നാണപ്പൻ ചേട്ടൻ്റെ മോൾ അനുജ പ്ലസ് ടു വിലെത്തിയപ്പോൾ ചേട്ടൻ എന്നോട് പറഞ്ഞു:

എടാ നന്ദൂ.. നീ മോൾക്ക് കണക്കും ഇംഗ്ലീഷും ഒന്ന് പറഞ്ഞ് കൊടുക്ക്, എങ്ങനെയെങ്കിലും അവളെ ഒന്ന് കഷ്ടി പാസാക്കിയെടുക്ക്..

ചേട്ടാ എനിക്ക് ട്യൂഷനെടുത്ത് പരിചയമൊന്നുമില്ല.. പിന്നെ ഞാൻ പഠിപ്പിച്ചാൽ അവൾക്ക് മനസിലാകുമോ എന്നൊന്നും അറിയില്ല..

ഞാനൊഴിയാൻ പറഞ്ഞതാ.. അന്ന് അത്താഴം കഴിക്കുമ്പോൾ അമ്മയെന്നോട് പറഞ്ഞു.

എടാ നന്ദൂ.. നീ ആ അനൂജക്കൊച്ചിന് ഒന്ന് കണക്ക് പറഞ്ഞ് കൊടുക്ക്. ചേതമുള്ള കാര്യമൊന്നുമല്ലല്ലോ.. ആ സുലേഖ എന്നോട് വന്ന് പരാതി പറഞ്ഞു. നാണപ്പൻചേട്ടൻ ഇക്കാര്യം നിന്നോട് പറഞ്ഞിട്ട് നീ പറ്റൂല്ലാന്ന് പറഞ്ഞെന്ന്.

ചേട്ടാ അനുജക്ക് കണക്ക് ഒന്ന് പറഞ്ഞ് കൊടുക്ക് ചേട്ടാ..

പെങ്ങളും സപ്പോർട്ട് ചെയ്തു. അനുജ തോറ്റ് പഠിച്ചതിനാൽ നല്ലപ്രായ വ്യത്യാസമുണ്ട്.

അമ്മയും കൂടി പറഞ്ഞപ്പോൾ ഞാൻ മനസില്ലാമനസോടെ ട്യൂഷൻ ഏറ്റെടുത്തു.

ഞാനമ്മയോട് പറഞ്ഞു,

എനിക്കറിയാവുന്നത് പോലെ പഠിപ്പിച്ച് കൊടുക്കാം.. തോറ്റാൽ എന്നെപ്പറയരുത്…

ഞാൻ അനുജക്ക് ട്യൂഷനെടുക്കാൻ പോയിത്തുടങ്ങി. എൻ്റെ കറക്കമെല്ലാം കഴിഞ്ഞ് വെകിട്ട് 7 മണിക്കാണ് ഞാൻ അവരുടെ വീട്ടിലെത്തുക. വീടിൻ്റെ മുകൾനിലയിലാണ് അനുജയുടെ മുറി. ആദ്യ ദിവസം എത്തിയപ്പോൾ സുലേഖ ചേച്ചി പറഞ്ഞു അനുജ മുകളിലെ മുറിയിലുണ്ട് നന്ദുക്കുട്ടൻ അങ്ങോട്ട് ചെല്ല്.. ഞാൻ ചായയുണ്ടാക്കട്ടെ.