അതോന്നുമോർത്ത്‌ നീ പേടിക്കണ്ട സീതേ.. നമ്മുടെ മോളെ അത്രേം സേഫായ സ്ഥലത്താക്കിയിട്ടെ ഞാൻ മടങ്ങിവരൂ.. ആദ്യം ഞാൻ നമ്മുടെ രാജിയെ ഒന്ന് വിളിക്കട്ടെ എന്നിട്ട് നമുക്ക് ബാക്കി കാര്യങ്ങൾ തീരുമാനിക്കാം.

അടുത്ത ദിവസം തന്നെ രാജിയെ വിളിച്ച് ബോസ് കാര്യങ്ങൾ പറഞ്ഞു. എല്ലാം വിശദമായി കേട്ട രാജി പറഞ്ഞു:

ബോസേട്ടൻ ഒന്ന് കൊണ്ടും പേടിക്കണ്ട.. ശാരിയുടെ CAക്കുള്ള അഡ്മിഷൻ ഞാൻ റെഡിയാക്കാം.

ഒരാഴ്ച കഴിഞ്ഞ് ബാംഗ്ലൂരിലേക്കു പോയ അവർ ശാരിയുടെ അഡ്മിഷൻ ശെരിയാക്കി. രാജിക്കൊപ്പം കോളേജ് കാമ്പസും ഹോസ്റ്റലും ഒക്കെ പോയിക്കണ്ട സീതക്ക് ഇഷ്ടമായി.

ഒരു വർഷത്തേക്കുള്ള കോളേജ് ഫീസും ഹോസ്റ്റൽ ഫീസും അടച്ചു തിരികെ വരാൻനേരം രാജി പറഞ്ഞു:

സീത ചേച്ചി, രണ്ടാഴ്ച കഴിഞ്ഞു ക്ലാസ് തുടങ്ങും.. അപ്പോ ശാരിയേയും കൂട്ടിവരണം.

സത്യം പറഞ്ഞാൽ ഇവിടെ വന്ന് കാണുന്നത് വരെ എനിക്ക് ടെൻഷനായിരുന്നു രാജീ !

ഇപ്പൊ ചേച്ചീടെ ടെൻഷനൊക്കെ മാറിയില്ലേ? അവൾക്കിവിടെ ഒരു ബുദ്ധിമുട്ടുമുണ്ടാകില്ല’

ബാംഗ്ലൂരിൽ നിന്ന് തിരികെ വന്ന സീത, രാത്രി ഉറങ്ങാൻ കിടക്കുമ്പോൾ ബോസിനോട് പറഞ്ഞു:

ബോസേട്ടാ.. മോൾടെ ക്ലാസ് തുടങ്ങാൻ ഇനി രണ്ടാഴ്ച ഉണ്ടെന്നല്ലേ രാജി പറഞ്ഞത്… അതുവരെ മോള് വീട്ടിൽ വെറുതെ നിൽക്കണ്ടാ.. നാളെ മുതൽ ബോസേട്ടന്റെ കൂടെ മോളും ഓഫിസിലേക്ക് വന്നോട്ടെ.. അക്കൗ ണ്ട്സുമായി ബന്ധമുള്ള ചെറിയ ചെറിയ കാര്യങ്ങൾ മോൾക്കും പഠിക്കാല്ലോ….