അമ്പല യാത്രാ സംഭവത്തിന് ശേഷം അത്തരത്തിൽ ഒരു നോട്ടം പോലും മാധുരി ചേച്ചിക്കും എനിക്കും ഇടയിൽ ഉണ്ടാവാത്തതിനാലും അന്ന് സംഭവിച്ചത് തെറ്റായിപ്പോയി എന്ന് എനിക്ക് ഉത്തര ബോധ്യം വന്നതിനാലും ചേട്ടൻ വീട്ടിൽ കിടക്കണമെന്ന് പറഞ്ഞപ്പോൾ എനിക്ക് പ്രത്യേകിച്ചൊരു സന്തോഷവും തോന്നിയതുമില്ല.

മടക്ക യാത്ര എറണാകുളത്ത് എത്തുന്നത് വരെ ചേച്ചിയും ചേട്ടനും ഫോണിൽ സംസാരമായിരുന്നു. കൂടുതലും റൊമാന്റിക്കായ സംസാരം. അതിനിടയിൽ ചേച്ചി എന്നെ ഇടയ്ക്കിടയ്ക്ക് ശ്രദ്ധിക്കുന്നുമുണ്ട്. ഡ്രൈവിങ്ങിലായിരുന്നു എന്റെ ശ്രദ്ധ. അവർ ഇരുവരും കൊച്ചുവർത്തമാനം പറയുന്നത് ഞാൻ ശ്രദ്ധിക്കുന്നുണ്ടോ എന്നറിയാനാണ് ചേച്ചി എന്നെ ഇടയ്ക്ക് നോക്കുന്നത് എന്നറിയാവുന്നത് കൊണ്ട് തന്നെ ഞാൻ അതിലേക്ക് ശ്രദ്ധ കൊടുക്കാത്ത ഭാവത്തിൽ ഡ്രൈവിങ്ങിലായിരുന്നു.

എറണാകുളം സിറ്റിയിലേക്ക് കടന്നതും ചേച്ചി പറഞ്ഞു.
അജേഷേ.. സിറ്റി കഴിയും മുന്നേ നമുക്കെന്തെങ്കിലും കഴിക്കാട്ടോ..
“അരിപ്പ ” യിലേക്ക് പോവാം.

ചേച്ചി അവിടന്ന് ഫുഡ് കഴിച്ചിട്ടുണ്ടോ.. നല്ല ഹോട്ടലാ..

ഉം.. ഞാൻ പഠിച്ചത് സെന്റ് തെരേസാസിലാണ്. എന്റെ നാട്ടിനേക്കാൾ എനിക്ക് എറണാകുളം അറിയാം.

ഞങ്ങൾ ഭക്ഷണം കഴിക്കാൻ കയറും മുന്നേ ഏതാനും നോട്ടുകൾ ചേച്ചി എന്റെ പോക്കറ്റിലേക്ക് വെച്ചു. വേണ്ടാ ഞാൻ കൊടുത്തോളാമെന്ന് പറഞ്ഞപ്പോൾ അതിന് നിനക്കിപ്പോ വരുമാനമായിട്ടില്ലല്ലോ. അതാകുമ്പോ നീ കൊടുത്തോ..