അങ്ങനെയാണെങ്കിൽ അവരോട് ഇവിടെ വന്ന് കിടക്കാൻ പറഞ്ഞാപ്പോരെ..?

എടാ മോനേ.. അവരൊക്കെ പ്രായമായ ആളുകളാ.. അവർക്ക് സ്വന്തം വീട് അടച്ച്പൂട്ടി പോരാനൊന്നും മനസ്സ് വരില്ല..നിനക്കവിടെ പോയി കിടന്നാലെന്താ കുഴപ്പം.. ദേ.. നിന്റച്ഛൻ വന്നാ നിന്നെ പറഞ്ഞയച്ചില്ലെന്നും പാഞ്ഞ് എന്നെ വഴക്ക് പറയും..

വേണ്ട വേണ്ട.. അമ്മ വഴക്കൊന്നും കേൾക്കണ്ട.. ഞാൻ പൊയ്ക്കോളാം..

ങാ.. എന്നാ പോകാൻ നോക്ക്..

അതിന് ഇപ്പോ പോണതെന്തിനാ? രാത്രി ക്കുള്ളത് കഴിച്ചിട്ട് പോയാപ്പോരെ..

നിനക്കുള്ളത് ജാനുവേച്ചി തന്നോളാന്നാ പറഞ്ഞത്.. അവരെ മുഷിപ്പിക്കണ്ട.. നീ അവിടന്ന് കഴിച്ചാമതി.. ങാ… പിന്നെ.. നീ പോകുമ്പോ ഫ്രിഡ്ജിലിരിക്കുന്ന ജാമും എടുത്തോ..

അതെന്തിനാ?

അവിടെ bread ഉണ്ടെന്ന് പറഞ്ഞപ്പോ ഞാനാ പറഞ്ഞ് ബ്രഡ്ഡും ജാമും നിനക്ക് ഒത്തിരി ഇഷ്ടാന്ന്.. ഇനിയിപ്പോ ജാമിന് എവിടെപ്പോകുമെന്ന് ചേച്ചി ചോദിച്ചപ്പോൾ ഞാൻ കൊടുത്തുവിടാമെന്ന് പറഞ്ഞിരുന്നു.

ങാ.. ഞാൻ കൊണ്ടു പൊയ്ക്കോളാം

പിന്നെ.. ജാം ബാക്കി വന്നാ ഇങ്ങോട്ട്കൊണ്ടുവരണ്ടാട്ടോ.. അവിടെ വെച്ചേര്.. എന്തായാലും അടുത്ത ആഴ്ച വരെ നീ അവിടെ കൂട്ട് കിടക്കാൻ പോകേണ്ടതല്ലേ !!

പോകുമ്പോ പഠിക്കാനുള്ള ബുക്ക് എടുക്കാൻ മറക്കണ്ടാട്ടോ..

അധികം വൈകാതെ രവി പഠിക്കാനുള്ള ബുക്കും ജാമും ഒക്കെയായി ജാനുവിന്റെ വീട്ടിലേക്ക് പോയി. അപ്പോൾ സമയം സന്ധ്യയായി തുടങ്ങിയിരുന്നു.