ഇടുക്കിയിലെ പ്രശ്ത കുടുംബത്തിലെ പ്രതാപിയായ അച്ഛൻ്റെ ഏക മകളായിരുന്നു സീത… മലയോര പ്രദേശത്തെ വന മേഖലയോട് ചേർന്ന ഒരേക്കർ സ്ഥലത്തായിരുന്നു അവരുടെ വീട്. കൃഷിയായിരുന്നു അവിടുത്ത്കാരുടെ ഏക ആശ്രയം.. നന്നായ് പണിയെടുത്താൽ നല്ല വിളവ് കിട്ടുന്ന കാപ്പിയും ഏലവും കുരുമുളകുമൊക്കെ ആയിരുന്നു അവർ കൃഷി ചെയ്തിരുന്നത്.

പലപ്പോഴും കാട്ട് മൃഗങ്ങൾ ഇറങ്ങി അവരുടെ കൃഷികൾ നശിപ്പിക്കുമായിരുന്നു. കൃഷി നശിപ്പിക്കാനായി വരുന്ന കാട്ട് പന്നിയേയും കുരങ്ങിനെയും ആനയേയും ഒക്കെ സീതയുടെ അച്ഛനും കൂട്ടരും പാട്ടകൊട്ടിയും പടക്കം പൊട്ടിച്ചും പന്തം കത്തിച്ചും തുരത്തുമായിരുന്നു.

കുഞ്ഞുന്നാൾ മുതലേ പഠിക്കാൻ ബഹു മിടുക്കിയായിരുന്നു സീത. !
അത്കൊണ്ട് തന്നെ അവളുടെ അച്ഛനും അമ്മയ്ക്കും അവളെ വല്യ ഇഷ്ടമായിരുന്നു..

തങ്ങൾക്ക് അന്യമായത് തങ്ങളുടെ ഏക മകൾ സീതക്ക് സാധ്യ മാകണം ! തങ്ങൾ പ്രഭാതം മുതൽ പ്രദോഷം വരെ പാടത്തും പറമ്പിലും ചേറിലും കഷ്ടപ്പെടുന്നത് പോലെയുള്ള ഒരു സ്ഥിതി തങ്ങളുടെ പൊന്നുമോൾക്ക് വാരാൻ പാടില്ല എന്ന കാര്യം അവർ ഇരുവർക്കും നിർബന്ധമായിരുന്നു…

നല്ല മാർക്കോടെ സ്കൂൾ വിദ്യാഭ്യാസം പൂർത്തിയാക്കിയ മകളോട് വലുതാകുമ്പോൾ ആരാകണം എന്ന് ചോദിക്കുമ്പോഴൊക്കെ അവൾ പറയും എനിക്ക് ഒരു ടീച്ചർ ആകണമെന്ന് ‘