ഇതിനിടയിൽ വെള്ളിടിപോലെ ഒരു കത്ത് രമേഷിന്റെ മെയിലിലേക്ക് വന്നു.

സാമ്പത്തിക മാന്ദ്യം മൂലം പുതിയ ഫ്രാഞ്ചസികളുടെ പ്രവർത്തനം അനിശ്ചിത കാലത്തേക്ക് മരവിപ്പിക്കുവാൻ തീരുമാനിച്ചതായും എല്ലാം പഴയതുപോലായാൽ വീണ്ടും തുടങ്ങാമെന്നും ആയിരുന്നു ആ മെയിൽ.

മാനസികമായി ദുർബലനായ രമേഷ് ഇതുവരെ വലിയ പ്രതിസന്ധികളെ ഒന്നും നേരിട്ടിട്ടില്ല… അവൻ ആകെ തകർന്നുപോയി.

അതൊക്കെ കുറച്ചു ദിവസം ഗീതയിൽ നിന്നും ഒളിച്ചുവെച്ചെങ്കിലും രമേഷിൽ വന്ന മാറ്റങ്ങളിൽക്കൂടി അവൾ എല്ലാം മനസിലാക്കി.

കൈയിൽ ഉണ്ടായിരുന്നതും കടം വാങ്ങിയതും എല്ലാം പോയി എന്നുള്ള അറിവ് അവളെയും നിരാശയാക്കി.

ബാങ്കിൽ ലോണുള്ളത് കൊണ്ട് സ്ഥലവും പുതിയ കെട്ടിടവും വിൽക്കാനും പറ്റുകയില്ല.

നിരാശയും മടിയും കാരണം രമേഷ് വീട്ടിനു പുറത്തിറങ്ങാതായി.

വീട്ടുചിലവിനും മോന്റെ സ്കൂൾ ഫീസ് കൊടുക്കാനും പോലും ബുദ്ധിമുട്ടായതോടെ ഏതെങ്കിലും കമ്പനിയിൽ വേക്കൻസി ഉണ്ടോ എന്ന് അന്വേഷിക്കാൻ ഗീത അയാളെ നിർബന്ധിക്കാൻ തുടങ്ങി.

അങ്ങനെ അവളുടെ നിർബന്ധം മൂലം ജോലിക്കു പോകാൻ രമേഷ് തയ്യാറായി…

അവൻ ആദ്യം ജോലി ചെയ്തിരുന്ന കമ്പനിയുമായി താരതമ്യം ചെയ്‌താൽ അതിലും വളരെ ചെറിയ സ്ഥാപനത്തിലാണ് അവന് ജോലി ശരിയായത്.

സാലറിയും വളരെ കുറവ്.. അതും എക്സ്പിര്യൻസ് ഉള്ളത് കൊണ്ട് മാത്രം കിട്ടിയതാണ്.