നീ വാട്സ്ആപ്പ് ലോക്കിട്ട് വെച്ചിട്ടുണ്ടല്ലോ എന്താടി വല്ല കള്ളത്തരമുണ്ടോ ?
എന്ന് റിൻസി ചേച്ചി തമാശയ്ക്കു ഒന്ന് രണ്ട് വട്ടം ചോദിക്കുന്നത് ഞാൻ കേട്ടിരുന്നു.

എങ്കിൽ പിന്നെ അവിടെത്തന്നെ ആദ്യം തപ്പാം എന്ന് വിചാരിച്ചു നിൽക്കുമ്പോളേക്കും ജെസ്‌ന ഹാളിലേക്ക് വന്നിരുന്നു.

“എടി… ”

“എന്താ ഇച്ചായാ? ”

“നിന്റെ ഫോൺ ഒന്ന് തന്നെ ”

“എന്തിനാ ഇച്ചായാ? “അവൾ സംശയ ഭാവത്തോടെ ചോദിച്ചു.

“ഇങ്ങ് താടി “ഞാൻ കൂടുതൽ ഒന്നും പറയാതെ ആ ഫോൺ അങ്ങ് തട്ടിപ്പറിച്ചു വാങ്ങിച്ചു.

“ഓഹ്.. ഇതൊന്നു അൺലോക്ക് ചെയ്തു താ “

അവൾ ഒന്ന് സംശയിച്ചു നിന്ന ശേഷം ഫോൺ അൺലോക് ചെയ്തു തന്നു.

“ദാ ഈ വാട്സ്ആപ്പ് കൂടി അൺലോക്ക് ചെയ്യ് “

അത് പറഞ്ഞതും ജെസ്‌ന നിന്ന് ചിണുങ്ങാൻ തുടങ്ങിയിരുന്നു.

“വേഗം അൺലോക്ക് ചെയ്യ് കൊച്ചേ… ഇച്ചായന്‌ വേറെ പണിയുള്ളതാ ”

“വാട്സ്ആപ്പ് ഒക്കെ എന്തിനാ നോക്കുന്നെ ഇച്ചായാ? ”

“ശ്ശെടാ ഈ വീടിനുമേൽ നിനക്കുള്ള സ്വത്തവകാശത്തിന്റെ പകുതി എഴുതിത്തരാനൊന്നും പറഞ്ഞില്ലല്ലോ… ഇതൊന്നു അൺലോക്ക് ചെയ്യാനല്ലേ പറഞ്ഞുള്ളു. “

ജെസ്നയ്ക്കു എന്നിട്ടും ഒരു കുലുക്കമുണ്ടായിരുന്നില്ല.

“എന്താടി.. നജീബ് കൂടാതെ ഇനീം ആളുകളുണ്ടോ? “

ഞാൻ അവളോട് പതിയെ ചോദിച്ചു.

“അങ്ങനൊന്നും ഇല്ല ഇച്ചായാ… സത്യായിട്ടും ഇല്ല ”