അതല്ല ആന്റി.. ഇതൊക്കെ പറയാൻ സമയമായോ എന്നാണ് എന്റെ ഡൌട്ട്.. ഒരു പക്ഷേ പതിയെ എല്ലാം ശരിയാകുമായിരിക്കും..

മോളെ, ഞാൻ പറഞ്ഞല്ലോ.. നിങ്ങൾ കുടുംബ ജീവിതം തുടങ്ങിയിട്ടേയുള്ളു.. എന്തെങ്കിലും പ്രശ്നം ഉണ്ടെങ്കിൽ തുടക്കത്തിൽത്തന്നെ അത് പറഞ്ഞു തീർക്കുന്നതാണ് നല്ലത്.. സമയം കഴിയും തോറും അത് ഗുരുതരമായിക്കൊണ്ടിരിക്കും.

അയ്യോ.. അങ്ങനെ അത്ര വലിയ പ്രശ്നമൊന്നുമല്ല ആന്റി !!

വലിയ പ്രശ്നമോ, ചെറിയ പ്രശ്നമോ ആയിക്കോട്ടെ.. നിങ്ങൾ രണ്ടുപേരും കൂടി ചർച്ച ചെയ്തു ഇപ്പോഴേ സോൾവ് ചെയ്തു മുന്നോട്ട് പോകുന്നതാണ് നല്ലത്.. ഞാൻ എന്റെ ജീവിതത്തിൽ എത്രപേരെ ഇങ്ങനെ കണ്ടിരിക്കുന്നു.. വളരെ ചെറിയ പ്രശ്നങ്ങൾ ഊതിപ്പെരുപ്പിച്ചു വലിയ കാര്യങ്ങളാക്കി അവസാനം കൗൺസിലിംഗ് നടത്താൻ വരുന്നത്..

ഓ മൈ ഗോഡ്.. ഞാൻ മറന്നു, ആന്റി ഒരു കൗൺസിലർ കൂടി ആണല്ലേ..

പുതിയ വിവരം അറിയുന്ന രീതിയിലുള്ള അവളുടെ അഭിനയം കണ്ടു ലീന ഉള്ളിൽ ചിരിച്ചു !!

അതേ.. മോൾക്ക് അറിയില്ലായിരുന്നോ ?

ഇല്ല ആന്റി.. അപ്പൊ ആന്റി ഈ ദമ്പതികൾക്കൊക്കെ കൗൺസിലിംഗ് കൊടുക്കാറുണ്ടോ ?

ഉണ്ട്. അതുപോലെ വിവാഹ ഒരുക്ക സെമിനാറുകളിൽ ക്‌ളാസ് എടുക്കാറുമുണ്ട്.

ആണോ ?

നിനക്ക് എന്നോട് എന്തോ പറയാനുണ്ട്.. അല്ലേ ? എങ്ങനെ തുടങ്ങണം എന്നറിയാൻ പാടില്ലല്ലേ ?