അത്രയ്ക്ക് ഉറക്കം വരുന്നുണ്ട്. അത് കേട്ടപ്പോൾ തന്നെ എനിക്കൊരു നിരാശ തോന്നി. ആദ്യരാത്രിയിൽ ഉറക്കം വരുന്നുവെന്ന് പറയുന്ന പുരുഷനോ . ഇന്നത്തെ രാത്രി ശിവരാത്രിയെന്ന് പാട്ടിൽക്കൂടിയുണ്ട്. എന്നിട്ടെന്താ ചന്ദ്രേട്ടനങ്ങനെ പറഞ്ഞത്. ചിലപ്പോ എന്നെ പറ്റിക്കാൻ പറഞ്ഞതാവും. എന്നെ മുറിയിലേക്കാക്കാൻ അമ്മായി ഒരുങ്ങുമ്പോഴാണ് അമ്മാവൻ വന്നത്. പിന്നെ അമ്മാവനുമായുള്ള കുശലങ്ങൾക്ക് ശേഷമേ എനിക്ക് മുറിയിലേക്ക് പോരാനൊത്തൊള്ളു.

അതിന്റെ പരിഭവത്തിലായിരിക്കും ചന്ദ്രേട്ടൻ പറഞ്ഞത്. അപ്പോഴാണ് പാൽ മേശപ്പുറത്ത് വെച്ചത് പുള്ളിക്കാരന്റെ കണ്ണിൽ പെട്ടത്. അതെന്തിനാ മേശപ്പുറത്ത് വെച്ചത്. അതിങ്ങെടുത്തേ… കൂസലില്ലാതെ ചന്ദ്രേട്ടൻ ചോദിച്ചതും ഞാൻ പാൽഗ്ലാസ്സ് എടുത്ത് നീട്ടി. പുള്ളി ഒറ്റ വലിക്ക് ഗ്ലാസ്സിലെ പല് മുഴുവൻ തീർത്തു. ചേട്ടൻ കുടിച്ചതിന്റെ ബാക്കി കുടിക്കാൻ കാത്ത് നിന്ന ഞാൻ മണ്ടിയായി. സിനിമയിലെ ആദ്യരാത്രികളിലൊക്കെ ഒരേപ്പോലെ മാത്രം കാണുന്ന കാര്യമാണ് പുരുഷൻ താൻ കുടിച്ച പാലിലൊരു പങ്ക് ഭാര്യക്ക് നൽകുന്നത്.

എന്നാൽ ചന്ദ്രേട്ടനിൽ നിന്നും അങ്ങനെ ഒരു നീക്കം ഉണ്ടായതേയില്ല. പാലു വാങ്ങി മൂപ്പര് ഒറ്റയ്ക്കത് കുടിച്ചു തീർത്തു. എന്നിട്ട് ഷർട്ടൂരി മാറ്റിയിട്ട് കട്ടിലിലേക്ക് കയറിക്കിടന്നു. എന്താ ഇങ്ങേരീകാണിക്കുന്നതെന്ന് മനസ്സിൽ തോന്നിയെങ്കിലും ഒന്നും ചോദിക്കാൻ പറ്റില്ലല്ലോ. പെണ്ണിന് അറിയാവുന്നതാണ് പുരുഷനുമായുള്ള ബന്ധപ്പെടൽ എന്നാകിലും അത് അറിയാമെന്ന് ഭാവിച്ചാൽ പ്രശ്നമാവില്ലേ? എങ്ങനെയറിഞ്ഞു? മുൻ പരിചയമുണ്ടോ.. അങ്ങിനെ ചോദ്യങ്ങൾ പലത് വരും. അത് കൊണ്ട് തന്നെ എന്ത് ചെയ്യണമെന്നറിയാതെ ഞാൻ അങ്ങനെ നിന്നു.