കൊതി – ഒരു മലയോര ഗ്രാമം.. സമയം രാവിലെ നാലര.. മുക്കവലയില്‍ നിന്നും അല്‍പ്പം ഉള്ളിലേക്ക് മാറി ഒറ്റപ്പെട്ട് നില്‍ക്കുന്ന ഒരു വീടും തെല്ലുമാറി പറമ്പിന്‍റെ ഒഴിഞ്ഞ കോണിലൊരു പശുത്തൊഴുത്തും. ചായക്കടക്കാരന്‍ കൃഷ്ണൻ്റെ വീടാണത്.. ആ ചെറിയ വീട്ടില്‍ രാവുണ്ണിയും ഭാര്യ ചന്ദികയും മകള്‍ രാജിയുമാണുള്ളത്.
രാജിക്കിപ്പോൾ 18 ആയി.

കൃഷ്ണൻ നല്ലൊരു മദ്യപാനിയാണ്… ചായക്കച്ചവടത്തിൽ നിന്നുള്ള വരുമാനം അയാള്‍ക്ക് കുടിക്കാനേ തികയൂ.. വീട്ടിലെ ചിലവ് കഴിയുന്നത് ചന്ദ്രിക അടുത്തുള്ള ഒരു ചെറിയ ഡ്രയര്‍ കമ്പനിയില്‍ ജോലിക്കു പോയിട്ടാണ്..

കഴിഞ്ഞ രണ്ടാഴ്ചയായി തൊഴില്‍പ്രശ്നങ്ങള്‍ കാരണം കമ്പനി പൂട്ടിക്കിടക്കുകയാണ്..
അതോടെ ചന്ദ്രികയുടെ വരുമാനം നിലച്ചു. വീട്ടിലെ നിത്യനിദാനത്തിൻ്റെ കാര്യങ്ങൾ അവതാളത്തിലായി. ഒരു രൂപപോലും കൈയ്യിലില്ലാതെ, എന്താ ചെയ്യേണ്ടതെന്നറിയാതെ ചന്ദ്രിക നട്ടം തിരിയുമ്പോഴാണ് ചിലവ് കാശിനു പോലും കൂട്ടുകാരി രമണി പശുക്കറവയുടെ കാര്യം പറയുന്നത്..

ചായക്കടയിലും അയല്‍വക്കത്തുമൊക്കെയായി പാല്‍ കൊടുക്കാം.. അടുത്തുള്ള പറമ്പിലൊക്കെ ധാരാളം പുല്ലുമുണ്ട്..

അങ്ങനെ കിട്ടാവുന്നിടത്ത്ന്നെല്ലാം കടംമേടിച്ചും രാജിയുടെയും തന്‍റെയും മാല പണയം വെച്ചുമൊക്കെയാണു അവള്‍ തൊഴുത്ത് പണിയുന്നതിനും പശുവിനെ വാങ്ങിക്കാനുമുള്ള കാശ് കണ്ടെത്തിയത്..