നന്ദൂ അതിനെന്താണ് അവർക്ക് സംശയം തോന്നാത്ത ഒരു വഴി?

ഇവിടെ കുറച്ച് മാറി ഒരു കൂട്ടുകാരൻ്റെ റിസോർട്ട് ഉണ്ട് .. അവിടെ ചെന്ന് രണ്ടെണ്ണം വീശിയിട്ട് വരാം എന്ന് പറഞ്ഞ് നാണപ്പേട്ടനുമായി പതിയെ മുങ്ങുക.. നേരേ കട്ടപ്പനയ്ക്ക് വിടുക, അവിടെ ഒരു ബാർ ഹോട്ടലിൽ മുറിയെടുത്ത് നിങ്ങൾ രണ്ടെണ്ണം വീശി രണ്ട് ദിവസം അവിടെ കൂടുക. അപ്പോഴേക്കും ഞാനിവിടെ കാര്യങ്ങളൊക്കെ സെറ്റാക്കിയിരിക്കും.

കാര്യങ്ങളെല്ലാം ഇങ്ങനെ നീ പറയുമ്പോലെ സ്മൂത്തായി നടക്കുമോടാ.. എനിക്കൊരു വിശ്വാസവുമില്ല..

ഞങ്ങളെ കാണാതെ തപ്പി നടന്ന നാണപ്പേട്ടൻ അങ്ങോട്ട് വന്നു.

എന്താണിവിടെ രഹസ്യ ചർച്ച.?

അവളുമാരറിയാതെ രണ്ടെണ്ണം അടിക്കാനുള്ള വഴി നോക്കുവായിരുന്നു..

ഇത് കേട്ട് പുള്ളിക്ക് സന്തോഷമായി.. ഇക്കാര്യം ഞാനങ്ങോട്ട് പറയാനിരിക്കുവായിരുന്നു.

എന്തെങ്കിലും വഴി തെളിഞ്ഞോ?

പിന്നേ…. തെളിയാണ്ടിരിക്കുവോ…

ഇവിടെ അടുത്ത് എൻ്റെ കൂട്ടുകാരൻ്റെ ഒരു റിസോർട്ടുണ്ട്.. അവിടെ ചെന്നാൽ രണ്ടെണ്ണം അടിക്കാം…

എന്നാൽ വാ ഇപ്പോൾ തന്നെ പോയേക്കാം..

എടാ നന്ദൂ നീയിവിടെ നിൽക്ക്.. പെണ്ണുങ്ങൾ ഒറ്റക്കല്ലേ.. ഞങ്ങൾ പോയി രണ്ടെണ്ണം വിട്ടേച്ച് ശടേന്ന് വന്നേക്കാം.. ഞങ്ങൾ റോഡിൽ നടക്കാൻ പോയി എന്ന് പറഞ്ഞാൽ മതി.

ശരി..

ഞാൻ സമ്മതിച്ചു. അവർ മുകളിലേക്ക് കയറിപ്പോയി…