലെന്ന് പറഞ്ഞുവെന്നും ,രാവുണ്ണി അച്ചന്റെ പൈസ മൊത്തത്തില്‍ മറിച്ചു ബാങ്കീന്നു ഷെയര്‍ വാങ്ങിയിരുന്നു എന്നും. അച്ഛന്‍ അച്ചന്റെ പൈസ ചോദിച്ചപ്പോള്‍ രാവുണ്ണി:
“നിനക്ക് അതിനു എവിടെ പൈസ, നീ കഴിഞ്ഞ തവണ വാങ്ങിയ നെല്ല് നഷ്ടക്കച്ചവടം ആയിരുന്നല്ലോ അതില്‍ എനിക്കുണ്ടായ നഷ്ടത്തില്‍ ഞാന്‍ അന്നേ വരവ് വെച്ചു” എന്നും പറഞ്ഞു
അവന്റെ ചതി മനസിലാക്കി കലി കയറിയ അച്ഛന്‍ അവനെ അവന്റെ മകന്റെ മുന്നില്‍വെച്ച് തല്ലി. [ തുടരും ]
