എൻ്റെ അച്ഛൻ ഗൾഫിലാണ്. അമ്മ സർക്കാർ ഉദ്യോഗസ്ഥയും

ശ്യാമക്ക് അച്ഛനില്ല. അമ്മയുണ്ട്. അമ്മയും അമ്മാവനും ശ്യാമയുമാണ് ആ വീട്ടിലുള്ളത്. അമ്മാവൻ അമ്മയേക്കാൾ രണ്ട് വയസ്സ് ഇളയതാണ്. ആള് അവിവാഹിതനാണ്. ബ്രഹ്മചാരിയാണെന്നാ ശ്യാമ പറയുന്നത്. ങ്ങാ.. അത് എന്തുമാവട്ടെ മൂപ്പിലാൻ എന്നോടൊക്കെ നല്ല രീതിയിലാ ബിഹേവ് ചെയ്യുന്നത്. നമുക്കത് നോക്കിയാ മതിയല്ലോ.

ഒരു ഞായറാഴ്ച രാവിലെ ഉറക്കം എഴുന്നേറ്റ ഞാൻ, പ്രഭാത കർമ്മങ്ങൾ എല്ലാം കഴിഞ്ഞ് താഴെ വന്നു. അപ്പോൾ അമ്മ പുറത്ത് പോകാൻ ഒരുങ്ങുന്നത് കണ്ട് ഞാൻചോദിച്ചു.

അമ്മേ, എങ്ങോട്ടാണ് ഞായറാഴ്ച രാവിലെ പോകുന്നത്?

എടീ മോളേ, ഓഫീസിലെ സൂപ്രണ്ടിൻ്റെ വീട്ടിൽ വരെ പോണം. ചില ഫയലുകൾ നോക്കാനുണ്ട്.

ഫയലുകളൊക്കെ ഓഫീസിൽ വെച്ചല്ലേ നോക്കേണ്ടത്.

കുറച്ച് പെൻ്റിങ്ങ് ഉണ്ട്.. 21 നുള്ളിൽ എല്ലാം ക്ലിയർ ചെയ്യണമെന്ന് മോളീന്ന് നോട്ടീസുണ്ട്. അത് കൊണ്ട് മേഡം കുറെ ഫയലുകൾ വീട്ടിലേക്ക് കെട്ടിയെടുത്തേക്കുവാ വിളിച്ചാൽ ചെല്ലാതിരിക്കാൻ പറ്റ്വോ?

ഉം.. കൊള്ളാം.. ദേ.. വല്ല അഴിമതിക്കളിയാണെങ്കിൽ അമ്മ അതിലൊന്നും എടപെട്ടേക്കരുത്.

ഏയ്.. ഇത് അത്തരം ഫയലൊന്നുമല്ല. ഇന്നലെ ഞാൻ തന്നയാ ഫയലുകൾ മാഡത്തിനെ ഏല്പിച്ചത്.

അമ്മ എപ്പോഴാ തിരിച്ചു വരുന്നത്?