ഞാൻ അടുക്കളയിൽ നിന്നപ്പോഴല്ലാം അവൻ എന്റെ കൂടെ വന്ന് മുട്ടിയുരുമ്മിനിന്ന് എന്നെ തമാശകൾ പറഞ്ഞു ചിരിപ്പിച്ചു. സത്യം പറഞ്ഞാൽ ഞാൻ അടുത്ത കാലത്തൊന്നും ഇത്രയും ചിരിച്ചിട്ടില്ല. ഇപ്പോൾ ആഗ്രഹിച്ചതിനും കൊതിച്ചതിനും അപ്പുറമാണ് കിട്ടുന്നത്. ജീവിതത്തിലെ സുഖങ്ങൾ എല്ലാം അവസാനിച്ചു എന്ന് കരുതിയ എനിക്ക് ഇപ്പോൾ ദൈവമായിട്ട് കൊണ്ടുത്തന്നതാണ് ഇവനെ.. ഇനി എന്റെ ആഗ്രഹങ്ങളെല്ലാം സാധിച്ചുതരാൻ പോകുന്നത് എന്റെ ഈ ഭർത്താവാണ്..അവനെ ഇനി ഒരിക്കലും എനിക്ക് നഷ്ടപ്പെടരുതേ എന്നാണിപ്പോൾ എന്റെ പ്രാർത്ഥന. ഈ കഴിഞ്ഞ കുറച്ചു മണിക്കൂറുകൾകൊണ്ട് അവൻ എന്റെ ജീവന്റെയും ജീവിതത്തിന്റെയും ഒരു ഭാഗമായി കഴിഞ്ഞത് പോലെ..!!

അവനെ പറിച്ചു മാറ്റുന്നത് പോയിട്ട് അങ്ങനെ സങ്കൽപ്പിക്കാൻപോലും കഴിയുന്നില്ല. അഥവാ ഇതൊരു സ്വപ്നമാണെങ്കിൽ പോലും ഈ സ്വപ്നത്തിൽ നിന്ന് ഒരിക്കലും ഉണരരുതേ എന്ന് ഞാൻ പ്രാർത്ഥിച്ചുകൊണ്ടിരുന്നു.

അങ്ങനെ, എന്റെ അഖിയെപ്പറ്റി ഓരോന്ന് ചിന്തിച്ച് പാത്രങ്ങളൊക്കെ കഴുകിവെച്ച് ഞാൻ ഹാളിലേക്ക് വന്ന് നോക്കിയപ്പോൾ അഖിയെ ഹാളിൽ കാണുന്നില്ല. TV മാത്രം ഓണാണ്.. അപ്പോൾ അകത്തെ മുറിയിൽ അവൻ ആരോടോ ഫോണിൽ സംസാരിക്കുന്നത് കേട്ടു. എന്തോ അസൈൻമെന്റ് സബ്‌മിറ്റ് ചെയ്യുന്ന കാര്യമൊക്കെയാണ് പറയുന്നത്. ഞാൻ ക്ലോക്കിൽ നോക്കിയപ്പോൾ സമയം ഒൻപതു മണി ആകുന്നതെ ഉള്ളൂ..എന്തായാലും കുറച്ചുകൂടി കഴിഞ്ഞ് കിടക്കാം..