“ഞായറാഴ്ച എവിടെന്നാടാ പണി? ”

“ഓഹ്..ഇന്ന് ഞായറാഴ്ച ആയിരുന്നല്ലേ ”

“ജോലീം കൂലിയും ഇല്ലാത്ത നിനക്ക് എന്ത് ഞായറാഴ്ച… “

അപ്പച്ചൻ എന്നെ നോക്കി ഒന്ന് ആട്ടി.

സിറ്റുവേഷൻ വഷളാവും മുന്നേ ഞാൻ നൈസ് ആയി അവിടെന്നു മുങ്ങി.
അല്ല, ഇതിനു അപ്പനെ പറഞ്ഞിട്ട് കാര്യമില്ല..എന്റെ ഭാഗത്തും തെറ്റുണ്ട് !!!

ചായകുടിയും കഴിഞ്ഞു ടീവി കണ്ടോണ്ടിരുന്നപ്പോളാണ് ഞാൻ ആ കാര്യം ആലോചിക്കുന്നത്. കാര്യം ശരി, ജെസ്‌ന ഇപ്പോൾ ഞാൻ പറയുന്നത് പോലെ നടക്കുള്ളൂ.. എങ്കിലും ആ മണ്ടിക്ക് അറിയില്ലല്ലോ എൻെറ കൈയ്യിൽ അവൾക്കെതിരെ ചുണ്ണാമ്പിനുപോലും തെളിവുകളില്ലെന്ന്.

ഞാൻ ഈ കാര്യം വീട്ടുകാരോട് വിളിച്ച് പറഞ്ഞാൽ അവളോടുള്ള ദേഷ്യം തീർക്കാൻ ഞാൻ ഇല്ലാക്കഥ വിളിച്ച് പറയുന്നു എന്ന് ആരോപിച്ചു എന്നെ തന്നെ വീട്ടിൽനിന്ന് പുറത്താക്കുന്ന അവസ്ഥയെ ഉണ്ടാവു. അവളാണെങ്കിൽ കുറ്റ സമ്മതം നടത്താനുള്ള സാധ്യതയുമില്ല.

ഗ്രൗണ്ടിൽ കാറിനകത്തു വച്ച് അവളെ കണ്ടപ്പോൾ പകച്ചുപോയതുകൊണ്ടും. ഇന്നലെ രാത്രി ഒട്ടും പ്രതീക്ഷിക്കാതെ നടന്ന സംഭവവികാസങ്ങളായതു കൊണ്ടും രണ്ട് തവണയും ഒരു വീഡിയോപോലും ഞാൻ അവൾക്കെതിരെ എടുത്ത് വച്ചിരുന്നില്ല.

ഇനി എന്താ വഴി എന്ന് ആലോചിക്കുമ്പോളാണ് അവൾ വാട്സ്ആപ്പ് ലോക്ക് ചെയ്തിടുന്ന കാര്യം ഓർമ വന്നത്.