ദേ പിന്നേം ..വളർത്തുഗുണത്തിന്റെ കാര്യം..!! കൂടുതൽ ഒന്നും എന്നെക്കൊണ്ട് പറയിപ്പിക്കേണ്ട..പറഞ്ഞാൽ നമ്മൾ ഇനിയും ഉടക്കും.

ഏതായാലും വഴക്കിന് ഞാനുമില്ല.. എനിക്കറിയേണ്ട രണ്ടാമത്തെ കാര്യം അവളുടെ കുഞ്ഞു നിന്റേത് ആണെന്ന് പറഞ്ഞല്ലോ..അത് നിനക്ക് എങ്ങനെ ഉറപ്പിക്കാം? അവൾ പറഞ്ഞോ?

ആ ചോദ്യത്തിന് ഉത്തരം പറഞ്ഞാലുള്ള ഭവിഷ്യത്തിനെക്കുറിച്ചു ബുദ്ധിമാനായ ബിനുവിന് നന്നായി അറിയാമായിരുന്നു.. താൻ ദേഷ്യത്തിൽ നേരത്തെ മറിയക്കുട്ടിയോട് ചോദിച്ച ചോദ്യങ്ങളാണ് അവരിപ്പോ ഓരോന്നായി തിരിച്ചു ചോദിക്കുന്നത്..
അതൊക്കെ എന്റെ ഊഹം വെച്ച് പറഞ്ഞതാ.. അന്ന് പ്രീകോഷൻ ഒന്നും എടുത്തില്ലായിരുന്നു..

എന്ന് വെച്ചാൽ ?

മറിയക്കുട്ടിക്ക് മനസിലായില്ല.

എന്നുവെച്ചാൽ ഗര്ഭനിയന്ത്രണ മാര്ഗങ്ങൾ ഒന്നും എടുത്തില്ലായിരുന്നുവെന്ന്..

ഓഹോ.. അതുകൊണ്ട് ആ കൊച്ചു നിന്റേതാണെന്നങ്ങ് ഊഹിച്ചു അല്ലേ, ? ചുമ്മാ വായിൽ തോന്നിയത് വിളിച്ചു പറഞ്ഞാൽ തകരുന്നത് ഒരു കുടുംബമാകും.. അതിനെക്കുറിച്ചു വല്ല ബോധവുമുണ്ടോ?

വായിൽ തോന്നിയത് വിളിച്ചു പറഞ്ഞതല്ല.. തെളിവുണ്ടല്ലോ!

പെട്ടെന്നുള്ള ആവേശത്തിൽ അവൻ പറഞ്ഞുപോയി.

എന്ത് തെളിവ് ?

ആ കുഞ്ഞിന് എനിക്കുള്ളതുപോലെ ഒരു മറുകില്ലേ?

പിടിക്കപ്പെട്ടു എന്നറിഞ്ഞപ്പോ അവൻ പിന്നെ സത്യം മറക്കാൻ പോയില്ല.