അവിടെ നിന്നും പോരുമ്പോൾ രാജിടീച്ചർ പറഞ്ഞു “ ഇന്നു ഞാൻ ചോദിച്ച തിന്നുള്ള ഉത്തരം നാളെ കിട്ടും. അനുകൂലമാണെങ്കിൽ എനിക്ക് ട്രീറ്റ് തരണം. ഇത് വേറെ ആരും അറിയാതെ നോക്കുകയും വേണം . ആർക്കും ഒരു സംശയവും ഉണ്ടാകരുത് . എന്നെപോലെ..അതല്ല അനുകൂലമല്ലെങ്കിൽ മനസിൽനിന്നും അപ്പൊത്തന്നെ ആ ചിന്തകൾ വേരോടെ പിഴുതു മാറ്റിയേക്കണം . അങ്ങനെ ഒരു ചിന്ത വന്നിട്ടില്ല എന്നു കരുതണം. എന്നിട്ടു പഴയപോലെ ജീവിക്കണം.

അല്ലാതെ അതിൽ മനസു മടുത്തു വേണ്ടാത്ത ആലോചനയുമായി നടക്കരുത്. ഞാൻ ഇത് പറയുന്നത് എനിക്ക് നിന്നെ നല്ലവണ്ണം അറിയുന്നത്‌ കൊണ്ടാണ്.
രാജി പറഞ്ഞതിൽ അല്പം കാര്യം ഉണ്ടെന്നു എനിക്കും .തോന്നി . എനിക്ക് അങ്ങനെ തോന്നി എന്ന് കരുതി ജോർജിന് അങ്ങനെ ഒരു ചിന്ത ഉണ്ടാവണമെന്നില്ലല്ലോ. ഞാൻ മനസിന്നെ നല്ലവണ്ണം പാകം വരുത്തിയാണ് അന്ന് സ്കൂളിൽ വന്നത്.

ജോർജ് സ്റ്റാഫ് റൂമിൽ ഉണ്ടായിരുന്നു. എന്നെ കണ്ടപ്പോൾ ഒന്ന് പുഞ്ചിരിച്ചു അത്രമാത്രം.
അതോടെ എനിക്ക് വീണ്ടും ടെൻഷൻ ആയി.
എന്റെ മുഖം കണ്ട രാജി പറഞ്ഞു ടെൻഷൻ വേണ്ട വൈകുന്നേരം വരെ സമയമുണ്ടല്ലോന്ന്.

എന്നത്തെയും പോലെ അന്നും അവസാന പിരിയഡ് ഞാനും ജോർജും മാത്രമായി സ്റ്റാഫ്റൂമിൽ . അപ്പൊ ജോർജ് എന്റെ അടുത്ത് വന്നു . അന്നേരം എന്റെ ഹാർട്ട് ഇടിക്കുന്ന ശബ്‌ദം എനിക്ക് കേൾക്കാമായിരുന്നു.