ഞാൻ വീട്ടിൽ വന്നു കയറുമ്പോൾ തന്നെ അൽപ്പ നേരം വൈകിയിരുന്നു..
അപ്പോഴും മമ്മയുടെ ചെറിയ ശകാരം.
എവിടെയായിരുന്നു ഇതുവരെ.. കുറെ നേരം കാത്തിരുന്നു. പിന്നെ ഞാൻ കഞ്ഞി കുടിച്ചു.
ഈ പാവം നീ വരുന്നതും കാത്തിരിക്കാൻ തുടങ്ങീട്ട് രണ്ട് മണിക്കൂറായി..നിനക്കുള്ളത് അവിടെ വിളമ്പി വയ്ക്കാമെന്ന് പറഞ്ഞിട്ട് ഇവൾ സമ്മതിച്ചില്ല.

ഗേളി അപ്പോഴും അവളുടെ സ്ഥിരം ചാനലും സ്ഥിരമായി കാണുന്ന സീരിയലും, കണ്ടോണ്ട് ഇരിക്കുകയായിരുന്നു..
എന്നെ കണ്ടതും അവൾ സോഫയിൽ അൽപ്പം ഒതുങ്ങിയിരുന്നു..
ഞാൻ സോഫയിൽ ഇരുന്ന് കൊണ്ട് ഷൂസും സോക്സും അഴിച്ചു.

മോളെ, അവന് ഭക്ഷണം വിളമ്പി ക്കൊടുക്ക്, നീയും കഴിച്ചിട്ട് വേഗം കിടന്നുറങ്ങ്..

അത് കേട്ടയുടനെ അവൾ എഴുന്നേറ്റ് അടുക്കളയിലേക്ക് പോയി.

വല്ലാത്ത ഉറക്ക ക്ഷീണമുണ്ടെന്ന് മമ്മ പറഞ്ഞെങ്കിലും അവർ ഗേളിയുടെ പുറകെ അടുക്കളയിലോട്ട് പോയി.

ഞാൻ ഡ്രസ്സ്‌ മാറി, ഭക്ഷണം കഴിക്കാനെന്ന മട്ടിൽ പതുക്കെ ആ രംഗം വിട്ടു,

മമ്മയോടൊപ്പം അത്താഴം വിളമ്പിക്കൊണ്ടിരിക്കുന്ന ഗേളിയുടെ പുറകിൽ തൊട്ടുരുമ്മിക്കൊണ്ട് നിന്ന് ഞാൻ മെല്ലെ ചോദിച്ചു.

ഇന്നെന്തുണ്ട് വിശേഷം?

എന്ത് വിശേഷം?

നത്തിങ് സ്പെഷ്യൽ?

ഇവിടെ എല്ലാ ദിവസവും ഒരുപോലല്ലേ..!!

ഓ അതെനിക്കറിയാ..!!

പിന്നെന്താ അറിയേണ്ടത്..?