തന്റെ ചോരയല്ലെങ്കിലും സുന്ദരിക്കുട്ടിയായ ശാരിയെ ബോസ് സ്വന്തം മോളെപ്പോലെയായിരുന്നു സ്നേഹിച്ചിരുന്നത്.

ഒരച്ഛന്റെ ശെരിക്കുള്ള സ്നേഹം എന്താണെന്നവൾ ബോസിലൂടെ അനുഭവിച്ചറിഞ്ഞുതുടങ്ങിയപ്പോൾ ബോസിന്റെ മടിയിൽനിന്നവൾ നിലത്തിറങ്ങാതായി.

എന്തിനും ഏതിനും അവൾക്ക് ഡാഡി തന്നെ വേണമെന്ന അവസ്തവരെയായി.

എല്ലാ സൺഡേയിലും എന്ത് തിരക്കുണ്ടെങ്കിലും ബോസ് സീതയേയും മോളെയും കൂട്ടി ഷോപ്പിങ്ങിനും പാർക്കിലും ബീച്ചി ലും സിനിമയ്ക്കുമൊക്കെ പോകാൻ സമയം കണ്ടെത്തുമായിരുന്നു.

വീക്കെൻഡിൽ ബീച്ചിലും പാർക്കിലുമൊക്കെ പോകുമ്പോൾ കാറ് പാർക്ക് ചെയ്ത് ബോസ് ശാരിയെഎടുത്ത് നടക്കും.

അപ്പോൾ, ഇഷ്ടത്തോടെ സീത അവന്റെ കൈയ്യിൽ തന്റെ കൈ കോർത്ത്‌ പിടിച്ച് അവനെ ചേർന്ന് നടക്കുമ്പോൾ, അവൾ പറയും…

നമ്മൾ എന്ത് കൊണ്ടാ ബോസേട്ടാ നേരത്തെ കണ്ടുമുട്ടാഞ്ഞത് ?

എല്ലാം ദൈവനിശ്ചയമല്ലെ മോളെ ! ഇപ്പഴാ അതിനുള്ള ഒരു അവസരം നമുക്ക് ഒത്തുകിട്ടിയത്.

എന്ന് പറഞ്ഞവൻ തന്റെ വലതു കൈകൊണ്ട് അവളെ തന്നോട് ചേർത്ത്പിടിച്ചു നടക്കും.

ഇടക്ക് സീത പറയും:

മോളെ ഇങ്ങനെ എടുത്ത് നടന്നാൽ ബോസേട്ടന് കൈ വേദനിക്കില്ലേ ? അവളെ താഴെ നിർത്ത് ബോസേട്ടാ.. ! അവൾ നടന്നോളും.

അത് കേൾക്കുമ്പോൾ ശാരി അവന്റെ കഴുത്തിൽ തന്റെ കുഞ്ഞു കൈകൾ കോർത്ത്‌ മുറുകെ പിടിച്ചിരിക്കും!!