രാമൻ കല്പ്പിച്ചുകൊണ്ട് അകത്തേക്കു കേറാൻ തുടങ്ങി. ഞാൻ അമ്മ ഏല്പ്പിച്ച പണം രാമന്റെ കയ്യില് കൊടുത്തു. “ങാ… ഇപ്പം കൊണ്ടു പോകണ്ട… ഉച്ചയോടെ കൊണ്ടുപോകാം.. ആ തെങ്ങേലോട്ടു കെട്ടിയേര്… വൈകുന്നേരം വരേ വെള്ളം കൊടുക്കണ്ട…. ‘ ‘ശെരി…‘ ഞാൻ സമ്മതിച്ചു.

പശുവിനേ അഴിച്ച് മുത്തു തന്നെ അടുക്കളവശത്തുള്ള തെങ്ങിൽകെട്ടി. പിന്നെ തൊഴുത്തിൽപോയി കുറച്ച് വയ്ക്കോല് എടുത്ത് മുമ്പിലിട്ടു കൊടുത്തു. പശു അതു നോക്കിയില്ല. ഞാൻ ആ മിണ്ടാപ്രാണിയുടെ പുറകിൽനോക്കി. ഒന്നും കാണാൻ പറ്റിയില്ല. അതിന്റെ മുള്ളുന്നിടം വാലുകൊണ്ടു മൂടിയിരുന്നു.

അപ്പോൾ തങ്കുവിന്റെ ശബ്ദം. ‘എന്താ നോക്കുന്നേ… അതൊക്കെ കഴിഞ്ഞു…. ഇപ്പം നടത്തിയാ ചെലപ്പം കലങ്ങിയിങ്ങുപോരും …ഇച്ചിരി കഴിയട്ടെ… ‘ എന്തോന്നാ കലങ്ങുന്നേ…ഗർഭമാണോ…? ഞാൻ വെറുതേ ചോദിച്ചു.

അവൾ പൊട്ടിച്ചിരിച്ചു. ‘ അതിനിനി മാസങ്ങളുപിടിക്കും… കാള അകത്തൊഴിച്ചതു കലങ്ങുമെന്നാ പറഞ്ഞത്… മണ്ടൻ…ഒന്നും അറിയത്തില്ല…വെറുതേ….കാളയേക്കാളും വളർന്നു….’സത്യം പറഞ്ഞാൽ അവളുടെ വാക്കുകേട്ട എനിക്കു നാണം വന്നു. പക്ഷേ അവ ൾക്കൊരുകൂസലുമില്ല. ‘ശെരിയാ…എന്നാ ഞാൻപോയിട്ട് പിന്നെവരാം…’‘നിക്കാവെങ്കി…നല്ല ചൂടുപിണ്ണാക്കു തിന്നാം…

നല്ല രസവാ… ദേ ഞങ്ങളു തേങ്ങാആട്ടാൻ പോകുവാ….’ പറഞ്ഞിട്ട് അവൾ കുട്ടയെടുത്ത് ചക്കുകുറ്റിയുടെ അരികിലെത്തി. മൂടിയിരുന്ന പ്ലാസ്റ്റിക്കെ ടുത്തു മാറ്റി, പിന്നെ ചൂലുകൊണ്ട് അകമൊന്നു തുടച്ചു. കുട്ടയിലേ തേങ്ങാ കുടഞ്ഞിട്ടു. പിന്നെ ഒരു പാട്ടയെടുത്തതിന്റെ ഓവിനു കീഴേ വെച്ചു.‘ മുത്തൂ… വാ… തള്ള്….’