ആട്ടെ.. ഞാനിപ്പൊ എന്ത് ചെയ്യണമെന്നാണ് മോള് പറയുന്നത് ?
ആന്റിയെ അമ്മയുടെ സ്ഥാനത്താണ് കാണുന്നതെന്നാണു റിജു എപ്പോഴും പറയാറുള്ളത്.. അത്കൊണ്ട് തന്നെ ഞാനും അങ്ങനെതന്നെ.. ഡൽഹിയിൽ ആയിരുന്നുവെങ്കിൽ എന്റെ വിഷമങ്ങൾ എനിക്ക് പറയാൻ ആളുണ്ടാകുമായിരുന്നു.. ഇതിപ്പോ ഞങ്ങൾ ഒറ്റപ്പെട്ടുപോയല്ലോ.. ഞങ്ങൾക്ക് എന്തെങ്കിലും പറയാൻ നിങ്ങൾ രണ്ടുപേരുമല്ലേ മാതാപിതാക്കളുടെ സ്ഥാനത്തുള്ളൂ.., ആന്റി ഒരു കൗൺസിലർ കൂടി ആയ സ്ഥിതിക്ക് ഇങ്ങനെയുള്ള കാര്യങ്ങൾ നേരിട്ട് പരിചയവുമുണ്ടല്ലോ !! ഒരു മകനോട് എന്നപോലെ റിജുവിനെ ഒന്ന് ഉപദേശിച്ചു പറഞ്ഞുകൊടുക്കാമോ.. പ്ളീസ്,.!!

അതിനെന്താ മോളെ.. നിങ്ങൾ ഞങ്ങൾക്ക് മക്കളെപ്പോലെയല്ലേ.. അച്ചായനും ഇന്നലെ അത് പറഞ്ഞതേയുള്ളു.. അവൻ എഴുന്നേറ്റു വരട്ടെ.. ഞാൻ സംസാരിച്ചോളാം..
ലീനയും അഭിനയത്തിൽ ഒട്ടും പുറകിലല്ലെന്ന് തെളിയിച്ചു.

അവർ സംസാരിച്ചു കൊണ്ടിരുന്നപ്പോഴേക്കും ജോൺ രാവിലത്തെ ഓട്ടം കഴിഞ്ഞുവന്നു, മീനു പോയി റിയാസിനെ വിളിച്ചുകൊണ്ട് വന്നു.

എങ്ങനെ ഉണ്ടായിരുന്നു മക്കളേ ഉറക്കമൊക്കെ, തണുപ്പ് ഉണ്ടായിരുന്നോ!! ജോൺ റിയാസിനോട് ചോദിച്ചു.

തണുപ്പ് ഉണ്ടായിരുന്നങ്കിളേ.. പക്ഷെ ഡൽഹിയിലെ അത്രയുമില്ലായിരുന്നു.. അത്കൊണ്ട് മാനേജ് ചെയ്യാൻ പറ്റി..