പ്രണയം – പൊക്കോണം അങ്ങോട്ടസത്തേ… മനുഷ്യന് ഒന്നു മുള്ളാൻപോലും മേലായിരുന്നു രാവിലെ..
രാത്രി ഒന്ന് അനുവാദം കൊടുത്തപ്പോൾ മനുഷ്യന് നടക്കാൻപോലും പറ്റാതെയാക്കി…പിശാശ്…എന്നിട്ട് വീണ്ടും വരുന്നു.. അവൻ്റെ …

പറഞ്ഞു തുടങ്ങിയത് പൂർത്തിയാക്കാതെ അവൾ ഒരു പില്ലൊ എടുത്ത് ഓങ്ങിക്കൊണ്ട് പറഞ്ഞു..

പെണ്ണിൻ്റെ കൊണം മാറിത്തുടങ്ങി….ഇനി നിന്നാൽ ചിലപ്പോൾ പണി കിട്ടും….അതുകൊണ്ട് ഞാൻ നൈസിന് അവിടുന്ന് സ്കൂട്ടാവാൻ തീരുമാനിച്ചു..

നീ പോടി പുല്ലേ….അവൾടെ ഒരു ജാഡ… അതും പറഞ്ഞു ഞാൻ നേരെ ബാത്ത്റൂമിലോട്ട് തിരിഞ്ഞു നടന്നു.

എന്തോ ഭാഗ്യത്തിന് പെണ്ണ് പിന്നെ ഒന്നും പറഞ്ഞില്ല.

തണുത്ത വെള്ളം ദേഹത്ത് വീണപ്പോൾ അറിയാതെ ഒന്ന് എരുവു വലിച്ചു പോയി….
സുഖമുള്ള നീറ്റൽ !!

ജാനിയുടെ നഖക്ഷതങ്ങളും ദന്തക്ഷതങ്ങളും നൽകിയ നീറ്റൽ !!

ആ സുഖമുള്ള വേദന ആസ്വദിച്ചു വിശാലമായ കുളിയും കഴിഞ്ഞു പുറത്തു ഇറങ്ങിയപ്പോൾ പെണ്ണ് കണ്ണാടിയുടെ മുമ്പിൽനിന്ന് ഒരുങ്ങുവാ..

ഒരു നീല ചുരിദാർ ടോപ്പും, വെള്ള ലെഗിങ്സുമാണ് വേഷം….ബെഡിൽ എനിക്കിടാൻ ബ്ലൂ ഷർട്ടും ചന്ദന കള്ളർ ജീൻസും എടുത്ത് വച്ചിട്ടുണ്ട്.

രണ്ടുപേരും ഒരുങ്ങിയിറങ്ങി നേരെ അമ്പലത്തിലേക്ക് വെച്ച്പിടിച്ചു.

ജനാർദ്ധന സ്വാമിയോടും ഹനുമാൻ സ്വാമിയോടും പ്രാർത്ഥിക്കുമ്പോൾ മനസ്സിൽ ഒരൊറ്റ പ്രാർത്ഥനയെ ഒള്ളു….ജീവിതകാലം മുഴുവനും ജാനി എൻ്റെ നല്ല പാതിയായി കൂടെ വേണമെന്ന്.. ഒരു വിധിക്കും വിട്ടുകൊടുക്കാതെ എന്നും ഞങ്ങൾ ഒരുമിച്ചുതന്നെ വേണമെന്ന്…

ജാനി കണ്ണുകൾ ഇറുക്കി തൊഴുകൈയ്യോടെ പ്രാർത്ഥിക്കുമ്പോൾ ഇറ്റ് വീണ രണ്ടുതുള്ളികൾ ഉറപ്പുവരുത്തി.. അവളുടെ പ്രാർത്ഥനയും ഇത് തന്നെയെന്ന്..

അമ്പലനടയിൽ നിന്നും ഇറങ്ങി ആൽത്തറയിൽ ഇരിക്കുമ്പോഴും ജാനി മൗനം തുടർന്നു…

പെണ്ണിൻ്റെ മനസ്സിൽ ഇപ്പൊൾ എന്താണെന്ന് എനിക്ക് നല്ല നിശ്ചയമുണ്ട്..

അവളുടെ മൂഡ് മാറ്റാൻ ഇനി ഒരു വഴിയേയുള്ളൂ..

അമ്പലത്തിൽ നിന്നും തിരിച്ചു റിസോർട്ടിൽ എത്തിയിട്ട് അവളോട് താഴെ പാർക്കിങ്ങിൽ തന്നെ വെയ്റ്റ് ചെയ്യാൻ പറഞ്ഞു, ഞാൻ റൂമിലേക്ക് പോയി.

മണി 6.15 ആവുന്നതേയുള്ളൂ. അതു കൊണ്ട് താഴെ ആരുമില്ലായിരുന്നു.

റൂമിൽനിന്നും തിരികെ വന്നപ്പോൾ ഫ്രണ്ടിൽ ഭംഗിയായി അലങ്കരിച്ചിരിക്കുന്ന പൂന്തോട്ടം നോക്കി നിൽക്കുവാണ് പെണ്ണ്.

എന്നെ കണ്ടപ്പോൾ പെണ്ണിൻ്റെ കണ്ണുകൾ വിടർന്നു.. ഞാൻ ഒരു ജാക്കറ്റും ഹെൽമറ്റും പെണ്ണിന് കൊടുത്തിട്ട് നേരെ ബൈക്കിലോട്ട് കേറി.

ജാനി പെട്ടെന്ന് ജാക്കറ്റുമിട്ട് ഹെൽമറ്റും വെച്ച് ഒന്നും ചോദിക്കാതെ ബൈക്കിൻ്റെ പുറകിൽ എന്നെ അള്ളിപ്പിടിച്ചിരുന്നു.

ഒരു ചിരിയോടെ ഞാൻ കുതിരയെ പറപ്പിച്ചു.

വെളുപ്പിനെയുള്ള തണുത്ത കാറ്റും പെണ്ണിൻ്റെ സാമിപ്യവും ആസ്വദിച്ചു ഞാൻ ലക്ഷ്യസ്ഥാനത്തേക്ക് പാഞ്ഞു.

റോഡിൽ തിരക്കായിത്തുടങ്ങുന്നതേയുള്ളൂ.

മെയിൻറോഡ് കഴിഞ്ഞു വണ്ടി, ചുറ്റും കാടും, ആള് ഒഴിഞ്ഞ റോഡിലേക്ക് കേറി…സൈഡ് മിററിലുടെ നോക്കിയപ്പോൾ പെണ്ണ് സ്ഥലത്തിൻ്റെ ഭംഗിയും ആസ്വദിച്ചിരിക്കുവാണ്.
ദൂരങ്ങൾ പിന്നെയും പിന്നിട്ടു..
വണ്ടി ഹില്ല് കയറാൻ തുടങ്ങി.

ഓരോ ഹെയർ പിന്നും വളച്ചെടുക്കുമ്പോൾ പെണ്ണിൻ്റെ പിടി എൻ്റെ മേൽ മുറുകി …..ടോപ് എത്താറായപ്പോൾ ഉള്ള വ്യൂവും തണുത്ത മന്ദമാരുതനും ആസ്വദിച്ചു ഞങ്ങൾ മുമ്പോട്ടു നീങ്ങി.

ഏറ്റവും മുകളിലെത്തി രണ്ടുപേർക്കു മുള്ള പാസും ചെക്കിങ്ങും കഴിഞ്ഞു വണ്ടി ലക്ഷ്യസ്ഥാനത്ത് എത്തി.

ചുറ്റും കോടമഞ്ഞ് പറന്നു നടക്കുന്ന അന്തരീക്ഷം.

വണ്ടി പാർക്കിങ്ങിൽ ഒതുക്കി ഇറങ്ങിയപ്പോൾ പെണ്ണിൻ്റെ മുഖത്ത് അത്ഭുതവും സന്തോഷവും തെന്നിമാറി കളിച്ചു.

പെണ്ണിൻ്റെ മുഖത്തെ സന്തോഷം കണ്ടപ്പോൾ എൻ്റെ മനസ്സും നിറഞ്ഞു. മുമ്പോട്ടു അവളുടെ കൈയും പിടിച്ചു നടന്നപ്പോഴാണ് വല്യ അക്ഷരത്തിൽ എഴുതിയിരിക്കുന്ന ബോർഡ് എൻ്റെ കണ്ണിൽ പെട്ടത്….

PONMUDI HILL STATION

ഞായറാഴ്ച ആയതുകൊണ്ട് രാവിലെ അല്പം തിരക്കുണ്ട്. കമിതാക്കളെപ്പോലെ കൈകൾ കോർത്ത്പിടിച്ച് ഞങ്ങൾ മുമ്പോട്ടു നീങ്ങി. ചുറ്റും കോടമഞ്ഞ് പുതച്ച അന്തരീക്ഷം..സൂര്യവെട്ടം ഉണ്ടെങ്കിലും നല്ല തണുപ്പ് ഉണ്ടായിരുന്നു.

ഞങ്ങൾ ആദ്യത്തെ കുന്ന് കയറാൻ തുടങ്ങി. ഇന്നലെ രാത്രിയിലത്തെ കുരുത്തക്കേട് കാരണം പെണ്ണിന് നടക്കാൻ അല്പം ബുദ്ധിമുട്ടുണ്ട്.

പൊന്മുടിയുടെ ഏറ്റവും മുകളിൽനിന്ന് താഴേക്ക് നോക്കാൻ തന്നെ ഒരു പ്രത്യേക ഭംഗിയാണ്.. ചുറ്റും പച്ചപ്പുല്ലുകൾ പീലി വിരിഞ്ഞു നിൽക്കുന്ന കുന്നും മലയും !!

അതിൻ്റെ പുറത്തുകൂടി മേഘങ്ങൾ പോലെ ഒഴുകി നടക്കുന്ന കോടമഞ്ഞ് !! ഉഫ്‌.!! എന്നാ ഫീൽ..!!

ഞങ്ങൾ നിന്ന കുന്നിൻ്റെ മുകളിൽ കുറെ ഫാമിലികളും..കാമുകീ കാമുകന്മാരും.. ട്രിപ്പിങ്ങിന് ഇറങ്ങിയ പിള്ളേരു മുണ്ടായിരുന്നു..

തിരക്ക് കൂടുതൽ കാരണം ഞാൻ എൻ്റെ സ്ഥിരം സ്പോട്ടിൽ പോകാൻ തീരുമാനിച്ചു.

മൂന്ന് കുന്നുകൾ കഴിഞ്ഞപ്പോൾ പെണ്ണ് കുഴഞ്ഞുപോയി..ഞാനും തളർന്നു.

ഇവിടുന്ന് നോക്കുമ്പോൾ മുമ്പത്തെക്കാട്ടിലും കാഴ്ച്ചകൾ മനോഹരമായി തോന്നി…

പീലി വിടർത്തി ആടുന്ന പരവദാനി പുല്ലുകളെ തഴുകി ഒഴുകിപ്പോകുന്ന കോട മഞ്ഞ്…. തെന്നിയും തെറിച്ചുമിരിക്കുന്ന കമിതാക്കൾ..തൻ്റെ പാതിയുടെ മടിയിൽ തലവെച്ച് അവരുടെ സ്വകാര്യ നിമിഷങ്ങൾ ആസ്വദിക്കുന്നു..!!

ചുറ്റുമുള്ള ഒന്നും ശ്രദ്ധിക്കാതെ അവരുടെ മാത്രം ലോകത്തിൽ അലിഞ്ഞിരിക്കുന്ന അവരെ കാണാൻ തന്നെ രസമായിരുന്നു.

അവരുടെ കളിയും ചിരിയും കുസൃതികളും..അവരുടെ മാത്രം ലോകം..!!

എൻ്റെ പെണ്ണിൻ്റെ വിളിയാണ് എന്നെ ചിന്തകളിൽനിന്നും തിരിച്ചുകൊണ്ടുവന്നത്.

തക്കു..നിക്ക് ഇനി നടക്കാൻ വയ്യാ… തളർന്നു…

ജാനി കിതച്ചുകൊണ്ട് പറഞ്ഞു.

ഡീ..സ്വല്പംകൂടി പോയാൽ മതി.. പ്ലീസ്… !!

ഞാനും കിതപ്പടക്കിക്കൊണ്ട്പറഞ്ഞു.

മ്മ്മ…

ഒരു മൂളൽ മാത്രമായിരുന്നു മറുപടി..

ജാനീടെ മുഖം ഇപ്പോൾ വാടിയ താമരപ്പൂ പോലെയായി…വാലിട്ടെഴുതിയ മയിൽ പീലി കണ്ണുകളിൽ ഇപ്പോൾ തളർച്ച കാണാം…തുടുത്ത കവിളുകൾ അല്പം കൂടി ചുമന്നിട്ടുണ്ട്…ചെറുതായി വിറക്കുന്ന തത്തമ്മ ചുണ്ടുകൾ…. വലംപിരിശംഖ് പോലെയുള്ള നീണ്ട കഴുത്തിൽ പൊടിഞ്ഞിരിക്കുന്ന വിയർപ്പു തുള്ളികൾ….

ഇളം മന്ദമാരുതനിൽ തട്ടി പറക്കുന്ന പനങ്കുലമുടികൾ ഒതുക്കാൻ പെണ്ണ് പെടാ പാട് പെടുന്നുണ്ട്….ശ്വാസം എടുക്കുന്നത് അനുസരിച്ച് ഉയർന്നു താഴുന്ന എൻ്റെ പെണ്ണിൻ്റെ ഇരട്ട കുന്നുകളിലേക്ക് എൻ്റെ നോട്ടമെത്തി..!!

ഈശ്വരാ.. എന്തൊരു ഭംഗിയാണ് എൻ്റെ പെണ്ണിനെ കാണാൻ..അറിയാതെ ഞാൻ നോക്കി നിന്നുപോയി..

ആ…അറിയാതെ ഞാൻ കരഞ്ഞു പോയി..

നോക്കിയപ്പോൾ കൈയിൽ നഖത്തിൻ്റെ പാട് കാരണം ചുമന്നുകേറി.

എന്താടീ…ഞാനല്പം ദേഷ്യത്തോടെ ചോദിച്ചു..

ഒന്നുമില്ല.. സാറിന് ജീവനൊണ്ടോന്ന് നോക്കിയതാ…

പെണ്ണ് ചെറുതായി ചിരിച്ചോണ്ട് പറഞ്ഞു.

ചത്തില്ല..പുല്ല്….നടക്കിങ്ങോട്ട്..

ഞാൻ അവളുടെ കൈകൾ പിടിച്ചു മുമ്പോട്ടു നടന്നു.

പെണ്ണ് ഇപ്പോഴും ചിരിക്കുവാണ്. അവളുടെ നിഷ്കളങ്കമായ ചിരി കാണുമ്പോൾ എൻ്റെ മുഖത്തും ഒരു പുഞ്ചിരി വിരിഞ്ഞു.

അടുത്ത കുന്ന് അല്പം കാടാണ്..
വല്യ മരങ്ങളും പാറകളും വള്ളി ച്ചെടികളും.

മുകളിലെത്തിയാൽ താഴോട്ട് പാറ പിളർത്തി ഒഴുകുന്ന ചെറിയൊരു നീരുറവ..വെള്ളം ഒഴുക്കുള്ളത് കാരണം പാറകൾ നല്ല തെറ്റലുണ്ട്..നോക്കി നടന്നില്ലെങ്കിൽ നടക്കേണ്ട ആവിശ്യം വരില്ല..

ഏറ്റവും താഴെ ലാൻഡ് ആയിക്കോളും..!!

ഞാൻ ജാനൂട്ടിടെ കൈകൾ മുറുക്കെ പിടിച്ചു താഴോട്ട് നീങ്ങി.

.പെണ്ണിൻ്റെ മുഖത്ത് നല്ല പേടിയുണ്ട്.
വള്ളികൾ നീക്കി താഴോട്ട് ഇറങ്ങിയപ്പോഴാണ് സൈഡിൽനിന്നും ഒരു ചിരിയും ഞെരക്കവും കേട്ടത്.

വള്ളികൾ നീക്കി സൂക്ഷിച്ചു നോക്കിയപ്പോൾ കമിതാക്കൾ..!!

പെണ്ണിൻ്റെ മടിയിൽ തലവെച്ച് കിടക്കുകയാണ് പയ്യൻ.. അവൻ്റെ മുഖവും അവളുടെ ഫ്രണ്ട് മുഴുവനും ഷാളുകൊണ്ട് മറച്ചിട്ടുണ്ട്..അവൾ തല മേലോട്ടുയർത്തി കണ്ണുകൾ കൂമ്പി അടച്ചിരിക്കുകയാണ്..അവളുടെ കൈകൾ ഷാളിൻ്റെ ഉള്ളിൽക്കൂടി അവൻ്റെ തലയെ തലോടുന്നുണ്ട്..

സംഭവം എന്നതാണെന്ന് മനസ്സിലായത് കൊണ്ട് ഞാൻ ചേച്ചിയെ നോക്കി.

അവൾക്കും കാര്യം കത്തിയെന്ന് തോന്നുന്നു..പെണ്ണിൻ്റെ മുഖത്ത് ചെറിയ നാണവും അതിശയവുമുണ്ട്.

പിന്നെ ഞാൻ അവിടെ നിന്നില്ല..അവരെ അവരുടെ സ്വകാര്യതയിലേക്ക് വിട്ടിട്ട് ഞങ്ങൾ താഴോട്ടിറങ്ങി..

അടുത്ത ചെറിയ മൊട്ടപ്പാറയാണ് എൻ്റെ സ്ഥിരം സ്പോട്ട്.. കുറെ ഉരുളൻ പാറകളും നീളൻ പുല്ലുകളും കൊണ്ട് നിറഞ്ഞ ചെറിയ മൊട്ടക്കുന്ന്..

കുന്നിൻ്റെ തുമ്പിൽ പാറ പിളർത്തി ഉയർന്നുവന്ന ചെറിയൊരു മരം..
ഏക മരം… !!

ഇങ്ങോട്ട് സാധാരണ ആരും വരാരില്ല..കാരണം, ഒന്ന് നല്ല ദൂരമുണ്ട്….രണ്ട്, ഇപ്പൊൾ കഴിഞ്ഞ ആ കാട്.. കുത്സിതത്തിന് വരുന്നവർ കാട്ടിൽത്തന്നെ ഏതേലും മൂലയിൽ ഒതുങ്ങും..ഇങ്ങോട്ട് ആരും വരാറില്ല.

ഞാൻ എൻ്റെ പെണ്ണിനേയും കൊണ്ട് ആ മരത്തിൻ്റെ ചുവട്ടിൽ ഇരുന്നു.. പെണ്ണിനെ ഇരുത്തിയിട്ട് ഞാൻ അവളുടെ മടിയിൽ തലയും വെച്ച് കിടന്നു.

അവളുടെ നീളൻ വിരലുകൾ എൻ്റെ മുടിയിൽ തഴുകിക്കൊണ്ടിരുന്നു..

ചുറ്റും കോടമഞ്ഞ് ഒഴുകുന്നു…
നീളൻ പുല്ലും…മരവും…കോടയും… ഇത്രയും ദൂരവും, ഞങ്ങളെ എല്ലാരുടെയും കണ്ണുകളിൽനിന്നും മറച്ചു..!!

പെണ്ണിൻ്റെ വിയർപ്പിൻ്റെ ഗന്ധവും പ്രകൃതിയുടെ ഭംഗിയും ആസ്വദിച്ചു ഞാൻ കിടന്നു..

വാവേച്ചി…
ഞാൻ കണ്ണുകൾ തുറക്കാതെ തന്നെ വിളിച്ചു.

മ്മ്മ്മ്…

വാവേച്ചി…

.ഞാൻ വീണ്ടും വിളിച്ചു.

മ്മ്മ്മ്മ്മ….

നീട്ടി ഒരു മൂളൽ മാത്രമാണ് അവിടുന്ന് വന്നത്.

ഞാൻ പെട്ടെന്ന് തിരിഞ്ഞ് ജാനിയെ ഇടുപ്പിൽ കൂടി വട്ടം പിടിച്ച്കൊണ്ട് എൻ്റെ പല്ലുകൾ അവളുടെ അണിവയറിൽ ടോപ്പിന് പുറത്തുകൂടി ആർന്നിറക്കി… [ തുടരും ]