“ശ്രീമതി ചന്ദ്രശേഖർ, ഞാൻ നിങ്ങളുടെ മുറി കാണിച്ചുതരാം.

അയാൾ ഞങ്ങളുടെ ലഗേജ് എടുത്തു കൊണ്ട് ഞങ്ങളെ മുറിയിലേക്ക് കൊണ്ടാക്കി. ചന്ദ്രു ആ റൂം ബോയ്‌ക്ക് ടിപ്പ് നൽകി. താങ്ക്സ് പറഞ്ഞയാൾ പോയി.

അവൻ പോയ ഉടനെ ചന്ദ്രു വാതിലടച്ചു ലോക്കിട്ടു. എന്നിട്ട് അടുത്ത് വന്ന് എന്നെ കെട്ടിപ്പിടിച്ചു. എൻ്റെ കഴുത്തിൽ ചുംബിച്ചു.

“ ചന്ദ്രൂ, എന്താ ഇതൊക്കെ? എനിക്കൊന്നും മനസ്സിലാവുന്നില്ല.”

“ഡാർലിംഗ്, ഇതൊരു പുതിയ ഹണിമൂൺ ഹോട്ടലാണ്. ഈ അടുത്താണ് ഇത് ഓപ്പണായത്. നമ്മൾ ഇങ്ങോട്ടു വരുന്നത്കൊണ്ട് ഞാൻ ഈ ഹോട്ടലിൽ ഒരു ഹണിമൂൺ സ്യൂട്ട് നമുക്ക്വേണ്ടി ബുക്ക് ചെയ്തു, അത്രെ ഉള്ളു.”

അവൻ പറഞ്ഞത് കേട്ട് ഞാൻ ആശ്ചര്യപ്പെട്ടു.

പക്ഷെ ചന്ദ്രു.. അതിന് നമ്മൾ ഭാര്യഭർത്താക്കന്മാർ അല്ലല്ലോ.

എന്നുപറഞ്ഞു തീരും മുന്നേ ആരോ പുറത്ത് വാതലിൽ മുട്ടുന്ന ശബ്ദം കേട്ടു. ചന്ദ്രു പോയി വാതിൽ തുറന്നു.

ആ മുറിയിലേക്ക് കുറച്ചു ആളുകൾ വന്നു. അതിൽ കുറച്ചു സ്ത്രീകളും പുരുഷൻമാരും ഉണ്ടായിരുന്നു.

അവർ റൂമിൽ കയറി എൻ്റെയും ചന്ദ്രുവിൻ്റെയും മുന്നിൽവെച്ച് ആ റൂം അലങ്കരിക്കാൻ തുടങ്ങി. അതെല്ലാം കണ്ട് ഞാൻ കിളിപോയപോലെ നിന്നു. അപ്പോഴാണ് ചന്ദ്രു ബാഗിൽനിന്ന് ഒരു ചുവന്ന സാരി എടുത്തു എന്നോട് ഉടുക്കാൻ പറഞ്ഞത്.