രതികൾ – “നീ എങ്ങനെയാടാ ഇങ്ങോട്ട് വന്നേ.. കാർ ഓടിച്ചുകൊണ്ടല്ലെ. അപ്പൊ നിനക്ക് 18കഴിഞ്ഞിട്ടുണ്ടെന്ന് ഞങ്ങൾക്കറിയാം ”

എന്ന് എനിക്ക് രാവിലെ ചായ തന്ന ചേട്ടൻ തന്നെ തിരിഞ്ഞു കൊത്തി.

പിന്നെ ദേവികക്ക് ഒരു പണിയും ഇല്ലായിരുന്നു. നാട്ടുകാർ മൊത്തം എന്നെ പണിതോണ്ട് ഇരിക്കുവായിരുന്നു. പറഞ്ഞു പറഞ്ഞു ഞാൻ മടുത്തു. സമയം 9:30ആയി എന്ന് തോന്നുന്നു.

ഇനി നിന്നെ ഇവിടെ നിന്ന് വിടണമെങ്കിൽ ഇവളേയും കൊണ്ടേ വീടു .എന്ന് ഒരാൾ പറഞ്ഞതോടെ എന്റെ ശവപ്പെട്ടിയിലെ അണികൾ അടിച്ചുകൊണ്ടിരുന്നു നാട്ടുകാർ.

“ചേട്ടാ മുഹൂർത്തം കഴിയുന്നതിനു മുൻപ് നമുക്ക് ഇവരെ അമ്പലത്തിൽ കൊണ്ട് പോയി കെട്ടിക്കാം ”

എന്ന് ആ ചേച്ചി പറഞ്ഞതോടെ പെട്ടിയിൽ അടുത്ത അണിയും അടിച്ചു.

“അപ്പൊ താലി ” എന്ന് ഒരു ചേട്ടൻ ചോദിച്ചു.

“അതേ താലി ഇല്ലാതെ എങ്ങനെ കേട്ടും.

ഞാൻ പിന്നെ ഒരു ദിവസം വാങ്ങിക്കൊണ്ട് വരാം ചേട്ടാ ”

എന്ന് ഞാൻ പറഞ്ഞു.

“ഓ അത്‌ വേണ്ടാ. ഇത് ഞങ്ങൾ നാട്ടുകാർ ഏറ്റെടുത്ത ഒരു തീരുമാനം ആയത് കൊണ്ട്, ഇവനെയും ഇവളെയും അമ്പളത്തിലേക്ക് കൊണ്ട് വന്നേരെ.. ഞാൻ പോയി ഞങ്ങളുടെ കടയിൽനിന്ന് ഒരു താലി എടുത്തുകൊണ്ട് വരാം “

എന്ന് പറഞ്ഞു ആ ചേട്ടൻ എന്റെ പെട്ടിയിലെ അവസാനത്തെ അണിയും അടിച്ചു.

ഇതൊന്നും കേൾക്കാതെ എന്റെ കൈയിൽ മുറുകെ പിടിച്ചുകൊണ്ട് ദേവിക നില്ക്കുന്നുണ്ട്.

ഞാൻ ഓടിയാലെന്ന് ഓർത്താണോ ഇവൾ പിടിച്ചേക്കുന്നെ. ഓടിയാൽ എങ്ങോട് ഓടാൻ !!

നാട്ടിൽ ഒക്കെ ആയിരുന്നേൽ എങ്ങനെയെങ്കിലും ഓടി രക്ഷപ്പെടാമായിരുന്നു. ഈ മൈര് ഗ്രാമത്തിൽ എങ്ങോട്ട് ഓടാൻ.. വഴിയൊന്നും അറിയാതെ. ഓടി വല്ല പൊട്ടക്കിണറ്റിൽ ചാടിയല്ലോ..

ചുറ്റിലും എന്നെ കെട്ടിച്ചിട്ടേ വീടു എന്നുള്ള വാശിയിൽ നിൽക്കുന്ന നാട്ടുകാർ.

ഞാൻ പെട്ടുപോയി എന്നുറപ്പായി.

എന്റെ മനസിൽ കാവ്യയെ വിളിക്കാൻ പറ്റിയ എല്ലാ തെറിയും വിളിച്ചു കഴിഞ്ഞു. ഏത് ദുർബല നിമിഷത്തിലാണോ ഇവളെ അന്വേഷിക്കാൻ ഇറങ്ങിയത്.!!

രാവിലെയെങ്ങാനും വീട്ടിൽനിന്ന് ഇറങ്ങിയിരുന്നേൽ ഇവളുടെ കല്യാണ സദ്യയും കഴിച്ചിട്ട് പോകാമായിരുന്നു.

ഇത് ഇപ്പൊ കഷ്ടകാലം എങ്ങനെയോ ചുറ്റിക്കറങ്ങി കൃത്യ ടൈമിൽ തലയിൽ വന്നു കയറിയല്ലോ എന്നാലോചിച്ചു കൊണ്ട് അമ്പലത്തിന്റെ നടയിൽവരെ എത്തി.

ഈ പെണ്ണ് ആണേൽ കൈയിൽ നിന്ന് വിട്ടിട്ടും ഇല്ല. കോളേജിൽ വല്ലതും ആയിരുന്നേൽ ഇവളുടെ കൈ ഞാൻ തല്ലി ടിച്ചേനെ. ഇവിടെ എങ്ങാനും വെച്ച് അങ്ങനെ ചെയ്താൽ നാട്ടുകാർ എന്റെ നടുവ് ഒടിച്ചുവിടും.

അപ്പോഴേക്കും ആ ചേട്ടൻ താലിയും തുളസി മാലയുമായി വന്നു തിരുമേനിക്ക് കൊടുത്തു. അയാളത് പൂജിച്ച് എന്റെ കൈയ്യിലേക്ക് തന്നു. അപ്പോഴേക്കും വിവരം അറിഞ്ഞു നാട്ടിലെ എല്ലാവരും അവിടെ എത്തിയെന്ന് എനിക്ക് മനസിലായി.

താലിമാല എനിക്ക് തന്നിട്ട് കെട്ടിക്കോളാൻ പറഞ്ഞു.

ഒരു നിമിഷം ഞാൻ ആലോചിച്ചു.
പിന്നെ നാട്ടുകാർ കെട്ടടാ എന്ന് പറഞ്ഞപ്പോൾ ആണ് ചിന്തയിൽ നിന്ന് ഉണർന്നത്. അവളാണേൽ എന്റെ മുന്നിൽ കൈകുപ്പി കെട്ടാൻ വേണ്ടി നിന്ന് തന്നേക്കുന്നു. ഞാൻ കെട്ടുമ്പോൾ എന്റെ കൈ നന്നായി വിറക്കുന്നുണ്ടായിരുന്നു.
അങ്ങനെ എങ്ങനെയോ കെട്ടി.

നാട്ടുകാരിൽ ആരോ വിളിച്ചു പറഞ്ഞു. “എന്താടാ.. രാവിലെ തന്നെ കൈയ്യൊക്കെ വിറക്കുന്നുണ്ടല്ലോ.. വല്ലതും വേണോ വിറക്കാതെ ഇരിക്കാൻ എന്ന്.

തുളസിമാല ഞങ്ങൾ രണ്ടാളും അങ്ങോട്ടും ഇങ്ങോട്ടും ചാർത്തി. പിന്നെ സിന്ദൂരം ചാർത്തി കൊടുത്തു.

പിന്നെ അമ്പൽത്തിലേക്ക് നോക്കി തൊഴുതപ്പോൾ അവളെ നോക്കി.

അവൾ കണ്ണീർ ചാടിച്ചുകൊണ്ടാണ് പ്രാർത്ഥിക്കുന്നത്.

ഒരാളെ കൊണ്ട്പോയി ഇത്രയും വലിയ കെണിയിൽ ചാടിച്ചിട്ട് കരയുന്നത് കണ്ടില്ലേ എന്ന് എന്റെ മനസ് അവളോട് ചോദിച്ചു.

പിന്നെ അവളുടെ വീടിന്റെ അടുത്തുള്ള മറ്റൊരു ചേച്ചിയുടെയും ചേട്ടന്റെയും വീട്ടിലേക്കാണ് ഞങ്ങളെ കൊണ്ട് പോയത്.

ആ ചേച്ചിയും ചേട്ടനുമാണ് എന്നെക്കൊണ്ട് കെട്ടിപ്പിച്ചത് തന്നെ.

ഞാനാണേൽ കിളിപോയി മൊത്തം തകർന്നു തരിപ്പണമായി വരാന്തയിൽ കസേരയിൽ ഇരുന്നു.

അവിടെ ഉണ്ടായ ഒരാൾക്ക് കാറിന്റെ കീ കൊടുത്തു. അയാൾ കാർ മുറ്റത്തു കൊണ്ടിട്ട്.

ഇച്ചിരി നേരം കഴിഞ്ഞു ആ വീട്ടിലെ ചേച്ചി, ദേവികയുടെ വീട്ടിലേക്ക് പോകുന്നത് കണ്ടു. പിന്നെ കണ്ടത് അവളുടെ ബുക്കും തുണികളുമെല്ലാം മുറ്റത്തേക്ക് പറക്കുന്നതാണ്.

അതൊക്കെ വാരിയെടുത്തു തിരിച്ചു വരുന്ന ചേച്ചി എന്നെനോക്കി ചിരിച്ചിട്ട് ഉള്ളിലേക്ക് പോയി.

അവൾ ഡ്രസ്സ്‌ ഒക്കെ മാറുകയാണെന്ന് എനിക്ക് മനസിലായി.

ആ ചേട്ടൻ വന്നു ചോദിച്ചു:
എന്നാ പ്ലാൻ എന്ന്.
ദേവിക അപ്പൊത്തന്നെ ഉത്തരം പറഞ്ഞു.
എന്റെ കൂടെ ഇന്ന് തന്നെ പോകുവാന്ന്.

എനിക്ക് ആണേൽ പേടി കയറി ഇരിക്കുവാ.
അച്ഛനും അമ്മയും അറിഞ്ഞല്ലോ !!

അവൾ കല്യാണ സാരിയും അവൾ ഇട്ടിരുന്ന മുന്നോ നാലോ സ്വർണ വളയും മാലയും എല്ലാം ആ ചേച്ചിയുടെ കൈയിൽ കൊടുത്തു. ഞാൻ പിന്നെ വന്നു വാങ്ങിക്കോളാം എന്നവൾ പറഞ്ഞു.
ഇത്‌ കൊണ്ട്പോകുന്നത് സുരക്ഷിതമല്ലെന്ന് പറഞ്ഞു.

ആകപ്പാടെ ഇച്ചിരി സ്വർണമേ ഉള്ളെന്ന് എനിക്ക് മനസിലായി.

പിന്നെ അവിടെ നിന്ന് യാത്രയായി.

അവിടെ എത്തിക്കഴിഞ്ഞു വിളിക്കണമെന്ന് അവളോടവർ പറഞ്ഞു.

നാട്ടുകാർ മൊത്തം അവിടെ ഉണ്ടായിരുന്നു.

പിന്നെ അവളെയും വണ്ടിയിൽ കയറ്റി അവിടെ നിന്ന് യാത്രയായി.

ശത്രു ചത്തോ എന്നന്വേഷിക്കാൻ വന്ന ഞാൻ ഇപ്പൊ എന്റെ ശത്രുവിനെ തന്നെ കെട്ടേണ്ടി വന്നല്ലോ എന്നോർത്തപ്പോൾ എനിക്ക് ഭ്രാന്ത് കേറുന്നപോലെയായി.

അവളാണേൽ ഒന്നും മിണ്ടാതെ തല താഴ്‌ത്തി ഇരിക്കുന്നുണ്ട്. താലി അവളുടെ നെഞ്ചിൽ കിടന്നു തിളങ്ങുന്നുണ്ട്. സിന്ദൂരം ഒക്കെ നെറ്റിയിൽത്തന്നെയുണ്ട്.

അങ്ങനെ അവളുടെ നാട് വിട്ട് കുറെ അകലെ എത്തിയപ്പോൾ ഞാൻ വണ്ടി ഒന്ന് സൈഡ് ഒതുക്കിട്ട്.

“എന്താ മോളുടെ ഉദ്ദേശം.

വെറുതെ കാവ്യേടെ വാക്കും കേട്ട് നീ ജീവനോടെ ഉണ്ടോ എന്ന് അറിയാൻ വന്നതാ. നീ…ഒരു മാതിരി മറ്റേ പണിയാ കാണിച്ചേ.. എടി ഞാൻ പറഞ്ഞല്ലോ.. നിന്നോടൊക്കെ സ്‌നേഹം തോന്നണേൽ ഒരു ഇത് വേണം നിന്നോട്.

അവൾ ഒരു കല്യാണം മുടക്കി, എന്നെയും ചതിച്ചു കെട്ടി. എന്റെ ഭാവി നീ കളഞ്ഞില്ലേ.. അല്ലാ നിനക്ക് എപ്പോഴാ എന്നോട് ഇഷ്ടം എന്ന് പറഞ്ഞേ.
നിന്നെ കാണുന്നത് തന്നെ എനിക്ക് ദേഷ്യം വരുന്നതാന്ന് ഞാൻ പറഞ്ഞിട്ടില്ലേ.

എന്തെടി.. നിന്റെ ചിലച്ചോണ്ട് ഇരിക്കുന്ന നാക്ക് എന്ത്യേ ഇറങ്ങിപ്പോയോ.”

എന്ന് നല്ല ദേഷ്യത്തിൽത്തന്നെ ഞാൻ ചോദിച്ചു..

അവളാണേൽ ഒന്നും മിണ്ടാതെ അതൊക്കെ കേട്ട്കൊണ്ട് ഇരുന്നു.

അങ്ങനെ ഞാൻ വണ്ടിയിൽ ഓരോന്നും എണ്ണി പെറുക്കി എന്റെ നാട്ടിൽ എത്താറായപ്പോൾ അവൾ വണ്ടി നിർത്താൻ പറഞ്ഞു.
ഞാൻ നിർത്തി. അവൾ ഡോറും തുറന്ന് പുറത്തേക്ക് ഇറങ്ങി ബാഗ് എടുത്തു ശേഷം.

“മതി..ഞാൻ അവളുമാരുടെ അടുത്തേക്ക് പൊക്കോളാം. നീ നിന്റെ വീട്ടിലേക് പൊയ്ക്കോ. പിന്നെ എന്റെ കാര്യം ഞാൻ നോക്കിക്കോളാം.”

അവൾടെ കഴുത്തിൽ കെട്ടിയ താലി ഊരി. സിന്ദൂരം തൊടച്ചു കളഞ്ഞു.

അത് എനിക്ക് ഒരു ആശ്വാസമായി. എന്നിട്ട് ബാഗ് എടുത്തു, ഒരു ഓട്ടോ വിളിച്ചു അവൾ വാടകക്ക് താമസിച്ചിരുന്ന സ്ഥലത്തേക്ക് പോയി.

ഞാനും കാറിൽ ആ ഓട്ടോക്ക് എക്സ്കോർട്ട്പോയി. ഒരു പെണ്ണിനെ ഒറ്റക്ക് വിട്ടാൽ അത് സുരക്ഷിതത്വം അല്ലാ എന്ന് എനിക്കറിയാമായിരുന്നു. അവൾ ഗേറ്റ് അടച്ചു ഉള്ളിൽ കയറി പോകുന്നത് കണ്ടിട്ടാണ് ഞാൻ തിരിച്ചു പോന്നത്.

വേറെ ഒന്നുമല്ല.. ഇനി ആരെങ്കിലും അവളെ എന്തെങ്കിലും ചെയ്താൽ പണി എനിക്ക് വരും എന്നോർത്തിട്ടാണ്. ഇല്ലേ എങ്ങോട്ടെങ്കിലും പോകട്ടെ എന്ന് വിചാരിച്ചേനെ.

കാർ വീട്ടിൽ കയറ്റി. എങ്ങനെ ഒക്കെ ഉണ്ട് യാത്രാനുഭവം എന്ന് അമ്മ ചോദിച്ചപ്പോൾ ഞാൻ ഒരു ഒന്നൊന്നര യാത്രയായിരുന്നു എന്ന് പറഞ്ഞു.

“അമ്മക്ക് ഒന്നും കൊണ്ട്വന്നില്ലേടാ ”

“ഒന്നും കിട്ടിയില്ല അമ്മേ വാങ്ങാൻ ”

“ഉം ”

“എന്നാ പോയി ഫുഡ്‌ കഴിച്ചു കിടന്നു ഉറങ്ങാൻ നോക്ക്. നാളെ കോളേജിൽ പോകാനുള്ളതാ ”

എന്ന് പറഞ്ഞു അമ്മ ഫുഡ്‌ എടുത്തു വെച്ച്. എന്റെ സ്വിച്ച് ഓഫ്‌ ആയി പോയ ഫോൺ കുത്തി ഇട്ടേച്ച്, അച്ഛനോട് കെട്ടിച്ചമച്ച യാത്രക്കാര്യങ്ങൾ പറഞ്ഞു ഫുഡ്‌ കഴിച്ചു കഴിഞ്ഞു, ഫോൺ എടുത്തു കൊണ്ട് എന്റെ റൂമിലേക്കു പോയി.

അപ്പൊത്തന്നെ എനിക്ക് വിളി വന്നു കാവ്യയുടെ

“എന്തായടാ അവളെ കണ്ടോ ? അവൾ വരില്ലേ വീണ്ടും കോളേജിൽ?”

“ഉം നാളെ വരുമായിരിക്കും ”

“എന്ത് പറഞ്ഞു അവൾ?
യാത്ര ഒക്കെ സുഖം ആയിരുന്നോ?”

“അവൾ ഒന്നും പറഞ്ഞില്ല.
എല്ലാം ആക്ഷൻ ആയിരുന്നു.
നല്ല സുഖം ആയിരുന്നടീ യാത്ര ”

“അവൾ വരില്ല അല്ലെ ”

“വരും നാളെത്തന്നെ ”

പിന്നെ കുറച്ച് നേരം സംസാരിച്ചു കഴിഞ്ഞ ശേഷം ഞാൻ ഉറങ്ങിപ്പോയി. പിറ്റേ ദിവസം അമ്മ വിളിച്ചപ്പോഴാണ് ഞാൻ എഴുന്നേക്കുന്നെ

” മണി 8:30 ആയി. എഴുന്നേറ്റു കോളേജിൽ പോകാൻ നോക്ക് ”

പിന്നെ എല്ലാം സെറ്റ് ആക്കി അച്ഛനോട് യാത്ര പറഞ്ഞു ഞാൻ കോളേജിലേക്ക് പോയി.

അവൾ കോളേജിൽ വന്നു കാണുമോ. അതൊ ഇന്നലെ എന്റെ വണ്ടിയിൽ ഇരുന്നു കേട്ട മോട്ടിവേഷൻ കാരണം ആത്മഹത്യ ചെയ്തു കാണുമോ.

എന്നൊക്കെ ആലോചിച്ചു കോളേജിൽ എത്തി ക്ലാസിൽ കയറിയപ്പോൾ അവൾ അവിടെ എല്ലാവരോടും വിശേഷം ഒക്കെ പറയുവാ. എന്നെ കണ്ടതോടെ അവൾ ഒന്ന് പതുങ്ങി സംസാരം ഒക്കെ കുറഞ്ഞു. പിന്നെ പതുക്കെ എന്തൊ സംസാരമായി.

ഇനി ഇവൾ നടന്നത് വല്ലതുമാണോ പറഞ്ഞത്. ഏയ്‌ അങ്ങനെ ആയിരുന്നേൽ പെൺപടകളും കോളേജ് ഫ്രണ്ട്സുമൊക്കെ ഇപ്പൊ എന്നെ എയറിൽ കയറ്റിയേനെ. അപ്പൊ അതൊന്നും അല്ലാ എന്ന് മനസ്സിലായി.

ഞാൻ കാവ്യ ക വിളിച്ചപ്പോൾ അവൾ എന്റെ അടുത്ത് വന്നു ഇരുന്നു.

“എന്താടാ.”

“അവൾ വല്ലതും പറഞ്ഞോ?”

“എന്ത് പറയാൻ.. അവൾക്ക് പനി പിടിച്ചു. അത്‌ കാരണമാണ് വരാൻ പറ്റാതായ തെന്നാണ് പറഞ്ഞെ ”

“ഉം ”

“നീ ചെന്നില്ലന്നാണല്ലോ അവൾ പറഞ്ഞെ ”

“ഞാൻ ചെന്നു. പിന്നെ ഇങ്ങു പോന്നു. അവൾ അവിടെ ഇല്ലായിരുന്നു. വീട്ടിൽ പറഞ്ഞു അത്രേയുള്ള് ”

“എനിക്ക് ആ പറഞ്ഞതിൽ വിശ്വാസം ഇല്ലടാ ”

“നീ വിശ്വസിക്കണ്ട ”

“അപ്പോഴേക്കും പിണങ്ങിയോ ”

പിന്നെ ഞങ്ങൾ കുറച്ച് നേരം മിണ്ടിക്കൊണ്ട് ഇരുന്നു. ബെല്ലടിച്ചു.

ഞാനും കാവ്യയും സംസാരിക്കുന്നത് അവൾ ഇടംകണ്ണിട്ട് നോക്കുന്നത് ഞാൻ കണ്ടിരുന്നു.

അങ്ങനെ ഉച്ച ആയപ്പോൾ ഞങ്ങളുടെ സീനിയേഴ്സ് വന്നു പറഞ്ഞു:
ആർട്സ് തുടങ്ങാൻ പോകുവാന്ന്. പിന്നെ അതിന്റെ ചർച്ചയായി. (തുടരും )