എന്റെ സ്വപ്നങ്ങളും മോഹവും
എന്താടാ ഇങ്ങനെ നോക്കുന്നെ..?
അന്തംവിട്ടു അവളുടെ മുഖത്തേക്ക് നോക്കുന്ന ഏന്നോടായ് ചേച്ചി ചോദിച്ചു.
ഒന്നൂല്ലേച്ചി.. മുടി അടിപൊളിയായിട്ടുണ്ട്, പിന്നേ ചേച്ചിക്ക് പൂക്കളം ഇടണത് എങ്ങനാന്നറിയോ?
എന്താടാ..?
ഞാന്‍ മുടികെട്ടിയത് കൊള്ളാം എന്ന് പറഞ്ഞോണ്ടാകും.. ഒരു ചിരിയോടെയാണ് പുള്ളിക്കാരി അത് തിരക്കിയത്..
വട്ടം വരയ്ക്കാന്‍ കയറില്‍ കെട്ടിവെച്ചേക്കുന്ന ചോക്ക് കാണിച്ചു കൊണ്ട്.
ഇനി എന്താ ചെയ്യണ്ടേ?
ഗോപന്‍ ആയിരുന്നത്
എനിക്കും വലിയ പിടിയില്ല.. എന്നാലും ഞാന്‍ ഹെല്‍പ്പാം..
ചേച്ചി ഒരടിപൊളി ഡിസൈനില്‍ ഒരു കളം അങ്ങ് വരച്ചു. തുമ്പ നടുക്ക് വരണമെന്ന് ഗോപന്‍ പറഞ്ഞു. അങ്ങന്നെ ഓരോന്നും അതിന്റെ സ്ഥാനത്ത് അവര്‍ രണ്ടും കൂടെ സെറ്റാക്കി. അതിൽനിന്നും അവർ എന്നെ പുറത്താക്കിയോ എന്നുപോലും ഞാന്‍ ചിന്തിച്ചു.
പൂക്കളം ഇടൽ ഏതാണ്ട് തീരാറായപ്പോള്‍ വാല്‍ക്കണ്ണാടി വേണ്ടേ എന്നായി ഞാന്‍. സംഭവം മറ്റു കളങ്ങള്‍ കാണാന്‍ പോയപ്പോള്‍ ഞാന്‍ നോട്ടുചെയ്തതാണ് അതൊക്കെ .. ഗോപന്‍ അപ്പൊഴാണ് അത് ഓര്‍ക്കുന്നത് പോലും. അവനതെടുക്കാന്‍ അവന്‍റെ വീട്ടിലെക്കോടി.
നിന്‍റെ ആര്യേച്ചി വന്നില്ലേ ഇപ്രാവശ്യം?
പൂക്കളം ഇടുന്നത് സസൂക്ഷ്മം നോക്കുന്ന എന്നോട് ചേച്ചി ഒന്ന് നിർത്തിയിട്ടു തിരക്കി.
