“ഇല്ല ഇച്ചായ… എന്നെ പിടിച്ച് കെട്ടിയിട്ടു… എന്നിട്ട് ആരോ വരും അയാൾക്കു കൊടുക്കാനാ എന്നെ കൊണ്ട് വന്നത് എന്ന് പറഞ്ഞു ”

“ആര്? ”

“അറിയില്ല ഇച്ചായ ”

“കുഴപ്പമില്ല മോള് കരയണ്ട… ഇച്ചായൻ നോക്കിക്കൊള്ളാം ഇനി “

ഞാൻ അവളെ സമാധാനിപ്പിച്ചു താഴേക്ക്‌ കൊണ്ട് വന്നു.

അപ്പോളേക്കും ജഹാൻകിർ അണ്ണൻ നജീബിനെ ഇടിച്ചു കൂട്ടി ഒരു മൂലയ്ക്ക് ഇട്ടിരുന്നു.

“മോള് ധൈര്യമായി പൊയ്ക്കോ… ഇനി ഈ നാറി മോളുടെ ഏഴ് ആയ്ലത്ത് വരില്ല… ആ കാര്യം അണ്ണൻ ഏറ്റു “ജഹാൻകിർ അണ്ണന്റെ വാക്ക് ജെസ്നയ്ക്കു കൂടുതൽ സമാധാനമായി. ഞാൻ ഒരു ടാക്സി വിളിച്ച് അവളെ വീട്ടിലേക്കു വിട്ടു.

“മോളെ വീട്ടിൽ ഒന്നും പറയണ്ട കേട്ടോ ”
“മ്മ് “
അവൾ തലയാട്ടി

“ഇച്ചായൻ വരുന്നില്ലേ? ”

“ഞാൻ വന്നോളാം… പക്ഷെ അതിന് മുന്നേ ഇച്ചായന്‌ കുറച്ച് കണക്ക് തീർക്കാനുണ്ട് ”

“വേഗം വരണേ ”

“മോള് പേടിക്കണ്ട… സമാധാനമായി പൊയ്ക്കോ “

ജെസ്‌നയെ പറഞ്ഞയച്ചതും ഞാൻ നജീബിന്റെ വീട്ടിലേക്കു വീണ്ടും കയറി. അപ്പോൾ തന്നെ ജഹാൻകിർ അണ്ണന്റെ മറ്റു ശിങ്കിടിമാർ നജീബിന്റെ ഭാര്യ ഷഹലയുമായി അവിടെ എത്തിയിരുന്നു.

ജഹാൻകിർ അണ്ണന്റെ ഇടിയും കിട്ടി മൂലയ്ക്ക് കിടക്കുന്ന നജീബിനെ കണ്ടതും ഷഹല എന്നെയും അണ്ണനെയും മാറി മാറി നോക്കി.

“എന്താ… എന്താ വീണ്ടും പ്രശ്നം… അന്ന് എല്ലാം പറഞ്ഞ് തീർത്തതല്ലേ പിന്നെ എന്തിനാ നിങ്ങൾ എന്റെ കെട്ടിയോനെ തല്ലിക്കൂട്ടി ഇട്ടേക്കുന്നത്? ”