പെണ്ണൊരുമ്പെട്ടാൽ
ഒരു നിമിഷം ശാലിനി ആലോചിച്ചു നിന്നു…പിന്നെ ഒന്നും ആലോചിക്കാതെ തൊട്ടടുത്ത വീട്ടിലേക്ക് ഓടിക്കേറി… അവരുടെ വരാന്തയിൽ കേറി നിന്നു…”ചേച്ചി… ആരുമില്ലേ ഇവിടെ..” അവൾ കയ്യും കാലും ചേർത്ത് പിടിച്ച് തലയിൽ കുടയും വച്ച് വിളിച്ചു കൂവി. വരാന്തയിൽ ആണെങ്കിലും അടിക്കുന്ന കാറ്റും മഴയും അവളുടെ ദേഹത്തേക്ക് വീഴുന്നുണ്ടായിരുന്നു…
”ആരാ അത്…” അകത്തു നിന്ന് ഒരുമദ്ധ്യ വയസ്കയുടെ ശബ്ദം…കതകു തുറന്ന്‌ ഒരു ചേച്ചി പുറത്തു വന്നു…”മോൾ ഏതാ…. ഇങ്ങു കേറി വാ” ആ ചേച്ചി അവളെ അകത്തേക്ക് വിളിച്ചു.”ഭയങ്കര മഴ ചേച്ചി… ഞാൻ ഗോപിനാഥന്റെ മോളാ..ചേച്ചി അറിയുമോ എന്നറിയില്ല “ ശാലിനിപറഞ്ഞു..”ആ… ഗോപിയേട്ടന്റെ മോളാണോ? ഇവിടുത്തെ ചേട്ടന്റെ കൂട്ടുകാരനാ മോളുടെ അച്ഛൻ” ചേച്ചി പറഞ്ഞു…
“മോൾ സ്കൂളിൽ നിന്ന് വരുന്ന വഴി ആണോ?” അതെ ചേച്ചി… കുട ഇവിടെ വന്നപ്പോ ഒടിഞ്ഞു പോയി…അടുത്ത് വീട് കണ്ടപ്പോ ഇങ്ങോട്ട് ഓടി കേറിയതാ…” ശാലിനി പറഞ്ഞു..”മോൾ തല ഒന്ന് തോർത്തു… ” ഒരു തോർത്ത് എടുത്തു കൊടുത്തു കൊണ്ട് ചേച്ചിപറഞ്ഞു.”എന്റെ കുട്ടിയും അവിടെയാ പഠിക്കുന്നെ… മോൾ എത്രേലാ?” ചേച്ചി ചോദിച്ചു..”പത്തിൽ ആണ് ചേച്ചി… എന്താ ചേച്ചിടെ മോന്റെ പേര്?” ശാലിനി ചോദിച്ചു ” രതീഷ്..
അവനും പത്തിലാ… മോളുടെ ഡിവിഷൻ ആണോ?” ചേച്ചി ചോദിച്ചു…”ആ…അതെ ചേച്ചി… ഞങ്ങൾ ഒരേ ക്ലാസ്സിലാ…” സന്തോഷത്തോടെ ശാലിനി പറഞ്ഞു…” രതീഷിന്റെവീടാണോ ഇത്?, ഞാൻ അറിഞ്ഞില്ല..” സന്തോഷത്തോടെയും അത്ഭുതത്തോടെയും അവൾ ചോദിച്ചു.”ആഹാ… നന്നായി.. അച്ചന്മാർ രണ്ടും കൂട്ടുകാർ, ഇപ്പൊ കുട്ടികളും ഒരേ ക്ലാസിൽ…” ചേച്ചി പറഞ്ഞു….
“മോനെ രതീഷേ… ” മകനെ ചേച്ചി വിളിച്ചു….” അവൻ വന്നിട്ട് കുറച്ചു നേരം ആയി… കുളിക്കാൻ കേറിയതാ…ഇപ്പൊവരും””ദാ വരുന്നു അമ്മേ…” അകത്തു നിന്ന് രതീഷിന്റെ മറുപടി കേട്ട്… രണ്ടു മിനിറ്റ് കഴിഞ്ഞപ്പോ അവൻ വന്നു. ” ങാ… ശാലിനീ.. താനെന്താ ഇവിടെ?” അവൻ ആകാംക്ഷയോടെ ചോദിച്ചു…”മഴ വന്നപ്പോ കേറിയതാ..” അവൾക്കു അത്ഭുതം ആയി…
അവളുടെ പേര് അവനു അറിയാം… ഒരിക്കലും പ്രതീക്ഷിച്ചില്ല…ആരോടും മിണ്ടാത്ത അവനിൽ നിന്ന്..”ഇരിക്ക് മോളെ… ഞാൻ ഒരു ചായ ഇടാം..” ചേച്ചി പറഞ്ഞു”വേണ്ട ചേച്ചി…ഒരു കുട തന്നാൽ ഞാൻ പൊക്കോളാം… അമ്മ പേടിക്കും വൈകിയാൽ..” ശാലിനി പറഞ്ഞു..”അയ്യോ… ഇവിടെ ഒരു കുടയെ ഉള്ളൂ … എടാ നീ ആ കുട എടുത്തു അവളെ കൊണ്ട് ചെന്ന് ആക്കിയിട്ടുവാ” ചേച്ചി പറഞ്ഞു. ശാലിനിക്ക് ഒരു മടിയും നാണവും തോന്നി.
ആരെങ്കിലും കണ്ടാൽ മോശമല്ലെ…എന്നാലും രതീഷിന്റെ കൂടെ പോകാൻ ഒരു ഇഷ്ടവും ഉണ്ടായിരുന്നു..”ശരിയമ്മേ… ” രതീഷ് അകത്തേക്ക് പോയി ഉടനെ ഒരു കുടയുമായി മടങ്ങി വന്നു…”പോകാം ശാലിനീ” അവൻ അവളെ നോക്കി ചോദിച്ചു…”അമ്മെ… ഞങ്ങൾ ഇറങ്ങുന്നു… താങ്ക്സ് ഉണ്ട് കേട്ടോ..” അവൾ ചേച്ചിയോട് പറഞ്ഞു …മഴ പിന്നെയും ആർത്തലച്ചു പെയ്തു കൊണ്ടിരിക്കുകയായിരുന്നു. തുള്ളിക്ക് ഒരു കുടം പേമാരിഎന്നപോലെ.
