രാവിലെ ഫോൺ നിർത്താതെ ബെല്ലടിക്കുന്നത് കേട്ടാണ് എഴുന്നേറ്റത്. എണീറ്റതും കണ്ണൊക്കെ ഒന്ന് തിരുമ്മി ഞാൻ ഫോണെടുത്തു നോക്കിയപ്പോൾ ഇരുപത് മിസ്സ്ഡ് കാൾ.

ദൈവമേ സുജേച്ചി ആണല്ലോ..

ഞാൻ സമയം എത്രയാണെന്ന് നോക്കി “10:16 AM “.

പത്തുമണിക്ക് ചെല്ലണം എന്നാണാലോ സുജേച്ചി പറഞ്ഞത് !!.

ഞാൻ ടവൽ എടുത്ത്‌ വേഗം ബാത്റൂമിലേക്കോടി…

പരിപാടികൾ ഒക്കെ കഴിഞ്ഞ് ഫ്രഷായി താഴേക്ക് ചെന്നു.

അച്ഛൻ എന്നത്തേയും പോലെ സോഫയിൽ പത്രം വായിച്ചിരിപ്പാണ്. ബ്രേക്ഫാസ്റ്റ് എല്ലാം അമ്മ ടേബിളിന്റെ മുകളിലായി എടുത്ത് വെച്ചിട്ടുണ്ടായിരുന്നു.

ഞാൻ കാസ്ട്രോളിൽ നിന്നും രണ്ട് ദോശയെടുത്ത്‌ സമ്പാറൊഴിച്ച് കഴിക്കാൻ തുടങ്ങി. അപ്പോഴാണ് അടുക്കളയിൽ നിന്നും അമ്മ അങ്ങോട്ട് വന്നത്. അമ്മ വന്നതും എന്നെ ആതന്നെ തുറിച്ചു നോക്കിക്കൊണ്ടിരുന്നു.

അമ്മ എന്നെ നോക്കികൊണ്ട് “മോനെ സനലേ… “

എന്താമ്മേ?…

നിന്നോടൊന്ന് സുജയുടെ വീട്ടിലേക്ക് ചെല്ലാൻ…. അവിടുത്തെ ടീവി വർക്കാവണില്ലെന്ന്. നിന്നോട് ഒന്ന് നോക്കാൻ പറഞ്ഞു…

അയ്യെ.. ഇതാണോ സുജേച്ചിയുടെ സസ്പെൻസ്….എന്തായാലും ഇതൊരുമാതിരി മറ്റേടത്ത സസ്പെൻസ് ആയിപ്പോയി !!
ഉം എന്തായാലും പോയി നോക്കാം.

അമ്മ : നീ എന്താടാ ആലോചിക്കുന്നേ?

ഏയ്യ് ഒന്നുമില്ല….

അമ്മയെന്ന വീണ്ടുമൊന്ന് തുറിച്ചുനോക്കിക്കൊണ്ട് അടുക്കളയിലോട്ട് പോയി.