എന്നും പറഞ്ഞ് ആ ഫോണിൽ പകർത്തിയ ഷഹലയുടെ വീഡിയോ നജീബിന് കാണിച്ചു കൊടുത്തു.

നജീബ് അതുകണ്ട് തല താഴ്ത്തി കിടക്കുകയെ ചെയ്തുള്ളു.

നജീബിന്റെ വീട്ടിൽ നിന്ന് ഞങ്ങൾ നേരെ പോയത് അവറാച്ചൻ മുതലാളിയുടെ വീട്ടിലേക്കായിരുന്നു.

ജെസ്‌നയുമായി നജീബ് അവിടേക്കെത്തുന്നതും പ്രതീക്ഷിച്ചിരുന്ന അവറാച്ചൻ ഞങ്ങളെ കണ്ടപ്പോൾ ഒന്ന് ഞെട്ടി.

ഞങ്ങൾ മുഖവുര ഒന്നും കൂടാതെ സംഭവങ്ങൾ അവറാച്ചനോട് പറഞ്ഞതും അവറാച്ചൻ ആകെ പ്രതിരോധത്തിലായി.

“എടാ മക്കളെ… അവറാച്ചന്റെ വില കളയല്ലേടാ.. വയസാം കാലത്ത് ഒരു അബദ്ധം പറ്റിപ്പോയതാടാ മക്കളെ “

അവറാച്ചൻ ഞങ്ങളെ സോപ്പിടാൻ തുടങ്ങി.

“ഒരു അബദ്ധം പറ്റി പോയതോ…?
കുറെ പെൺപിള്ളേർ ലിസ്റ്റിൽ ഉണ്ടല്ലോ അവറാച്ചാ… അതും കിളിന്ത്‌ പെൺപിള്ളേർ… ”

“എടാ മോനെ അത് ”

“പ്ഫാ നാറി… നീ മറന്നു കാണും… കോളേജിൽ കയറി ഒരു പയ്യനെ പണിയാൻ പറഞ്ഞ് കോട്ടെഷൻ തന്നിട്ട് അവസാനം പെടുമെന്നായപ്പോൾ നൈസായി കൈയ്യൊഴിഞ്ഞ നാറിയല്ലേടാ നീ…

അന്ന് ദേ ഈ വിനു എനിക്ക് അനുകൂലമായി സാക്ഷി പറഞ്ഞതുകൊണ്ടാ ഞാൻ രക്ഷപ്പെട്ടത് ”

അണ്ണൻ എന്റെ തോളത്തു കൈയിട്ടുകൊണ്ട് പറഞ്ഞു.

ഓഹോ… അപ്പൊ അങ്ങിനെയാണ് കാര്യങ്ങളുടെ കിടപ്പ്. അപ്പൊ അന്നത്തെ പണി അണ്ണൻ അവറാച്ചന് വേണ്ടി എടുത്തതാണ്. എന്തായാലും എനിക്ക് അത് ഗുണത്തിൽ കൊണ്ടു.
എനിക്കപ്പോഴാണ് കാര്യങ്ങൾ തെളിഞ്ഞത്.