ഒറ്റശ്വാസത്തിൽ സ്മിത പറഞ്ഞത് കാറിനുള്ളിൽ മുഴങ്ങി. രണ്ടു പേരും ഒരല്പ നിമിഷം സ്തംഭിച്ചു പോയി.

ഹലോ കൊച്ചാ ട്ടാ.. കേൾക്കുന്നുണ്ടോ?

ഉണ്ട്.. ഉണ്ട്.. നല്ല പോലെ കേട്ടു..!!

ചമ്മിയ ചിരിയോടെ ബിനു പറഞ്ഞു.

അവളോട് പറയണേ..

അതിനി പ്രത്യേകിച്ച് പറയേണ്ട കാര്യമില്ല.. അവൾ എല്ലാം കേട്ട് കാറിലുണ്ട്.

ങേ കാറിലോ? അയ്യോ നിങ്ങൾ എല്ലാം കൂടി എവിടെ പോകുവാ?

എല്ലാരും ഇല്ല.. ഞാനും രേഷ്മയും..

അവൾ ടൂർ കഴിഞ്ഞു തിരിച്ചു വന്നപ്പോ കൂട്ടിക്കൊണ്ട് വരാൻ പോയതാ.

ആഹാ കലക്കീല്ലോ.. എടി രേഷ്മേ.. എടീ..

രേഷ്മ ചമ്മിയ മുഖത്തോടെ തല താഴ്ത്തിയിരുന്നു.

എടീ.. പൊട്ടിക്കാളീ.. തെണ്ടീ.. മിണ്ടടീ.. നീ എല്ലാം കേട്ടോണ്ട് ഇരിക്കുവാ അല്ലേ?

രേഷ്മ നിശബ്ദത തുടർന്നു.

എടി മര്യാദക്ക് ഹലോ പറഞ്ഞോ.. അല്ലേൽ നമ്മൾ നേരത്തെ സംസാരിച്ച കാര്യമെല്ലാം ഞാനിപ്പൊ വിളിച്ചു പറയും.. എനിക്കതിനു യാതൊരു ഉളുപ്പുമില്ലെന്ന് നിനക്കറിയാമല്ലോ?

ഹലോ..!!

ഭീക്ഷണി ഏറ്റു…!
രേഷ്മ ശബ്ദിച്ചു.!!

അങ്ങനെ വഴിക്കു വാ മോളേ.. ദേ ഇനിയിപ്പോ രണ്ടുപേർക്കും ആര് തുടങ്ങും എന്നൊരു ചിന്ത വേണ്ടല്ലോ, നേരത്തെ പറഞ്ഞതെല്ലാം ഓർമ്മയുണ്ടല്ലോ.. അല്ലേ, നീ വട്ടയപ്പം വാങ്ങിയിരുന്നോ?

വാങ്ങി.

ഇനി അതിന്റെ ആവശ്യമില്ല.. നിന്റെ വട്ടയപ്പം കൊച്ചാട്ടൻ തിന്നോളും.. കൊച്ചാട്ടാ ഇതാ ഞാൻ പറഞ്ഞ സർപ്രൈസ്.. കേട്ടോ..അപ്പൊ രണ്ടുപേരും എന്ജോയ് ചെയ്‌തോ.. ഞങ്ങൾ ശല്യമാകുന്നില്ല.. ബൈ..