“അന്ന് എല്ലാം പറഞ്ഞ് തീർത്തിട്ടും ഈ നായിന്റെ മോന്റെ അസുഖം മാറിയില്ല… വീണ്ടും എന്റെ പെങ്ങളെ ഇവൻ ഈ വീട്ടിൽ വച്ച് തന്നെ ഉപദ്രവിക്കാൻ നോക്കി”

“സത്യമാണോ ഇക്കാ ഞാൻ ഈ കേൾക്കണേ? “

ഞാൻ പറഞ്ഞത് കേട്ടു വിശ്വസിക്കാനാവാതെ ഷഹല നജീബിന്റെ അടുത്ത് പോയി ചോദിച്ചു.

നജീബ് ഒന്നും മിണ്ടാതെ തല കുനിച്ചു നിന്നതേയുള്ളൂ.

“ഇതിനാണോ നിങ്ങൾ എന്നേം മക്കളേം ഷോപ്പിംങ്ങിനു പോവാൻ ഉത്സാഹിച്ചതു? നിങ്ങള്ക്ക് നാണമില്ലേ മനുഷ്യാ “

എന്നും പറഞ്ഞ് ഷഹല പൊട്ടിക്കരഞ്ഞു.

“കരയാനുള്ളതൊക്കെ ഇപ്പൊ കരഞ്ഞു തീർക്കണ്ട .. നാളെ ഈ നായിന്റെ മോന്റെ കബറ് അടക്കുമ്പോൾ ബാക്കി കരയാം “

ജഹാൻകിർ അണ്ണൻ ഷഹലയോടു പറഞ്ഞു. “

ഈ ജഹാൻകിർ ഒരു തവണ ഈ നായിന് അവസരം കൊടുത്തതാ… അതുമല്ല ഞാൻ ഏറ്റ കേസ് സോൾവ് ആയില്ല എന്ന് പറഞ്ഞാൽ അത് ഈ ജഹാൻകിർനു നാണക്കേടാ…
അതുകൊണ്ട് ഈ പന്നിയെ ഞാൻ ഇന്ന് തീർത്തേക്കുവാ ” എന്നും പറഞ്ഞ് നജീബിനെ പൊക്കി എടുത്ത് അണ്ണൻ രണ്ടെണ്ണംകൂടി പൊട്ടിച്ചു.

“ഇത്തവണ കൂടി നിങ്ങൾ ഒന്ന് ക്ഷമിക്ക്… പ്ലീസ്… എന്റെ പിള്ളേർക്ക് ബാപ്പ ഇല്ലാതാവും “

ഷഹല എന്റെ കൈയ്യിൽ പിടിച്ച് അപേക്ഷിച്ചു.

“ഇടിക്കല്ലേ അണ്ണാ… ഇനി ഇടിക്കല്ലേ… വേറെ നിവർത്തി ഇല്ലാഞ്ഞിട്ടാ “

നജീബ് അണ്ണന്റെ തല്ല് താങ്ങാനാവാതെ പറഞ്ഞു.