ഈ നമ്പറിൽ വിളിച്ച് കാര്യം പറഞ്ഞാൽ നടക്കും.

ഇതിനിടെ പുതിയ കമ്പനിയുടെ കാര്യങ്ങൾക്കായി നടക്കേണ്ടതുള്ളതുകൊണ്ട് ജോലി ചെയ്തിരുന്ന കമ്പനിയിൽ നിന്നും റിസ്സൈൻ ചെയ്തു.

മാനേജർ കൊടുത്ത നമ്പറിലേക്ക് അന്നുതന്നെ രമേഷ് വിളിച്ചു.

ഫോണെടുത്ത ആളോട് വിവരങ്ങൾ ചുരുക്കി പറഞ്ഞു. നേരിട്ട് വന്നു കാണാൻ മറുതലക്കൽ നിന്നും പറഞ്ഞു. വരേണ്ട അഡ്ഡ്രസ്സും പറഞ്ഞു.
ഇനി രമേഷിന് ആ സമയത്ത് അറിയത്തില്ലാത്ത ചില കാര്യങ്ങൾ നിങ്ങളോട് മാത്രം പറയാം.

രമേഷ് വിളിച്ചയാൾ നഗരത്തിലെ എന്തിനും പോന്ന ഒരു ഗുണ്ടയും വട്ടി പലിശക്കാരനുമായ രാഘവനാണ്…

രാഷ്ട്രീയക്കാരുടെയും ഉയർന്ന ഉദ്ധ്യോഗസ്ഥരുടെയും ബ്ളാക് മണിയുടെ സൂക്ഷിപ്പുകാരൻ… ആ പണമാണ് രാഘവൻ പലിശക്ക് കൊടുക്കുന്നത്.

പലിശ രാഘവൻ എടുക്കും. മുതൽ എപ്പോഴും സുരക്ഷിതമാണ്. എന്തിനും മടിയില്ലാത്ത മനസും സാമാന്യത്തിൽ അധികം ആരോഗ്യവും ഉന്നതങ്ങളിലെ പിടിപാടും ഒക്കെക്കൊണ്ട് രാഘവൻ എന്ന നാല്പതുകാരനോട് ആരും ഉടക്കാറില്ല. ഉടക്കിയ ആരും ഇപ്പോൾ ജീവനോടെ ഇല്ലെന്നുള്ളത് അണിയറ രഹസ്യം!

ഈ രാഘവന്റെ നമ്പറാണ് ബാങ്ക് മാനേജർ രമേഷിന് കൊടുത്തത്.

ബാങ്കിൽ ലോൺ ചോദിച്ചു വരുന്ന പലരെയും രാഘവന്റെ അടുത്തേക്ക് മാനേജർ പറഞ്ഞുവിടും… അതിനു നല്ല കമ്മീഷനും രാഘവൻ കൊടുക്കും.