അത് കേട്ടതും അമ്മ ഭയന്നു. അമ്മ ഒന്നും മിണ്ടാതെ എല്ലാം കേട്ട് നിന്നു.

പിന്നീട് മുത്തശ്ശി അമ്മാവനോട് സ്വാമിയെ വിളിക്കാൻ പറഞ്ഞു.

അമ്മാവൻ അയാളെ വിളിച്ചു ഇതിനൊക്കെ മുൻപ് ശ്യാം അയാളെ വിളിച്ചു ഇവരോട് പറയാൻ ഉള്ള കാര്യം പറഞ്ഞു കൊടുത്തിരുന്നു. അത് അമ്മാവൻ വിട്ടുകാരുടെ മുന്നിൽ വച്ച് പറഞ്ഞു.

അമ്മാവൻ: അമ്മേ, സ്വാമി പറഞ്ഞത് രണ്ട് ആഴ്ച കഴിഞ്ഞാൽ ഏട്ടൻ്റെയും ചേച്ചിയുടെയും കല്യാണം നടത്താൻ പറ്റിയ നാളുണ്ട്. അന്നത് നടത്തുന്നത് നല്ലതാണെന്നാണ് സ്വാമി പറഞ്ഞത്.

മുത്തശ്ശി: ആ, ഞാനും അത് സ്വാമിയോട് ചോദിക്കാൻ നിന്നതാ. എന്തായാലും അത് സ്വാമി പറഞ്ഞത് നന്നായി.

അമ്മാവൻ: പിന്നെ കുറച്ചു കാര്യങ്ങൾ സ്വാമി പറഞ്ഞു.

മുത്തശ്ശി: എന്താ?

അമ്മാവൻ: അത്..കുറച്ചു കാര്യങ്ങൾ…

ചേച്ചിയുടെ മുന്നത്തെ കല്യാണത്തിൻ്റെ ഒരു ഓർമയും വച്ച് ഈ കല്യാണത്തിന് വരാൻ പാടില്ല. അതിന് ഏട്ടൻ ചേച്ചിയുടെ കഴുത്തിൽ കെട്ടിയ താലിമാല അഴിക്കണം. നെറ്റിയിലെ സിന്ദൂരം പാൽ ഒഴിച്ച് കളയണം. ഏട്ടൻ ചേച്ചിക്ക് കല്യാണം കഴിഞ്ഞിട്ട് കൊടുത്ത ആഭരണങ്ങൾ, വസ്ത്രങ്ങൾ. കൂടാതെ അതുപോലെയുള്ള എല്ലാം ഉപേക്ഷിച്ചിട്ട് വേണം ചേച്ചി ഈ കല്യാണം കഴിക്കാൻ. അതുകൊണ്ട് ഇതെല്ലാം ഇന്ന് രാത്രി ചെയ്യണം. ഈ നാൾ തൊട്ട് ചേച്ചി കല്യാണം കഴിയാത്ത ഒരു സ്ത്രിയായി മാറണം.