അത്യാവശ്യം പൈസക്കാരനാണ്‌ ആ കക്ഷി. പൊതുവെ ഞങ്ങളോട് വലിയ അടുപ്പമൊന്നുമില്ല.

ഞാൻ സന്ധ്യയോടെ അവിടെ എത്തി. അമ്മായിക്ക് എന്നോട് നല്ല സ്നേഹവും വാൽസല്യവുമായിരുന്നു..

അവർക്ക് രണ്ട് മക്കൾ..
ജയൻ ചേട്ടനും ജയന്തി ചേച്ചിയും.
ജയന്തി ചേച്ചി കല്യാണം കഴിഞ്ഞു ബോംബെയിലാണ്‌. ജയൻ ചേട്ടൻ മസ്കറ്റിലും.

ചെന്നപാടെ അമ്മാവൻ വീട്ടിലെ കാര്യങ്ങൾ ചോദിച്ചും ഓരോന്ന് പറഞ്ഞും പരിഹസിക്കലും കുറ്റപ്പെടുത്തലുമായിരുന്നു.

ഞാനൊന്നും പറയാനോ തർക്കിക്കാനോ നിന്നില്ല. ഇടക്ക് വനജ അമ്മായി ഉമ്മറത്തേക്ക് വന്നു.

“ മതി.. അവൻ വല്ലപ്പോഴുമേ വരാറുള്ളൂ..
അപ്പോഴൊക്കെ നിങ്ങളുടെ ഒരു കുറ റ്റപ്പെടുത്തല്.. അവനല്ലല്ലൊ കുഴപ്പങ്ങൾ ചെയ്തത്. പാവമാ മഹിക്കുട്ടൻ.. നിങ്ങൾ ഒന്ന് നിർത്തുന്നുണ്ടോ ഈ വർത്തമാനം”

അമ്മായി ഇടപെട്ടതോടെ അമ്മാവൻ നിർത്തി..

“ഞാൻ ഒന്ന് കുളീച്ചേച്ചും വരാം..
നിങ്ങൾ ഒരു കാര്യം ചെയ്യ്..ആ കിടക്ക ഒന്ന് തട്ടിക്കുടഞ്ഞ് ഇട്ടു കൊട്.”

അമ്മായി അമ്മാവനോട് പറഞ്ഞു.

“ഓ അതവൻ ചെയ്തൊളുമെടീ.. നീ അതൊന്ന് കാണിച്ച് കൊട്“
അമ്മാവൻ പറഞ്ഞു.

ഞാൻ അകത്തേക്ക് ചെന്നു.
അമ്മായി കട്ടിലിന്റെ അടിയിൽ ചുരുട്ടി വച്ചിരുന്ന കിടക്ക ചൂണ്ടിക്കാട്ടി.

അലമാരയിൽ നിന്നും ഒരു വിരിപ്പും തലയിണ കവറും എടുത്തോളാൻ പറഞ്ഞു.