അതൊക്കെ ശരിതന്നെ. എന്ത് പ്ളാനിംങ്ങാ പറ്റീത് ..

രാജി പെട്ടെന്നൊരു ഐഡിയ പറഞ്ഞു.. എക്സാം ആകാറായില്ലേ..എക്സാം ഡ്യൂട്ടിക്ക് രണ്ട് ദിവസത്തെ ട്രെയ്നിംങ്ങ് ഉണ്ടെന്നു പറയാം അത് തിരുവന്തപുരത്തോ എറണാകുളത്തോ ആണെന്ന് പറഞ്ഞു വെള്ളിയാഴ്ച്ച വൈകിട്ട് ഇറങ്ങാം.

രണ്ട് ദിവസം നീ നിന്റെ കെട്ടിയോന്റെ വീട്ടിലും ഞങ്ങള് ഏതെങ്കിലും ടൂറിസ്റ്റ് പ്ളേസിലും. എപ്പടി ഐഡിയ!
ഞാൻ അത്ഭുതത്തോടെ അവളെ നോക്കി. എത്ര പെട്ടെന്നാണ് അവൾ ഓരോ ഐഡിയകൾ ഉണ്ടാക്കുന്നത് !

വീട്ടിൽ പറഞ്ഞപ്പോൾ പോകാതെ പറ്റില്ലല്ലോ. ഒഫീഷ്യൽ മാറ്ററല്ലേ.. അതു രണ്ട് ദിവസത്തെ കാര്യമല്ലെയുള്ളൂ… മക്കളുടെ കാര്യം നോക്കാൻ ഞങ്ങളില്ലേ.. എന്നായി അച്ഛനും അമ്മയും.
രാജിയെ വിളിച്ചു കാര്യം പറഞ്ഞു.
ഞാൻ വീട്ടിൽ പറഞ്ഞപ്പോഴും അതേ റെസ്പോൺസായിരുന്നു. നീ കൂടെ ഉള്ളത് കൊണ്ട് അവർക്ക് ആശ്വാസവും.

നീ കൂടെ ഉള്ളതാ വീട്ടുകാർക്കും സമാധാനം.

അപ്പോ.. വെള്ളിയാഴ്ച എല്ലാം ഓക്കെ.. നീ ഇപ്പോ തന്നെ കണവനോട് പറഞ്ഞോ.. സന്തോഷിക്കട്ടെ..

മെസ്സേജിടാം. അതാ നല്ലത്. എന്ന് ഞാൻ.

രണ്ട് ദിവസത്തെ ഡ്രെസ്സ് പാക്ക് ചെയ്തു വെള്ളിയാഴ്ച്ച വൈകിട്ട് രാജിയുടെ സ്കൂട്ടറിൽ ഞങ്ങൾ വീട്ടിൽനിന്നും ഇറങ്ങി.. പോകുന്ന വഴി ഷേപ്പ് ചെയ്യാൻ കൊടുത്ത ചുരിദാറും വാങ്ങി..
രാജി എന്നെ ജോർജിന്റെ വീടിന് മുന്നിൽ ഇറക്കിയിട്ട് ബസ് സ്റ്റാന്റിലേക്ക് പോയി. അവളുടെ ആള് അവിടെ ഉണ്ടാവും.