രതികൾ -വീണ്ടും ഒരു ഓണക്കാലം. ഞാനും അവളും പ്രണയിച്ചു തുടങ്ങിട്ട് ഒരു വർഷം കഴിഞ്ഞു. അവൾ എന്റെ ജീവന്റെ ജീവനായി കഴിഞ്ഞിരിക്കുന്നു.

ഓണ ആഘോഷത്തിന് വേണ്ടി നല്ല കസവ് മുണ്ടും ഒരു ബ്രൗൺ ഷർട്ടും ഇട്ട് കൊണ്ട് ഞാൻ കോളേജിലേക്ക് പോയി അന്ന് ഞാൻ ബൈക്കിന് ആയിരുന്നു കോളേജിൽ പോയെ.

കോളേജിൽ 1st ഇയർ തൊട്ട് എല്ലാ പെണ്ണുങ്ങളും സാരി ഉടുത്തു വന്നേക്കുന്നത് കാണാൻ തന്നെ നല്ല ഭംഗിയായിരുന്നു. ഞാൻ വന്നത് കണ്ടതോടെ എല്ലാവരും എന്നെ നോക്കി.

ഞാൻ ക്ലാസിലേക്ക് വേഗം ചെന്നു..
ദേവികയെ സാരി ഉടുത്ത് കാണാനുള്ള ഉത്സാഹം ആയിരുന്നു. പക്ഷേ എന്റെ പ്രതിക്ഷ എല്ലാം പോയി !! ഞാൻ വാങ്ങിക്കൊടുത്ത ഒരു നല്ല ചുരിദാർ ആണ് അവളുടെ വേഷം. ക്ലാസ്സിൽ അവളു മാത്രമാണ് സാരി ഉടുക്കാതെ വന്നേ.

“എന്താടി സാരി ഉടുക്കാത്തെ?”
അവൾ എന്റെ അടുത്ത് വന്നു ചേർന്ന് നിന്ന് പറഞ്ഞു.

“ഏട്ടാ എന്റെ കൈയിൽ ഉണ്ടായിരുന്ന കസവു സെറ്റ് സാരി ഇന്നലെ രാത്രി എടുത്തു നോക്കിയപ്പോൾ ആകെ പോയി. ”

പിന്നെ ഞാൻ ഒന്നും നോക്കിയില്ല.. അവളുടെ കൈയിൽ പിടിച്ചു വലിച്ചു കൊണ്ട് പുറത്തേക്ക് വന്നു.

“നീ പോയി ബ്ലൗസ് എടുത്തുകൊണ്ട് വാ.

ഞാൻ വണ്ടി വെച്ചോടത്ത് കാണും.”
എന്ന് പറഞ്ഞു അവളെ ഹോസ്റ്റലിലേക്ക് ഓടിപ്പിച്ചു.

പിന്നെ അവളെ കൊണ്ട് ടൗണിൽ അച്ഛന്റെ കൂട്ടുകാരന്റെ തുണിക്കടയിൽ കയറി. അവളോട് ഒരു സെറ്റ് സാരി വാങ്ങി പിന്നെ അത്‌ ഉടുപ്പിച്ചു കൊടുക്കാൻ അവിടെയുള്ള സെയിൽസ് ഗേളിനോട്‌ പറഞ്ഞു. അവളെ കൂട്ടിക്കൊണ്ട് പോയി.

ഞാൻ ആ ചേട്ടന് പൈസ കൊടുത്തു. ആരാണെന്ന് ചോദിച്ചപ്പോൾ കൂടെ പഠിക്കുന്നതാ. ഞാൻ കാരണം അവളുടെ സാരിയിൽ കറയായി എന്നും അതുകൊണ്ട് വാങ്ങിക്കൊടുക്കുന്നതാണെന്നും കള്ളം പറഞ്ഞു. ഇല്ലേ അപ്പൊത്തന്നെ ആ ചേട്ടൻ അച്ഛനെ വിളിക്കും.

ഇച്ചിരിനേരം കഴിഞ്ഞപ്പോൾ എന്റെ പെണ്ണ് സാരി ഉടുത്തുകൊണ്ട് ദേ വരുന്നു.

കുറച്ച് നേരം അവളെ നോക്കി നിന്ന് പോയി. അവൾ വന്നു തട്ടിവിളിച്ചപ്പോഴാണ് ആ നിൽപ്പിൽനിന്ന് ഞാൻ മോചിതനായത്.

വർണ്ണിക്കാൻ എനിക്ക് വാക്കുകൾ ഇല്ലായിരുന്നു. പണ്ട് അവൾ കല്യാണ മണ്ഡപത്തിലേക്ക് വന്നപ്പോൾ കണ്ടതാ സാരിയുടുത്തു. അന്ന് അവൾ എന്റെ മനസിൽ കയറിപ്പോയതാ. എന്നാൽ അന്ന് അവളുടെ മുഖത്ത് സന്തോഷം ഇല്ലായിരുന്നു. ഇന്ന് അവളുടെ മുഖം സന്തോഷംകൊണ്ട് തുളുമ്പി നില്കുന്നു. ഒരുത്തനും അവളെ നോക്കാതെ ഇരിക്കില്ല എന്ന് എനിക്ക് മനസിലായി.
സാരി ഉടുപ്പിച്ചുകൊടുത്ത ചേച്ചിക്ക് ഞാൻ 500രൂപ കൊടുത്തു. എന്നിട്ട് ആ ചേട്ടനോട് യാത്ര പറഞ്ഞിറങ്ങി.

പോകുന്ന വഴി അവൾക്ക് കുറച്ച് മൂല്ലപൂവ് വാങ്ങി തലയിൽ വെച്ച് കൊടുത്തു.

എന്നെയും ദേവികയേയും കണ്ടതോടെ ക്ലാസ്സിലുള്ള എല്ലാവരും നോക്കിനിന്ന്.

ആരോ ഒരാൾ പറഞ്ഞു.. prefect ജോഡി എന്ന്.

ഞങ്ങൾ ഓണം ആഘോഷിച്ചു. സെൽഫി എടുത്തും ഫോട്ടോ എടുത്തും മടുത്തു. കാവ്യയാണേൽ ഫോട്ടോ എടുത്തു അവളുടെ ഏട്ടന് അയക്കൽ തന്നെ.. പിന്നെ ഞങ്ങൾ ഒരുമിച്ച് നില്കുന്നത് എല്ലാം എടുത്തു. അതൊക്കെ
ഞങ്ങളുടെ രണ്ട് പേരുടെ പേർസണൽ മെയിലേക്ക് അയച്ചിട്ടു..

ഗ്രൂപ്പ്‌ ഫോട്ടോ ഒക്കെ എടുത്തു അവളും മടുത്തു ഞാനും മടുത്തു.

സമയം 4:30 ആയപ്പോൾ ഞാനവളോട് പറഞ്ഞു “ഈ സാരി നീ സൂക്ഷിച്ചു വെക്കണം. കാരണം വേറൊന്നുമല്ലാ ഞാൻ എന്റെ സ്വന്തം പൈസക്ക് വാങ്ങിയതാ.”

“എങ്ങനെ?”

“അച്ഛനും അമ്മയും അറിയാതെ, പാർട്ട്‌ ടൈം ജോലിക്ക് പോയി. ആ പൈസ ആയിരുന്നു നീ ഉടുത്തത്. അതുമല്ല.. എന്റെ ജീവനായ നിന്നെ കെട്ടിയിട്ട് വർഷം രണ്ടാകാൻ പോകുന്നു. അതിന്റെ
ഓർമ്മയ്ക്കാണ് ആ സാരി…

എന്നും വീട്ടിൽ ചെല്ലുമ്പോൾ അമ്മ ഏറ്റവും കൂടുതൽ ചോദിക്കുന്നത് നിന്നെയാണ്. എന്റെ പെണ്ണിനെ.
ഇപ്പൊ നിന്നെ ഈ വേഷത്തിൽ കണ്ടാൽ അമ്മ നിന്റെ വീട്ടിൽവന്നു പെണ്ണ് ചോദിക്കാൻ അച്ഛനെയും എന്നെയും നിർബന്ധിച്ചു സമ്മതിപ്പിക്കും.”

“എടാ അമ്മയോട് കാര്യം പറഞ്ഞാലോ ?
അമ്മ ഇടക്ക് എന്റെ വിട്ടുകാരെക്കുറിച്ച് ചോദിക്കുന്നുണ്ട്. ഞാൻ അപ്പൊ എന്തെങ്കിലും പറഞ്ഞു ഒഴിഞ്ഞു മാറുവാ. എനിക്ക് വയ്യ ഇനി അമ്മയെ..”

“നീ വിഷമിക്കണ്ട ഇപ്പൊ എനിക്ക് 20വയസ്സ് ആയില്ലേ ഇനി കുറച്ച് മാസം കൂടി അങ്ങ് ക്ഷമിക്ക് എന്റെ ദേവൂട്ടി.”

“ഉം. എന്നാ ഞാൻ പോകുവാ.. കാവ്യ വരുന്നുണ്ട്. അവളുടെ കൂടെ ഹോസ്റ്റലിലേക്ക് പൊക്കോളം.”

കാവ്യാ വന്നു. ഞങ്ങൾ ഒരുമിച്ച് ഒരു സെൽഫി എടുത്തു. കുറച്ച് നേരം സംസാരിച്ചശേഷം അവൾ പറഞ്ഞു.

“നീ ഇവളെ ഒന്ന് പുറത്തൊക്കെ കൊണ്ട് പോയി ചുറ്റിയടിക്കടാ. ഇന്ന് തൊട്ട് വെക്കേഷൻ അല്ലെ. നാളെ മനുഏട്ടൻ വരുമ്പോൾ ഞാൻ പോകും. പിന്നെ ഇവൾ ഇവിടെ ഒറ്റക്കല്ലെ.”

ഞാൻ കുറച്ച് നേരം ചിന്തിച്ചു എന്നിട്ട്

“പണി ഉണ്ടാകാം.. ദേവൂട്ടി.”

“ഉം “

“നാളെ നീ നാട്ടിൽ പോകുവാ എന്ന് പറഞ്ഞു ഇറങ്ങിക്കോ.”

“എന്താ മോന്റെ ഉദ്ദേശം.”

“പറഞ്ഞത് അനുസരിച്ചാൽ മതി. മൂന്നു നാല് ദിവസത്തെ ഡ്രസ്സ്‌ എടുത്തോ.”

“ഉം ”

കാവ്യ പറഞ്ഞു.

എന്നാൽ ഞങ്ങൾ അങ്ങോട്ട് പോകുവാ.

എന്ന് പറഞ്ഞു അവർ പോകുന്ന പോക്കിൽ. ഇപ്പൊ വരാം എന്ന് പറഞ്ഞു ദേവിക വന്നിട്ട് എന്റെ കവിളിൽ ഒരു കിസ് തന്നിട്ട് കാവ്യയുടെ അടുത്തേക്ക് പോയി.

കാവ്യാ അപ്പൊ ആന്നെ പറഞ്ഞു.

“ഇന്നത്തെ കോട്ട കിട്ടിയല്ലോ.. ഇനി പോകാം.”

എന്നിട്ട് അവൾ ഒരു ആക്കിയ ചിരിയും.

ദേവിക കാവ്യയുടെ തലക്ക് ഒന്ന് തട്ടിയിട്ട് അവളോട് പറഞ്ഞു.

“ഇയാൾ രാത്രി കെട്ടിയോന് എത്ര കിസ്സാണ് കൊടുക്കുന്നെ. ഞാൻ എന്റെ കെട്ടിയോന് ഇത് മാത്രമല്ലെ കൊടുക്കുന്നുള്ളൂ.”

ഞാൻ വീട്ടിലേക്ക് ചെന്നപ്പോൾ അച്ഛനും അമ്മയും ഞാൻ വരുന്നത് നോക്കി ഇറയത്തു ഇരുന്നു ഓരോ കാര്യങ്ങൾ പറയുന്നുണ്ടായിരുന്നു.

അമ്മ എന്നെ കണ്ട് എഴുന്നേറ്റുവന്ന്.

“എങ്ങനെ ഉണ്ടായിരുന്നടാ ഓണം.”

“പൊളിച്ചടുക്കി.”

ഞാൻ കുളിച്ചു ഫ്രക്ഷായപ്പോഴേക്കും രാത്രിയായി.

അമ്മ എന്റെ റൂമിലേക്കു വന്നു.

“മോനെ.”

“എന്താ ”

“ഇന്ന് എടുത്ത ഫോട്ടോ ഒക്കെ കാണിച്ചു തരാമോ.”

ഞാൻ എന്റെ ഫോൺ അമ്മക്ക് കൊടുത്തു. അമ്മ അതുകൊണ്ട് അച്ഛന്റെ അടുത്ത് പോയി അച്ഛനെയും കാണിച്ചുകൊടുത്തു.

അമ്മക്ക് കാണാൻ വേണ്ടി. ഞാനും ദേവികയും ഇരിക്കുന്ന ഫോട്ടോ ഒരണ്ണം ഞാൻ ഗാല്ലറിയിൽ ഇട്ടിട്ടുണ്ടായിരുന്നു. ബാക്കി ഉള്ളത് എല്ലാം മെയിൽ ചെയ്തിട്ടിരിക്കയായിരുന്നു.

കുറച്ച് നേരം കഴിഞ്ഞപ്പോൾ അങ്ങോട്ട് ഞാൻ ചെന്ന്.

ഞാനും ദേവികയും നിൽക്കുന്ന ഫോട്ടോ ആയിരുന്നു അവർ വിശകലനം ചെയ്തു കൊണ്ടിരുന്നത്.

“എടാ മോനെ..എനിക്ക് ഇവളെ മരുമകൾ ആയി വേണം..ഇവളും നീയും നന്നായി ചേരുന്നുണ്ട്.. അല്ലേ ഏട്ടാ.
ഇവന്റെ പൊക്കത്തിനുള്ള ഉയരവും..ആ കുട്ടിയുടെ മുഖഭംഗി കണ്ടോ!! എന്താ ഭംഗി. !! പിന്നെ ആ ഉള്ള് കൂടിയ, ഇടുപ്പ് വരെ കിടക്കുന്ന മുടി..നല്ല സാരി.. അവൾക്ക് നന്നായി മാച്ച് ചെയ്യുന്നുണ്ട്.
കൈയിൽ കുറച്ച് സ്വർണ വളകളും നല്ല മലകളും ഒക്കെ ഇട്ടാൽ.

അച്ഛൻ പറഞ്ഞു..

ഓ അതിന്റെ ഒരാവശ്യം ഇല്ലാ.. അവളിപ്പഴേ സുന്ദരിയാ..

എന്തായാലും ഏട്ടാ എനിക്ക് അവളുടെ വീട്ടുകാരെ ഒക്കെ കാണണം.. എനിക്ക് അവളെ മരുമകളായി വേണം. ഈ പൊട്ടനോട് പറഞ്ഞിട്ട് അവളുടെ പുറകിൽപ്പോലും പോകുന്നില്ല.
വല്ലവനും കൊത്തിക്കൊണ്ട് പോകാതെ ഇരുന്നാൽ മതി എന്റെ ദൈവമേ.

എന്റെ മരുമകൾ ആയി കിട്ടിയാൽ കുടുംബക്ഷേത്രത്തിൽ ഒരു വിളക്ക് ഞാൻ തരാം എന്റെ ദേവിയെ.”

ഇതൊക്കെ കേട്ട് കൊണ്ട് ഞാൻ സെറ്റിയിൽ ചാരിക്കിടന്നു tv കണ്ട്കൊണ്ട് മനസ്സിൽ പറഞ്ഞു.

അമ്മയുടെ മകൻ എപ്പോഴേ അവളെ കൊത്തിക്കൊണ്ട് പറന്നു.
ഒരു വിളക്കിന്റെ പൈസ അച്ഛന്റെ കൈയിൽ നിന്ന് പോയി !!

പിന്നെ ഞാൻ ഫോൺ വാങ്ങി.
ഫുഡും കഴിച്ചു കിടന്നുറങ്ങാൻ പോകാൻ നേരം ഞാൻ അമ്മയോട് പറഞ്ഞു..

നാളെ ഒരു ട്രിപ്പ്‌ പോകുവാ.. സോളോ ആണെന്ന് പറഞ്ഞു സമ്മതം വാങ്ങി. എങ്ങോട് ആണെന്ന് ചോദിച്ചപ്പോൾ കുറച്ച് ദിവസം കേരളം മൊത്തം ചുറ്റിക്കറങ്ങാൻ ആണെന്ന് പറഞ്ഞു സെറ്റാക്കിയെടുത്തു.

അവളെയും കൂട്ടി ചുറ്റിക്കറങ്ങാൻ ഞാൻ പ്ലാൻ ചെയ്ത് മൂന്നാർ ആയിരുന്നു. അവിടെ അവളുമായി സ്റ്റേ ചെയ്യാനുമായിരുന്നു പ്ലാനിങ്.

റൂമിൽ എത്തിയ ഉടനെ അവളെ വിളിച്ചു അമ്മയുടെയും അച്ഛന്റെയും വർത്തമാനങ്ങളെക്കുറിച്ചൊക്കെ പറഞ്ഞിട്ട് അവസാനം പറഞ്ഞു.. ഞാനിന്ന് പറഞ്ഞ പോലെ റെഡിയായിരുന്നോളണം.. ഞാനിറങ്ങുമ്പോൾ വിളിക്കാം..

വെക്കേഷന് ഹോസ്റ്റൽ അടക്കുന്നതിനാൽ കാവ്യക്ക് താമസിക്കാൻ അവളുടെ മനുവേട്ടൻ ഒരു ഫ്ലാറ്റ് എടുത്തിരുന്നു. കഴിഞ്ഞ ദിവസം മുതൽ കാവ്യയോടൊപ്പം ദേവികയും ആ ഫ്ളാറ്റിൽ ആയിരുന്നു. മനു ഡൽഹിയിൽ ആയത് കൊണ്ട് കാവ്യയെ ഒറ്റക്ക് അവളുടെ അമ്മായിഅമ്മയുടെ അടുത്തേക്ക് വിടാൻ അവന് താൽപ്പര്യമില്ലാത്തത് കൊണ്ടാ അവൻ കൊച്ചിയിൽ ഫ്ലാറ്റ് വാങ്ങിയത്. മനു തന്നെയാണ് ദേവികയേയും കൂടെക്കൂട്ടാൻ നിർബന്ധിച്ചത്.

മനു നാളെ ഡൽഹിയിൽ നിന്നും ഫ്ലെയ്റ്റിന് എത്തും. അവരും എങ്ങോട്ടോ പോകുന്നെന്നാ പറഞ്ഞത്. ഇനി ദേവികയെ ഞാൻ കൊണ്ടു പോകുന്നത് കൊണ്ട് അവർ കൊച്ചിയിൽ തന്നെ ഹണിമൂൺ ആഘോഷിക്കാനും മതി..
(തുടരും)