എന്റെ സ്വപ്നങ്ങളും മോഹവും
സ്വപ്നം – ചേച്ചി എന്താണ് ഈ പറയുന്നത്? ഞാന്‍ അവളെ….ഞാൻ എന്ത് ചെയ്തു? പതിവ് പോലെ ഒന്നും മനസിലായില്ലെങ്കിലും. അവൾ പറഞ്ഞതൊക്കെ ഞാൻ തകർന്ന മനസോടെ നിന്ന് മൂളിക്കേട്ടു. അവളുടെ ശകാരം മാതമായിരുന്നു ഫോണിൽ.
കാൾ തനിയെ കട്ടായപ്പോൾ ഞാൻ റസീവർ തിരികെ വെച്ചിട്ട് തിരിഞ്ഞ് ഒരു യന്ത്രംപോലെ മരവിച്ച മനസുമായി ഗ്രൗണ്ടിലേക്ക് നടന്നു.
ഇതോ അമ്മ പറഞ്ഞ വരം?
ഇത് നരകമാണ് നരകം…. ചെയ്ത തെറ്റുകളോ നടന്ന കാര്യങ്ങളോ അറിയാന്‍ പറ്റാതെ മറ്റുള്ളോരുടെ ശകാരാഗ്നിയില്‍ ഉരുകി ഉരുകി ഒരു ജിവിതം.
എന്റെ ഉള്ളില്‍നിന്ന് ആരോ പറഞ്ഞു.
പിന്നെ അങ്ങോട്ട്‌ ഇറങ്ങിയ പടികളോ വഴികളോ ഒന്നും ഞാൻ കണ്ടില്ല. ഒന്നാം നിലയില്‍ നിന്ന് കാൽ വഴുതി എട്ടു പത്ത് പടികളോളം താഴേക്ക് ഉരുണ്ടുവീണു. താഴെ എത്തിയപ്പോൾ മുകളിലോട്ട് കേറാൻ നിന്ന ഏതോ ഒരു ചേച്ചിയുടെ ഷാളിൽ പിടുത്തം കിട്ടി. പിന്നത്തെ രണ്ടു പടികൾ ഞങ്ങൾ ഒരുമിച്ചായിരുന്നു ഉരുണ്ടത്. ആരാക്കെയോ വന്നു ഞങ്ങളെ എടുത്തുകൊണ്ട് ഹോസ്പിറ്റലില്‍ പോയി.
എന്റെ കാലിന് ഇപ്പൊ നല്ല വേദനയുണ്ട് പൊട്ടൽ ഉണ്ടെന്ന് ഡോക്ടർ പറഞ്ഞു. എന്റെ കൂടെ വീണ ചേച്ചിക്ക് നെറ്റിയിൽ ഒരു സ്റ്റിച്ച് ഉണ്ടായിരുന്നെന്ന്, എന്നേ കാണാന്‍ വന്ന ഗോപൻ പറഞ്ഞപ്പോഴാണ് ഞാൻ അറിയുന്നത്. ഏതായാലും എനിക്ക് രണ്ടുമാസം ബെഡ് റെസ്റ്റ് ഡോക്ടർ പറഞ്ഞു.
ഞാൻ അങ്ങനെ കിടപ്പിലായി. പിറ്റേന്ന് പൂതന അവളുടെ കോളജിൽ സ്ട്രൈക്ക് ആണെന്ന് പറഞ്ഞു വീട്ടിൽവന്നു. അപ്പോഴേക്കും എനിക്ക് അവളോട് വല്ലാത്ത ദേഷ്യം തോന്നിയിരുന്നു. അവളെ കാണാൻപോലും എനിക്ക് താല്പര്യമില്ലാരുന്നു.
അവൾ ഏച്ചുകെട്ടിയ വിഷമ ഭാവത്തോടെ എന്റെ മുറിയിൽ വന്നപ്പോൾ ഞാൻ അവളെ മൈന്റ് ചെയ്യാതെ തിരിഞ്ഞുകിടന്നു. എന്നെ കാണാൻ വന്നതാണെന്നും അവൾ അന്ന് തന്നെ തിരിച്ചു പോയെന്നും അമ്മ പിന്നെപ്പോഴോ പറഞ്ഞപ്പോൾ ഞാൻ വീണു കിടക്കുന്നത് കണ്ട് ചിരിക്കാൻ വന്നതാകും എന്ന് എനിക്കും തോന്നി.
രണ്ടു ദിവസം കഴിഞ്ഞു ഗോപൻ എന്നെ കാണാൻ വീണ്ടും വന്നു.
“ടാ ഞൊണ്ടി”
ആ തെണ്ടി അവനെ ആളുകള്‍ വിളിക്കണ പേര് ഷെയര്‍ ചെയ്യാന്‍ ആളായെന്നുള്ള സന്തോഷത്തിലാ..
“ഞൊണ്ടി നിന്റെ തന്ത”
ഞാന്‍ അപ്പൊത്തന്നെ മറുപടി കൊടുത്തു.
“നിന്നെ അരുണിമ ചേച്ചി തിരക്കി.”
ആ ഊള ഒരു വളിച്ച ചിരിയോടെ പറഞ്ഞു
“അതാരാ?”
“നീ മറിച്ചിട്ടില്ലെ.. ആ ചേച്ചി..”
“ടാ അവരു പ്രശ്നമാക്കുമോ?”
“ഇല്ലടാ.. ചേച്ചി നിന്ന യാ തട്ടി ഇട്ടേന്നാ എല്ലാരോടും പറഞ്ഞേക്കുന്നത്”
“ആവു, അല്ല അതെന്തിനാ..!! ഞാനല്ലേ ഉരുണ്ടുചെന്നിടിച്ചേ?
“അതൊന്നും എനിക്കറിയില്ല.. നീ തിരിച്ചു സ്കൂളിൽ ചെല്ലുമ്പോൾ ചേച്ചിയെ ചെന്നു കാണാൻ പറഞ്ഞു..”
“ഇനിയപ്പൊ നേരിട്ട് തല്ലാൻ ആകുമോ”
“ഒന്ന് പോടാ.. ആ ചേച്ചിയൊക്കെ ഭയങ്കര പാവമാ. എല്ലാരും നിന്റെ ആര്യേച്ചിയെപ്പോലെ ആകുമോ ?
അല്ല.. എന്ത്യേ നിന്റെ ആര്യേച്ചി..? വന്നിട്ടുണ്ടെന്ന് ഗോപിക പറയുന്ന കേട്ടു.”
“ആ.. എനിക്കൊന്നും അറിയില്ല. വന്നതും പോയതുമൊന്നും എന്നോടാരും പറഞ്ഞില്ല.”
എന്റെ മുഖംഭാവം കണ്ടിട്ടാവണം അവൻ പിന്നെ വിഷയം മാറ്റി.
അതിനിടയിൽ പതിവില്ലാതെ ആര്യേച്ചി ഫോൺ വിളിക്കുമ്പോൾ എന്നെ അന്വേഷിക്കാൻ തുടങ്ങി. അമ്മായി എന്റെ കയ്യിൽ ഫോൺ തരും. എനിക്ക് സംസാരിക്കാൻ തീരെ താല്പര്യം ഇല്ലെങ്കിലും അമ്മായിയെ വിഷമിപ്പിക്കാൻ എനിക്ക് മനസ്സുവന്നില്ല.
അവൾ ഫോണിൽകൂടെ എന്നോട് പരസ്പരബന്ധമില്ലാതെ കുറെ ഉപദേശങ്ങളും. അത് കേട്ടാൽ തോന്നും ഞാൻ എന്തോ അവളുടെ പുറകെ നടക്കുവാണെന്ന്.
മനസ്സിൽ അൽപ്പം ഇഷ്ടമൊക്കെ ഉണ്ടെങ്കിലും ഞാൻ ഇതുവരെയും അത് പുറത്ത് കാണിച്ചിട്ടില്ല. പിന്നെ എന്താണാവോ ഇവൾ ഇങ്ങനെ ഒക്കെ പറയുന്നത്?. പക്ഷേ ഒരക്ഷരം ഞാന്‍ തിരിച്ചു മിണ്ടിയില്ല.
സാധാരണ രണ്ടാഴ്ചയില്‍ ഒരിക്കല്‍ വരുന്നവള്‍ ഒരാഴ്ച് തികയുന്നതിനു മുന്‍പ് ദാ വീണ്ടും വന്നിരിക്കുന്നു. വന്നിട്ട് ബാഗുപോലും ഊരാതെ നേരെ എന്റെ മുറിയിലേക്കാ കേറി വന്നത്.
“ശെരി ശെരി.. നിന്റെ ഇഷ്ടം പോലെ ആകട്ടെ.. എനിക്ക് പറ്റണില്ല നിന്നോട് മിണ്ടാതെയിരിക്കാൻ..വിഷ്ണു.. ടാ.. എന്തേലും ഒന്ന് പറേടാ.. വിഷ്ണു ഏട്ടാ… “
ഇനി എത്ര പിണക്കത്തിലാണേലും ആര്യേച്ചി വിളിച്ചാല്‍ വിഷുവിനു വരാതിരിക്കാന്‍ പറ്റോ?
“എന്റെ പെണ്ണിന് എന്നോട് സ്നേഹം ഉണ്ടോന്ന് ഒരു ടെസ്റ്റ്‌.. ഹി ഹി… അച്ചൂ ടീ കരയാതടി..”
പടാന്ന് ഒറ്റയിടി..വിഷ്ണുവിന്റെ നെഞ്ചകം പുകഞ്ഞു. അവൻ കൈ കൊണ്ട് ഇടികിട്ടിയ ഇടം തടവി. അവൾ അവന്റെ കൈ മാറ്റിയിട്ട് അവന്റെ മുഖം കയ്യിൽ കോരിയെടുത്തിട്ട് തുരു തുരാ ഉമ്മ വെച്ചു. കുറച്ചു കഴിഞ്ഞു തല ഉയര്‍ത്തിട്ട്,
“മേലിൽ..മേലിൽ എന്റെ മനസ്സ് വേദനിപ്പിച്ചാലുണ്ടല്ലോ.”
കണ്ണ് നിറഞ്ഞിരുന്നെങ്കിലും അവന് അവളുടെ ദേഷ്യത്തിന്റെ ചൂട് അനുഭവ പ്പെടുന്നുണ്ടായിരുന്നു.
“അപ്പൊ നീ വേദനിപ്പിച്ചതോ? എന്താന്നറിയാതെ വിഷമിച്ചാ നിന്നെ വിളിച്ചത്. നീ എന്താ ഇങ്ങനെ?”
“ഞാൻ ഇങ്ങനാ പറ്റുന്നെങ്കിൽ എന്നെ സഹിച്ച മതി. പോക്രിത്തരം കാണിച്ചിട്ടല്ലേ. ആരേലും കണ്ടിരുന്നെലോ?”
അവള്‍ ഒന്ന് നിര്‍ത്തി അല്പം മയപ്പെട്ടിട്ടു തുടര്‍ന്നു..
“ഞാന്‍ എങ്ങനാ അറിയാ.. നീയാണോ അവനാണോന്ന് ? അല്ലേലും അവന് എന്നേ വിളിചിട്ടില്ലല്ലോ? നീയല്ലേ ക്ലാസില്‍ പോലും ഇരിക്കാന്‍ സമ്മതിക്കാതെ.!”
“ഇപ്പൊ ആരേലും കണ്ടാല്‍ എന്താ? നീ എന്‍റെയല്ലേ?”
“ആരാ ഈ എന്റെ? ശ്രീഹരിയോ അതോ വിഷ്ണുവോ? എന്താ ഇപ്പൊ മിണ്ടാട്ടമില്ലേ.” കുറച്ചു കഴിഞ്ഞും മിണ്ടാതെയിരിക്കുന്ന ശ്രീ ഹരിയെ നോക്കി ചോദിച്ചു.
“ഞാന്‍ ഞാന്‍..” അവന് വിക്കാന്‍ തുടങ്ങി.
“”ഇപ്പോ മുങ്ങിയാ ഹരീ നിന്നെ ഞാന്‍..
കൊല്ലും.. ആര്യയെ നിനക്കറിയല്ലോ.””
അവന് കിടന്നു വിറക്കാന്‍ തുടങ്ങി.
“ഹരി….., ശ്രീഹരി”
അവള്‍ വിളിച്ചു കൂവി. അപ്പോഴേക്കും ആര്യ ആകെ പേടിച്ചിരുന്നു.
ആര്യേച്ചിയുടെ വിളികേട്ടാണ് ഞാന്‍ ഉണര്‍ന്നത് .
“ആര്യേച്ചി…. ആര്യേച്ചി”
ഞാന്‍ സ്വപ്നത്തിലെന്നപോലെ അർദ്ദ ബോധാവസ്തയില്‍ അവ്യക്തമായി പറഞ്ഞു.
ആരോ എനിക്ക് നെറ്റിയില്‍ ഒരുമ്മ തന്നവോ. അതോ എല്ലാം വെറും സോപ്നമോ !!
ഞാന്‍ കണ്ണ് തുറന്നപ്പോള്‍ ആരെയും കണ്ടില്ല. സ്വപ്നം തന്നെ ആകും.
രണ്ടുമാസം ഡോക്ടർ ബെഡ് റെസ്റ്റ് പറഞ്ഞെങ്കിലും ഒന്നര ആയപ്പോഴേക്കും ഞാൻ കാല് നിലത്തു കുത്താൻ തുടങ്ങി. പ്ലാസ്റ്റര്‍ മാറ്റിയ പിറ്റേന്ന് ഞാന്‍ സ്കൂളില്‍ ചെന്നു. ഗോപന്റെ അടുത്ത് പോയിരുന്നു. അവന് ഓര്‍ മിപ്പിച്ചപ്പോഴാണ് ഞാന്‍ അരുണിമ ചേച്ചിയുടെ കാര്യം ഓര്‍ത്തത്‌. വരുന്ന അന്ന് തന്നെ ചെന്ന് കാണാന്‍ ആണ് അവനോടു പറഞ്ഞേല്‍പ്പിച്ചിരുന്നത്. ഉച്ചക്ക് ഗോപന്‍ എവിടുന്നോ ഓടിക്കൊണ്ട്‌ വന്നു പറഞ്ഞു..
“ടാ ചേച്ചി ദാ കാന്റീനിലുണ്ട്.. നിന്നെ അങ്ങോട്ട്‌ വിളിക്കുന്നു.”
“എന്നെയോ? എന്തിന്?”
ഞാന്‍ അല്പം പേടിയോടെ ചോദിച്ചു.
“ചെന്നിട്ടു വാടാ.. അവള്‍ നിന്നെ ഒന്നും ചെയ്യില്ല.”
“നീ കൂടെ വായോ”
“നിന്നെ ഒറ്റയ്ക്ക് കാണണമെന്നാ പറഞ്ഞത്. “
അവനെന്നെ ഉന്തിത്തള്ളി കാന്റീനില്‍ എത്തിചിട്ട് ആളെ ചൂണ്ടിക്കാണിച്ചു. പിന്നെ തിരിഞ്ഞുനോക്കിയപ്പോള്‍ അവനെ കണ്ടില്ല..!!
ഞാന്‍ തള്ളിയിട്ട മുറിവ് ഇപ്പൊഴും നെറ്റിയില്‍ ഉള്ളതുകൊണ്ട് ആളെ എനിക്ക് പെട്ടെന്ന് മനസിലായി. പുള്ളിക്കാരിയും കൂട്ടുകാരും ഇരുന്നു പപ്സ് കഴിക്കുന്നു.
ഞാന്‍ അല്പം പേടിയോടെ തന്നെയാണ് അങ്ങോട്ട്‌ ചെന്നത്. എന്നേ കണ്ടതും ഒരു ചെറിയ പുഞ്ചിരി മുഖത്ത് വരുത്തി,
“ഹാ.. വാട ശ്രീ….അറിയോ?”
“മിച്ച്..”
ഞാന്‍ ഇല്ലെന്നു ചുമല്‍ കൂച്ചി കാണിച്ചു.
“നിന്റെ കാലൊക്കെ ശേരിയായോ”
അവള്‍ ഒന്ന് ചിരിച്ചിട്ട്‌ ചോദിച്ചു.
“ഹ്മ്മം.. ,ഇപ്പൊ കൊഴപ്പമില്ല.”
“എന്റെ പേര് അരുണിമാന്നാ.. ഒന്ന് ഓര്‍ത്തു നോക്കിക്കെ അറിയോന്ന്?”
“മ്ച്ച്”..
“ആമി.. ഇപ്പൊ അറിയോ?”
അവള്‍ വീണ്ടും പ്രതീക്ഷയോടെ ചോദിച്ചു
“ഇല്ല.. ഞാന്‍ ചേച്ചിയെ ആദ്യമായാണ് കാണുന്നെ”
അവളുടെ മുഖം വാടി.
“അല്ലടാ അന്ന് നീ എന്റെ പുറത്തേക്ക് വീണപ്പോ ആമീന്ന് വിളിച്ചത് ഞാൻ കേട്ടു. ഞാന്‍ കരുതി എന്നെ അറിയാമായിരിക്കുമെന്ന്..”
അവളെനിക്ക് മുഖംതരാതെ കുനിഞ്ഞു സോസറിലേക്ക് നോക്കി പറഞ്ഞു.
“ഇല്ല ചേച്ചി.. ഞാനങ്ങനെ ഒന്നും വിളിച്ചില്ല, ആരാ… ചേച്ചിയാണോ ആമി?”
“അതൊന്നുമില്ലടാ, ആമി.. അത് എന്റെ മനസിൽ മരണമില്ലാത്തൊരു മോഹമായിരുന്നു.. അതൊക്കെ പോട്ടേ.. ശ്രീഹരിക്ക് കഴിക്കാന്‍ വല്ലതും വേണോ”
അവൾ ബാക്കി മുട്ട പപ്സ് വായ്ക്കുള്ളിലേക്കാക്കിക്കൊണ്ട് ചോദിച്ചു.
“മച്ച്..”
“എന്നാലും ഒരു എഗ്ഗ് പപ്സായാലോ? അതോ മീറ്റ് റോൾ വേണോ? “
മുഖത്തൊരു ചിരി ഫിറ്റ് ചെയ്തിട്ട് ചോദിച്ചു.
എന്റെ ഉള്ളിലെ കൊതി എനിക്ക് സഹിക്കാമായിരുന്നില്ല, ആ മുഖഭാവം കണ്ടിട്ടാവണം അവൾ എനിക്ക് രണ്ടും വാങ്ങി തന്നത്. അതൊരു നല്ല സൗഹൃദത്തിന്റെ തുടക്കമായിരുന്നു.
ഞാന്‍ അത് കഴിച്ചിട്ട് തിരിച്ചു ക്ലാസിലേക്ക് നടന്നു.
“വിഷ്ണൂ….!”
അരുണിമ.. താന്‍ പണ്ടെന്നോ കണ്ടെത്തിയതും അന്ന് പാടെ അവഗണിച്ചതുമായൊരു സിദ്ധാന്തം ശ്രീഹരി വിളിച്ച ‘ആമീ' എന്നൊരൊറ്റ വിളിയുടെ പിന്‍ബലത്തില്‍ അവനുമേല്‍ പരീക്ഷിക്കാന്‍ തുനിയുകയാണ്.
എന്നാല്‍ വിഷ്ണു അരുണിമക്ക് വെറും ഒരു വിളിയുടെ അകലത്തില്‍ അല്ലാലോ !!.
“എടാ ശ്രീ.. നീ എവിടെപ്പോയി കിടക്കുവായിരുന്നു?”
ഗോപന്‍ എങ്ങുന്നോ ഓടിക്കൊണ്ട്‌ വന്നു ചോദിച്ചു. [ തുടരും ]
