കഠിനമായ പ്രയത്നത്തിനൊടുവിൽ വർഷങ്ങൾക്ക് ശേഷം സീതക്ക് ആ ഒരു ലക്ഷ്യത്തിലെത്താനായി. എങ്കിലും ജോലിയോടൊപ്പം ഇപ്പോഴും പല വിഷയങ്ങളിലും പഠനവും റിസർച്ചും ഒക്കെ അവൾ തുടരുന്നുണ്ട്.

മറ്റ് എന്തിലും മേലെയായിരുന്നു സീതക്ക് തന്റെ ജോലിയും പഠനവും… അതിനിടയിൽ വിവാഹ പ്രായം കഴിഞ്ഞ്നിന്ന തന്റെ മകളെ അവളുടെ മാതാപിതാക്കൾ വിവാഹം കഴിപ്പിച്ചു.

ദുബായിയിൽ എഞ്ചിനീയറായിരുന്ന ശ്യാമിന് USലേക്ക് പോകാനായിരുന്നു കൂടുതൽ താല്പര്യം. അതിനുള്ള ശ്രമത്തിനിടയിലായിരുന്നു അവരു ടെ വിവാഹം നടന്നത്.

വിവാഹം കഴിഞ്ഞ് രണ്ടു മാസത്തിന്ശേഷം ശ്യാം USലേക്ക് പോയി. അപ്പോഴാണ് സീത ഗർഭിണിയാണെന്നറിയുന്നത്…

ഒരു വർഷം കഴിഞ്ഞ് ലീവിന് വന്ന ശ്യാം ഒരുമാസം സീതയോടും കുഞ്ഞിനോടുമൊപ്പം ചിലവഴിച്ച് USലേക്ക് മടങ്ങിപ്പോയി.

അതിന്ശേഷം അവൻ സീതയെയെ വിളിക്കാറൂമില്ല വർഷം രണ്ട് കഴിഞ്ഞിട്ടും ശ്യാം നാട്ടിൽ വന്നിട്ടുമില്ല..

സീതയുടെ അച്ഛൻ, വിവരം തിരക്കി ഇടക്കൊക്കെ ശ്യാമിന്റെ വീട്ടിൽ പോകുമെങ്കിലും മിക്കവാറും അവന്റെ മാതാപിതാക്കളുമായി
വഴക്കുണ്ടാക്കി തിരികെ പോരുകയാണ് പതിവ്.

പിന്നീടാണ് അയാൾ അറിയുന്നത് ശ്യാമിന്റെ ഓഫിസിൽ ജോലിചെയ്യുന്ന ഒരു ഫിലിപ്പീൻ സുന്ദരിയെ കെട്ടി അവൻ അവിടെത്തന്നെ സ്ഥിരതാമസമാണെന്ന്.