“എന്നെയോ അതോ നമ്മൾ ചെയ്ത സെക്സിനെയാണോ?”

പാർവതി അവനെ കളിയാക്കി.

“രണ്ടും മിസ് ചെയ്യും.”

“പേടിക്കണ്ട. ഞാൻ പോയിക്കഴിഞ്ഞാലും അക്കാര്യത്തിൽ നിങ്ങൾക്കൊരു മുട്ടും വരാൻ പോവുന്നില്ല. നാളെ മുതൽ ഈ വീട്ടിൽ നിങ്ങൾ ഇതുവരെ കാണാത്ത ഒരാളെ കൂടി കാണാം. അവളെ സൂക്ഷിച്ചോളണം. എല്ലാ അർത്ഥത്തിലും അവളെൻ്റെ ചേച്ചിയാണ്,”

പാർവതി അവരെ നോക്കി കണ്ണിറുക്കിക്കാണിച്ചു.

പാർവതി, വരാൻ പോകുന്ന നാളുകളെക്കുറിച്ച് ഒരു സൂചന നൽകി.

ജോയലിനു പെട്ടെന്നു കാര്യം മനസിലായില്ലെങ്കിലും ആന്റോയ്ക്ക് പിടികിട്ടി. പാർവതിയുടെ ചേച്ചി ലക്ഷ്മി എംബിഎ പഠിത്തം കഴിഞ്ഞു വീട്ടിൽ തിരിച്ചെത്തുന്നു!

കുറച്ച്നേരം കൂടി അവരുടെ കൂടെ നിൽക്കണം എന്നു ആഗ്രഹം ഉണ്ടായിരുന്നെങ്കിലും മനസില്ലാ മനസ്സോടെ പാർവതി യാത്ര പറഞ്ഞു പോയി. ഇനി എന്നെങ്കിലും കണ്ടുമുട്ടുമോ എന്നറിയാതെ..

അവൾ പോയിക്കഴിഞ്ഞപ്പോൾ ആന്റോ ആ കത്തു തുറന്നു വായിച്ചു.

“ഡിയർ ആന്റോ, ജോയൽ,

വളരെ കുറച്ചു ദിവസങ്ങൾകൊണ്ട് നിങ്ങൾ സമ്മാനിച്ച ഓർമ്മകൾക്കും സൗഹൃദത്തിനും നന്ദി. അവ എനിക്കെന്നും പ്രിയപ്പെട്ടതായിരിക്കും. നിങ്ങളുടെ കയ്യിൽ ഇപ്പോൾ മൊബൈൽ ഫോൺ ഇല്ലെന്നറിയാം. എന്നാലും എൻ്റെ ഫോൺ നമ്പർ കൂടെ ചേർക്കുന്നു. എന്നെങ്കിലും ഒരു മൊബൈൽ ഫോൺ ഒക്കെ എടുക്കുമ്പോൾ കോണ്ടാക്റ്റ് ചെയ്യുമെന്ന പ്രതീക്ഷയോടെ.”