പ്രണയം പൂത്തുലഞ്ഞു.. കാമം മോഹമായി !!
“എടാ പെട്ടെന്ന് കുളിച്ച് ഈ ഡ്രസ്സെടുത്ത് ഇട് ”
എന്നും പറഞ്ഞ് അച്ഛൻ എനിക്ക് ഒരു കവർ കയ്യിൽ തന്നു.
അത് കേട്ടപ്പോൾ തന്നെ ജിത്തു എന്നെ തള്ളി ബാത്ത്റൂമിലാക്കി.
ഞാൻ ഫ്രഷായി പുറത്ത് വന്ന് അച്ഛൻ തന്ന കവറ് നോക്കി.
വെള്ള ഷർട്ടും മുണ്ടും.
“ദൈവമേ ഇന്നെന്റെ കല്യാണം വല്ലതുമാണോ?”
ഞാൻ മനസ്സിൽ വിചാരിച്ച് ഡ്രസ് ഇട്ടു.
അപ്പൊ തന്നെ അമ്മ എനിക്കുള്ള കാപ്പിയും കൊണ്ട് മുറിയിൽ വന്നു.
“നീ വേഗം കഴിക്ക് പോകാനുള്ള സമയമാവാറായി”.
അമ്മ അത് പറഞ്ഞപ്പോൾ എനിക്ക് സത്യത്തിൽ ദേഷ്യം വന്നു.
“അമ്മേ എന്താ കാര്യം? എന്താ എന്നെ ഇങ്ങനെ വേഷം കെട്ടിക്കുന്നേ? ”
എന്റെ ഉള്ളിലെ സംശയം സങ്കടമായി പുറത്തുവന്നു.
“എല്ലാം നല്ലതിനാണ്, “അമ്മ അതും പറഞ്ഞ് പുറത്തുപോയി.
എനിക്ക് ഒന്നും കഴിക്കാൻ തോന്നിയില്ല ഞാൻ ഫോണെടുത്ത് അനുപമയെ വിളിച്ചു.
“ഹലോ ? അനുപമേ”
“ഹലോ ? നിങ്ങൾ ആരാണ് ” പരിചയമില്ലാത്ത ഒരു പുരുഷ ശബ്ദമാണ് ഞാൻ കേട്ടത്.
“ഞാൻ രാഹുൽ അനുപമ ഇല്ലേ ” ഞാൻ തിരിച്ച് ചോദിച്ചു.
‘“അവൾ ഇവിടെ ഇല്ല “
എന്നും പറഞ്ഞ് അയാൾ ഫോൺ കട്ട് ചെയ്തു.
ഞാനൊന്നും മനസ്സിലാകാതെ ഫോണെടുത്ത് ഷർട്ടിന്റെ പോക്കറ്റിലിട്ടു. അപ്പോഴേക്കും അബു അവിടെ വന്ന് എന്നെയും വലിച്ചോണ്ട് പുറത്ത്കൊണ്ട് വന്ന് ജീപ്പിൽ കേറ്റി.
വീട് പൂട്ടി അച്ഛനും അമ്മയും പുറകിൽ കയറി
