രതികൾ -കാവ്യാ ഞാൻ വരുന്നത് കണ്ടതോടെ.
“ദേടാ നമ്മുടെ റോമിയോ വന്നൂടാ.. ”

പിന്നെ മൊത്തം എന്നെയും അവളെയും എയറിൽ നിർത്തുകയായിരുന്നു. കാവ്യ ഇന്നലെ രാത്രി ഭാരണിപ്പാട്ട് പാടിയെങ്കിലും ഞങ്ങൾ രണ്ട് പേരും ഇഷ്ടത്തിൽ ആണെന്ന് അറിഞ്ഞതോടെ അവൾക്ക് വലിയ ഇഷ്ടമായിപ്പോയി.
അവന്മാരാണെങ്കിൽ ഇത് എങ്ങനെ സെറ്റാക്കിയ ടാ എന്നുള്ള ചോദ്യവും. പിന്നെ പെൺപിള്ളേരല്ലെ.. പലർക്കും കുശുമ്പ്മുണ്ട്.

ദേവികയ്ക്കാണെങ്കിൽ ആ വീഡിയോ കണ്ടിട്ട് നാണം വന്നു. തലയും താഴ്ത്തി ഇരിക്കുന്നുണ്ട്.

കാവ്യാ എന്റെ അടുത്ത് വന്നു പറഞ്ഞു

“എന്തൊക്കെയായിരുന്നു.. സിംഗിൾ ലൈഫ്.. ഒറ്റക്ക് ഇന്ത്യ മുഴുവൻ യാത്ര..
ഓ.. എന്തൊക്കെയായിരുന്നു..തള്ളി മറിച്ചത്..”

അവൾ പറഞ്ഞു ചിരിച്ചു.

അപ്പോഴേക്കും ഞങ്ങൾക്ക് സെക്കൻഡ് ലാംഗ്വേജിന് പോകാൻ ടൈമായി. ബാക്കിയുള്ളവർ പോയപ്പോൾ ഞങ്ങൾക്ക് ടീച്ചർ വരാത്തത്കൊണ്ട് ഹിന്ദിക്ക് പോകേണ്ടി വന്നില്ല.

ആ സമയം കാവ്യാ എന്റെ കൈയ്യിൽനിന്ന് 100രൂപ കടം വാങ്ങി അവരെയും വിളിച്ചുകൊണ്ട് പോയി. ദേവിക ആണേൽ ക്ലാസ്സിലിരിക്കുന്നു.
അവളെയും വിളിച്ചു എന്റെ ബാഗും എടുത്തുകൊണ്ട് ഞാനും കാവ്യ
വൈകുന്നേരം ഇരിക്കുന്ന ബെഞ്ചിലേക്ക് നടന്നു.

അവൾക്കാണേൽ ഇപ്പൊ എന്റെ ഒപ്പം നടക്കനാൻ വലിയ ഇഷ്ടം പോലെ !! എന്റെ കൈയിൽ പിടിച്ചാണ് നടത്തം. പണ്ട് എന്തോ പേടിച്ചു ഭയത്തോടെ ആയിരുന്നു നടന്നിരുന്നത്. ആരുമായും അധികം കൂട്ടില്ലായിരുന്നു.

ഇപ്പൊ എന്റെ കൂടെ നടക്കുമ്പോൾ അവളുടെ മുഖത്തെ സന്തോഷവും, സന്തോഷത്തോടെയുള്ള വർത്താനമൊക്കെ കേൾക്കുമ്പോൾ എനിക്ക് അത്ഭുതമാകുവായിരുന്നു.

ഇത്രയുംനാൾ ഇവൾ എന്റെകൂടെ കോളേജിൽ ഉണ്ടായിട്ടും ഞാൻ ഇതുവരെ കണ്ടിട്ടില്ലാ ഇവളുടെ ഇത്രയും സന്തോഷം നിറഞ്ഞമുഖം. ഞങ്ങൾ ഇരിക്കുന്ന ബെഞ്ചിലെത്തി.

“എന്താടാ ബാഗ് ഒക്കെയായി?”

“അത് എന്റെ മോളൂസിന് ഹോസ്റ്റൽ ഫുഡ്‌ ഇഷ്ടം ആയില്ല എന്ന് പറഞ്ഞപ്പോൾ വീട്ടിൽ നിന്ന് എടുത്തു കൊണ്ട് വന്ന ഇഡലിയും സാമ്പാറുമുണ്ട്‌. കഴിക്ക്..”

“വേഗം എടുക്കടാ.. എനിക്ക് നിന്റെ അമ്മച്ചിയുടെ ഫുഡ്‌ ഇഷ്ടപ്പെട്ടു പോയതാടാ ”

അവൾക്കത് എടുത്തു കൊടുത്തു ആർത്തിയോടെ അവളത് കഴിക്കുകയാണ്. അവളുമാർ വരുന്നതിന് മുൻപ് തന്നെ കഴിച്ച് തീർക്കാൻ..

“ഇന്നാ കുറച്ച് വെള്ളം കുടിക്ക്..ഇല്ലേൽ തൊണ്ടേ ക്കുടുങ്ങും ”

അവൾ അത് തിന്ന്കൊണ്ട് ചിരിച്ചു.

“അതേ നമ്മുടെ കല്യാണക്കാര്യം ഒന്നും അവർ അറിഞ്ഞിട്ടില്ല.. പിന്നെ വലിയ സീനൊന്നും ഉണ്ടായില്ലല്ലോ.”

“ഉം . . “

ഞാൻ പറഞ്ഞിട്ടുമില്ലാ. പിന്നെ ആ വീഡിയോ കണ്ടതോടെ നിന്നെ ഇഷ്ടമാണെന്ന് സമ്മതിക്കേണ്ടി വന്നു.”

അവൾ കഴിച്ചു കഴിഞ്ഞു. ഞാൻ കൊണ്ട് വന്ന വെള്ളത്തിൽ തന്നെ കൈയും വായും കഴുകി.

“നിന്റെ അമ്മച്ചിയുടെ ഇഡലി..എന്റെ പൊന്നേ പൊളിച്ചു.. ഒരു രക്ഷയുമില്ലാ.”

“അപ്പൊ നിന്റെയോ?”

“അത്‌ പിന്നെ വേറെ നാട്ടില് ഉണ്ടാക്കുന്ന രീതിയിലല്ലേ..അപ്പൊ അതിന്റെതായ രുചി മാറ്റം വരൂല്ലോ.. അതാണ് അമ്മക്കും ഇഷ്ടപ്പെട്ടത്.”

അവൾ എന്റെ കൂടെ ബെഞ്ചിൽ ഒരുമിച്ച് ഇരുന്നു.

“അതേ ഏട്ടാ..ഏട്ടന് ഇഷ്ടം ഉള്ളത് എന്താണ്.”

“എന്താടി ഒരു ഏട്ടൻ വിളി ”

“എനിക്ക് എന്താ വിളിച്ചൂടെ. എന്റെ കള്ളക്കെട്ടിയോനെ.”

“കള്ളനോ?”

“ഉം. എന്റെ മാത്രം ”

“അല്ലാ നമ്മുടെ ഭാവി പരിപാടി എന്താ. അമ്മയാണേൽ നിന്നെ ഇഷ്ടപ്പെട്ടുപോയി. അച്ഛനെയും കുട്ടി പെണ്ണ് ചോദിക്കാൻ പോകാൻ നോക്കുവാ വീട്ടിൽ.”

“എന്തിനാടാ പാവം അമ്മയെ കള്ളിപ്പിക്കുന്നെ .. നിനക്ക് പാവം കിട്ടും.”

“ഇപ്പൊ നിന്നെക്കൊണ്ട് അങ്ങ് ചെന്നാൽ എനിക്ക് ഒരു വിലയും ഇല്ലാന്നെ.”

“എന്നാലും നീ എന്നെ അന്വേഷിച്ചു വന്നല്ലോ.. അപ്പൊ ”

“അത്‌ പിന്നെ നാട്ടുകാർ ഏല്പിച്ച ഒരു വസ്തു അല്ലെ. ”

“പോടാ.”

“എടീ.. കാവ്യാ വരുന്നുണ്ട്.”

“ഉം ”

ഓടി വന്നു കാവ്യ ഞങ്ങളുടെ ഇടയിൽ കയറിയിരുന്നു.

“മതീടി മതി..ഇനി ഞാൻ സംസാരിച്ചോളാം ”

എന്ന് പറഞ്ഞു കാവ്യാ അവളെ തള്ളി മാറ്റി.

അവൾ ബെഞ്ചിന്റെ ഒരു സൈഡിലേക്ക് നീങ്ങിയിരുന്നു. ഒന്നും മിണ്ടാതെ.

“ബാക്കിയുള്ളവർ എന്ത്യേ.”

“അവർ ലൈബ്രറിയിൽ കയറി ”

“നീ കയറാത്തത് എന്താ?”

“നിങ്ങളെ രണ്ടിനെയും അങ്ങനെ ഞാൻ തനിച്ച് ഇരുത്തില്ല”

എന്ന് പറഞ്ഞു കൊണ്ട് കാവ്യ ദേവികയുടെ ഇടുപ്പിൽ പിടിച്ചു ഒരു ഞെക്ക്..

“എന്നാലും നീ എങ്ങനെ?..അതും പാമ്പും കീരിയുമായ നിങ്ങൾ. മക്കളെ ഇതെല്ലാം എന്നോട് പറയാതെ നിങ്ങളെ രണ്ടിനെയും ഞാൻ വിടില്ല മക്കളെ…”

ദേവികക്ക് നാണം വരുന്നുണ്ടായിരുന്നു.

“അപ്പൊ എപ്പോ തുടങ്ങി ഈ ലൗവ്.
വേഗം പറഞ്ഞു തുടങ്ങിക്കോ രണ്ടാളും.”

ദേവിക എന്റെ നേരെ നോക്കി. ഞാൻ കണ്ണടച്ചു കാണിച്ചിട്ട് കാവ്യായോട് പറഞ്ഞു.

“ഇത് ആരോടും നീ പറയില്ലെന്ന് വാക്ക് തന്നാൽ ഞാനും അവളും പറയാം.”

“ഞാൻ ആരോട് പറയാൻ. എന്നാലും സത്യം ചെയുന്നു. എന്റെ വായിൽനിന്ന് ആരോടും പറയില്ല. ഇത്‌ സത്യം.. സത്യം.. സത്യം..”

“ഞങ്ങൾ…..”

“സമയം പോകുന്നു. വേഗം പറയടാ.”

“ഒരു സുപ്രഭാതത്തിൽ എനിക്ക് ഇവളെ കെട്ടേണ്ടി വന്നൂ ടീ. ഇപ്പൊ ഇവൾ എന്റെ ഭാര്യയാ.. ഞങ്ങളുടെ കല്യാണം വരെ കഴിഞ്ഞു.”

കാവ്യാ ഞെട്ടി എഴുന്നേറ്റ് ഞങ്ങളെ രണ്ട് പേരെയും മാറി മാറി നോക്കി.

ദേവിക എന്റെ അടുത്തേക്ക് ചേർന്ന് ഇരുന്നിട്ട്.

“എന്ത് പറ്റി എന്റെ കാവ്യക്കുട്ടിക്ക്.”

“എനിക്ക് .. ചിന്തിക്കാൻ പോലും കഴിയുന്നില്ല.”

ദേവിക എന്റെ കൈയിൽനിന്ന് ഫോൺ വാങ്ങി എന്റെ ജിമെയിൽ ലോഗ് ഔട്ട്‌ ചെയ്തു എന്നിട്ട് ദേവികഹരി എന്ന ജിമെയിൽ ലോഗിൻ ചെയ്തശേഷം അതിൽ അവളുടെ മെയിലിൽ നിന്ന് അയച്ച ഫോട്ടോ കാണിച്ചുകൊടുത്തു.

ഞാനും അത്‌കണ്ട് അത്ഭുതപ്പെട്ടു. ഞാനും ദേവികയും കെട്ട് കഴിഞ്ഞു അമ്പലത്തിൽ തൊഴുന്ന ഫോട്ടോ. അതും നല്ല ക്ലാരിറ്റിയിൽ.

അവളുടെ കണ്ണുകൾ നനഞ്ഞു കലങ്ങി കൈ കുപ്പി തൊഴുന്ന ഫോട്ടോയിൽ ഞാൻ, പെട്ടുപോയല്ലോ എന്നോർത്ത് അമ്പലത്തിന്റെ ഉള്ളിലേക്ക് നോക്കുന്നു.

കാവ്യ ഫോൺ മേടിച്ചുനോക്കി.

“സത്യമണല്ലോ.”

എന്ന് പറഞ്ഞുകൊണ്ട് ഫോൺ എന്റെ കൈയിൽ തന്നിട്ട്.

“എന്റെ ദേവൂട്ടീ.. എന്ന് പറഞ്ഞു അവളുടെ കവിളിൽ പിടിച്ചു അങ്ങോട്ടും ഇങ്ങോട്ടും വലിച്ചിട്ട്, കാവ്യ അവളുടെ നെറ്റിയിൽ ഒരു ഉമ്മാ കൊടുത്തിട്ട്..

“ഇത്‌ എങ്ങനെ?”

“അതേ അവൾക്ക് മാത്രം ഉള്ളോ കിസ്സ് അവളെ കെട്ടിയ എനിക്ക് ഇല്ലേ?”

“നിനക്കാ ”

എന്ന് പറഞ്ഞു കൊണ്ട് ഒറ്റയടി.

“എന്തിനാടീ മൈ ഡിയർ മോളെ. നീ എന്നെ തല്ലിയേ.. ”

“ നിങ്ങൾ പ്രേമിച്ചിരുന്ന കാര്യം എന്നോട് പറയാതെ മറച്ച് വെച്ചതിന്..”

“ആര് ആരെ പ്രേമിച്ചെന്ന്.. എടി കാവ്യേ.. നടന്നതെന്താണെന്ന് നിനക്ക് അറിയില്ല.. എടീ.. നീ അല്ലേ ഇവളെക്കുറിച്ചന്വേഷിക്കാൻ എന്നെ പറഞ്ഞ് വിട്ടത്? അവിടെ ചെന്നപ്പോ അന്നവളുടെ വിവാഹമായിരുന്നു.. “

ഇനി ഞാൻ പറയാം.. എന്ന് പറഞ്ഞ് ദേവിക തുടർന്നു..

എന്നെ വളർത്തിയത് ബന്ധുക്കളാണെന്ന് നിനക്കറിയാല്ലോ.. അവര് എനിക്കൊരു വിവാഹം നിശ്ചയിച്ചു. ഏത് നേരവും ലഹരിക്കടിപ്പെട്ട ഒരുത്തനെ.. ഞാൻ പെട്ട് പോകുമെന്ന അവസ്തയിലാണ് ഇവൻ അവിടെ എത്തിയത്. ഇവൻ അവിടെ എന്തിന് വന്നു എന്നായി.. ഞാൻ പറഞ്ഞു.. ഞാൻ വിളിച്ചു വരുത്തിയതാണെന്ന്.. എന്റെ Lover ആണെന്ന്.. അത് കേട്ടതോടെ പയ്യന്റെ വീട്ടുകാർ ഇറങ്ങിപ്പോയി. നാട്ടുകാർ ഞങ്ങളുടെ വിവാഹവും നടത്തി.

അതേടി കാവ്യേ.. നീ യാണ് ഇതിനൊക്കെ നിമിത്തം ..

അതേ.. കാവ്യേ.. നീ എന്റെ മനസ്സറിഞ്ഞാ ഹരിയെ പറഞ്ഞയച്ചതെന്നാ ഞാൻ വിശ്വസിക്കുന്നത്.. സത്യം പറഞ്ഞാ എനിക്ക് ഹരിയെ നേരത്തെ തന്നെ ഇഷ്ടമായിരുന്നു. കഴിഞ്ഞ വെക്കേഷന് ഞാൻ വീട്ടിലേക്ക് പോകും മുന്നേ ഹരിയോടത് പറയാൻ ശ്രമിച്ചതാ.. പക്ഷെ, അന്ന് ഹരി എന്നോട് കലിപ്പിലായതിനാൽ എന്നെ കേൾക്കാൻ തയ്യാറായില്ല..

ദൈവ നിശ്ചയം എന്നൊന്നുണ്ടല്ലോ.. അതാണ് അന്ന് സംഭവിച്ചത്. ഇപ്പോ ഹരിയുടെ അമ്മ എന്നെ പ്രേമിച്ച് സ്വന്തമാക്കാൻ ഹരിയെ പ്രേരിപ്പിക്കുന്നു.. ഇതൊക്കെ ദൈവ നിശ്ചയം തന്നെയാണ്.
കാവേ.. നീ ആണ് എന്നെ രക്ഷിച്ചേ.നിനക്ക് ഹരിയെ പറഞ്ഞയക്കാൻ തോന്നിയില്ലായിരുന്നെങ്കിൽ…

എന്ന് പറഞ്ഞുകൊണ്ട് അവൾ കാവ്യയെ കെട്ടിപ്പിടിച്ചു കരയാൻ തുടങ്ങി.

കാവ്യാ ആകെ ഞെട്ടിപ്പോയി.

ഞാനൊരു സിനിമാക്കഥയാണോ കേട്ടത്.. എനിക്കിപ്പോഴും വിശ്വസിക്കാൻ പറ്റുന്നില്ല.. കാവ്യ പറഞ്ഞു.

അല്ല കാവ്യേ.. സത്യം മാത്രമാണ് നിന്നോടിപ്പോ പറഞ്ഞത്..
ദൈവം എനിക്ക് വേണ്ടി നിന്നിലൂടെ പ്രവർത്തിക്കുകയായിരുന്നു.. എന്ന് പറഞ്ഞു ദേവിക കരഞ്ഞു. (തുടരും)