പ്രണയം എന്ത്? എങ്ങനെ ?
ചെവിക്ക് പുറകിലൂടെ നനുത്ത കരസ്പർശം അറിഞ്ഞാണ് ഞാൻ പതിയെ ഉറക്കം ഉണർന്നത് ….പക്ഷേ കണ്ണു തുറക്കാതെ പരമാവധി എയർ പിടിച്ചു കിടന്നു…..
പതിയെ ആ തണുത്ത കൈവിരലുകൾ ചെവിക്ക് പുറകിൽ നിന്നും സഞ്ചരിച്ചു എൻ്റെ ചെവിയിലെത്തി…
ഞാൻ ഒരു കണ്ണ് ലേശം തുറന്നു ഒളി കണ്ണിട്ടുനോക്കി.
പെണ്ണ് രാവിലെ കുളിച്ചു ഒരു ചന്ദന കളർ ചുരിദാറും ഇട്ട് ഈറൻ മുടി വിടർത്തി എൻ്റെ മുമ്പിൽ നിൽക്കുവാണ്… എന്റെ കാതിൽ പിടിക്കാൻ കുനിഞ്ഞപ്പോൾ ഞാൻ കണ്ടു അവളുടെ കഴുത്തിൽ തൂങ്ങിയാടുന്ന നേരിയ സ്വർണമാലസ്വർണ്ണമാല.. അതിന്റെ അറ്റത്ത് തങ്കത്താലി… അവളുടെ ഓരോ ചലനത്തിനും അനുസരിച്ചു താലിമാല ആടിക്കളിക്കുകയാണ്..
എപ്പോഴും ഉടുപ്പിൻ്റെ മറവിൽ ഒളിഞ്ഞിരിക്കുന്ന താലി എൻ്റെ മുമ്പിൽ നിന്നു ആടിക്കളിക്കുന്നത് കണ്ടപ്പോൾ എൻ്റെ മനസ്സ് നിറഞ്ഞു.
തക്കു എണീക്കെടാ… അല്ലേ ദേ എന്റേന്ന് നല്ല നുള്ള് കിട്ടുട്ടോ…
അതും പറഞ്ഞുകൊണ്ടു അവൾ മൃദുവായി എൻ്റെ ചെവിയിൽ നുള്ളി… ഒപ്പം അവളുടെ അധരങ്ങളിൽ ചെറുപുഞ്ചിരി വിടർന്നു.
അതോടെ പിടിച്ചു നിൽക്കാനാവാതെ ചിരിപൊട്ടിയ ഞാൻ തിരിഞ്ഞു അവളെയും പിടിച്ചു മേലോട്ട് വലിച്ചിട്ടു… ഒപ്പം ഞൊടിയിടയിൽ അവളെയും പിടിച്ചുരുണ്ട് അവളെ എന്റെ താഴെയാക്കി…ഞാൻ അവളുടെ മുകളിൽ അവളെ ഇറുക്കിയണച്ചു കിടന്നു.
