എന്റെ സുഖം ഇവളിലാ
കാറിലുള്ള ബാക്കി സാധനങ്ങൾ എടുക്കണേ…
ദേവു പുറകിൽ നിന്ന് പറഞ്ഞതിന് തിരിഞ്ഞ് നോക്കാതെ കൈ ഉയർത്തി തംബ്സ്അപ്പ് കാണിച്ചിട്ട് പുറത്തേക്ക് ഇറങ്ങി…
താഴെ കുട്ടികൾ കളിക്കുന്ന ഏരിയയിൽ ചെന്നപ്പോൾ അമ്മു അവിടെയുള്ള ഊഞ്ഞാലിൽ ഇരുന്ന് ഒറ്റയ്ക്ക് ആടുകയാണ്, ഞാൻ മെല്ലെ പിന്നിലൂടെ ചെന്ന് നിന്ന് ആട്ടിക്കൊടുത്തു.. പെട്ടെന്ന് സ്പീഡ് കൂടിയപ്പോൾ അവളൊന്ന് തിരിഞ്ഞ് നോക്കി, പിന്നിൽ ഇളിച്ചോണ്ട് നിൽക്കുന്ന എന്നെ കണ്ടതും കാല് രണ്ടും നിലത്ത് കുത്തി ഊഞ്ഞാല് സ്ലോ ആക്കിയിട്ട് അതിൽനിന്നും ചാടിയിറങ്ങി പെണ്ണ് അപ്പുറത്ത് ഇട്ടിട്ടുള്ള ബെഞ്ചിൽ പോയിരുന്നു.
ഞാനും അവൾക്ക് പിന്നാലെ ബെഞ്ചിൽ പോയിരുന്നു. ഈ പ്രാവശ്യം എന്നെ ഒന്ന് കണ്ണുരുട്ടി നോക്കിയതല്ലാതെ അമ്മൂസ് എഴുന്നേറ്റ് പോയൊന്നുമില്ല.
എന്താ അമ്മൂസേ, കലിപ്പാണല്ലോ !!
അമ്മു അത് കേൾക്കാത്തപോലെ മുഖം തിരിച്ചിരുന്നു.
നല്ല കാലാവസ്ഥ. അല്ലേ.. അമ്മൂട്ടീ !
അതിനും കക്ഷി മറുപടിയൊന്നും തന്നില്ല.
ഞാൻ ബെഞ്ചിൽ നിരങ്ങി കുറച്ചൂടെ അമ്മുന്റെ അടുത്തേക്ക് ചേർന്നിരുന്നു..
അമ്മൂട്ടി…
ഞാൻ മെല്ലെ പെണ്ണിന്റെ കയ്യിൽ ചുരണ്ടിക്കൊണ്ട് വിളിച്ചതും, അവള് മുഖം തിരിച്ച് എന്നെ ഒന്ന് കലിപ്പിച്ച് നോക്കി.
ചേട്ടായി എന്നോട് മിണ്ടാൻ വരണ്ട.. പോ..